مەنىڭ اتىم انار丨انار مۇعالىم: شينجياڭدى قۇرۋعا ۇلەس قوساتىن اناعۇرلىم كوپ ”انار داندەرىن“ تاربيەلەپ شىعامىن

日期:2023年01月13日
来源:新疆日报
【字体:

تيانشان تورى - شينجياڭ گازەتىنىڭ ٴتىلشىسى ٴجازيرا نەسىپبەك

  ”قىزمەت ىستەگەنىمە 15 جىل بولدى، جىل سايىن دەرلىك ۇزدىك وقىتۋشى بولىپ باعالانىپ كەلەمىن“. 1 - ايدىڭ 7 - كۇنى ٴوز ۇيىندە انار بۇناتاي كۇلىمسىرەپ تۇرىپ تىلشىگە ٴوزىنىڭ وتكەن ٴبىر جىلداعى قىزمەت باعالاۋىندا ۇزدىك بولعان كۋالىگىن كورسەتتى.


  1 - ايدىڭ 7 - كۇنى انار بۇناتاي قىزىنان مەملەكەتتە ٴبىر تۇتاس قولدانىلاتىن ٴتىلدى دىبىستاۋدى ۇيرەنۋدە. سۋرەتتى تيانشان تورى - شينجياڭ گازەتىنىڭ ٴتىلشىسى ٴجازيرا نەسىپبەك تۇسىرگەن

  انار شاپشال سىبە اۆتونوميالى اۋداندىق كاسىپتىك تەحنيكالىق مەكتەبىنىڭ مال شارۋاشىلىعى، مال شيپاگەرلىگى كاسىبىنىڭ وقىتۋشىسى. 40 جاستاعى ول ەنەسى نۇرلان اسانقوجامەن بىرگە شاي ىشە وتىرىپ، وتكەن ٴبىر جىلداعى تابىستارىن بولىسۋدە. ”زەينەتكە شىعۋدان بۇرىن ەنەم دە وقىتۋشى بولاتىن، كەڭەسە وتىرىپ تاجىريبەلەرىن تانىستىرىپ، مەنىڭ نىق سەنىممەن العا باسۋىما مۇمكىندىك جاسادى“، ـ دەدى انار.   

  انار شينجياڭ ٴوندىرىس - قۇرىلىس بيڭتۋانى 4 - شىسى 67 - تۋانىندا تۋىلعان، اكەسى تۋان شتابىنىڭ شيپاگەرى، شەشەسى تۋان شتابىنىڭ بۇعالتىرى. اناردىڭ اتىن اكەسى قويعان.

  ”اكەم ٴبىزدىڭ اناردىڭ دانىندەي تىعىز ىنتىماقتاسۋىمىزدى ٴۇمىت ەتتى“، ـ دەدى ول.

  ەسەيگەننەن كەيىن، انار شىحىزى داشۋەسىنىڭ حايۋاناتتار عىلىمى كاسىبىنە قابىلدانىپ، 2007 - جىلى وقۋ تاۋىسقاننان كەيىن، اۋىل - قىستاق وقىتۋشىسى بولدى، 2018 - جىلى شاپشال سىبە اۆتونوميالى اۋداندىق كاسىپتىك تەحنيكالىق مەكتەپكە اۋىسقاندا عانا، ٴوزى ۇيرەنگەن كاسىبىن قايتادان قولعا الدى.  

  ”ول كەزدە ۇيرەنگەن كاسىبىمنەن ءسال الشاقتاپ قالعان ەدىم، ٴبىراق ومىرىمدەگى ارداقتى ادامعا جولىقتىم“، ـ دەدى انار. 2019 - جىلى جياڭسۋ ولكەسى يانچىڭ قالاسىنان شينجياڭعا كومەككە كەلگەن وقىتۋشى جۋ ايمين اناردىڭ قىزمەتتەسى بولىپ قانا قالماستان، ونىمەن جۇپ قۇراپ، تۋىس بولىپ، ونى تىكەلەي جەتەكتەدى. ”جۋ مۇعالىم ماعان كومەكتەسىپ وقىتۋ جوباسىنا تالداۋ جاساۋدان سىرت، مەنى ۇنەمى قاسىنا الىپ تاجىريبەحانادا ناقتى تاجىريبە جاسادى. العاشىندا ٴبىر تاۋىقتى بۇتارلاۋىما 10 مينۋت ۋاقىت كەتەتىن، ۇزدىكسىز جاتتىعۋدىڭ ارقاسىندا، 3 مينۋتقا جەتپەيتىن ۋاقىتتا بۇتارلايتىن بولدىم، وسى ونەرگە 3 مينۋت ۋاقىت جۇمساۋ تالابىن ورىندادىم“، - دەدى انار ماقتانىشپەن.

  ەكى جىلدا جۋ ايميننىڭ كومەگىندە، اناردىڭ كاسىپتىك ونەرى شاپشاڭ العا باستى. 2022 - جىلى ول 2 وقۋشىنى باستاپ، شاپشال سىبە اۆتونوميالى اۋدانى اتىنان اۆتونوميالى رايوندىق 1 - كەزەكتى كاسىپتىك شەبەرلىك جارىسىنا قاتىناسىپ، ۇزدىك ناتيجەگە قول جەتكىزدى.   

  ايتارلىقتاي ناتيجەنىڭ استارىندا قىزمەتتەستەرىنىڭ كومەگى، ەڭ ماڭىزدىسى وتباسىنداعىلاردىڭ قولداۋى جاتىر. مەملەكەتتە ٴبىر تۇتاس قولدانىلاتىن ٴتىلدى ويداعىداي سويلەۋ ٴۇشىن، انار ۇنەمى قىزى مەن ۇلىن وزىنە دىبىستاۋدى ۇيرەتۋگە شاقىراتىن، ٴبىر كونە وقۋلىقتىڭ بەتىنە جىپىرلاپ جازىلعان دىبىس بەلگىلەرى تولىپ كەتكەن ەدى.

  ”مەن وقىتۋشى سىندى وسى كاسىپكە ادال بولىپ، بالالارعا ٴبىلىم ۇيرەتۋمەن بىرگە، ولارعا ادام بولۋدى دا ۇيرەتەمىن، ولارعا ٴوزىم ونەگە كورسەتىپ، بەرگەن بوداۋدىڭ، تاباندىلىقتىڭ، قۇلشىنۋلاردىڭ قۇنىن ۇعىندىرىپ، كورىكتى شينجياڭ قۇرۋعا ۇلەس قوساتىن اناعۇرلىم كوپ ’انار ٴدانىن‘ تاربيەلەپ شىعامىن“، ـ دەدى انار تەبىرەنە.