ساي گاڭ (سولدا) مەن شاكىرتى اكپار امەتجاننىڭ وتباسىنداعىلار بىرگە سۋرەتكە ٴتۇستى. سۋرەتتى ەرىكتى ٴتىلشى ساۋ شىكۇن تۇسىرگەن
تيانشان تورى - شينجياڭ گازەتىنىڭ ٴتىلشىسى ياڭ شۋحان
”ۇستاز، ٴسىزدىڭ قۇلجا قالاسىنا كەلگەنىڭىزدى ەستىدىم، دەرەۋ ۇيىمە كەلىڭىز ... “ 7 ـ ايدىڭ 11 ـ كۇنى شينجياڭ ىلە لينىڭ كومىر شەكتى سەرىكتەستىگىنىڭ پيليچيڭ اشىق كومىر كەنىنىڭ قىزمەتكەرى اكپار امەتجان ۇستازى ساي گاڭعا تەلەفون جالعاپ، ىستىق ىقىلاسپەن ۇسىنىس ەتتى.
اكپار ۇيدە بولسا بولعانى، ساي گاڭ ٴار جولى قۇلجا قالاسىنا كەلگەندە، تارتۋىن الىپ امانداسا بارادى، اكپار دا ۇنەمى ساي گاڭدى ۇيىنە قوناققا شاقىرادى.
2010 ـ جىلى جۇمىستاندىرۋ ساياساتىنىڭ باۋراۋىندا، اكپار پيليچيڭ اشىق كومىر كەنىنە كەلىپ قىزمەت ىستەيدى، بىرنەشە جىلدىق جاتىلۋ ارقىلى كومىر قازۋ 2 ـ بانىنىڭ ورىنباسار باستىعى بولدى. بانجاڭ ساي گاڭ دا جاپاعا شىدايتىن، ەڭبەكتى سۇيەتىن وسى جىگىتكە باستان – اياق نازار اۋدارىپ كەلدى، كومىر كەنىندە ورىستەتىلگەن ”ۇلتتار ىنتىماعىنىڭ بەرەكەلى شاڭىراعى“ قيمىلىندا ساي گاڭ ىرىقتىلىقپەن اكپارمەن تۋىس بولدى.
”ول جايشىلىقتا كەم ٴسوزدى، بان - گرۋپپا جۇمىسشى - قىزمەتكەرلەرى ٴوندىرىس حاۋىپسىزدىگى جونىندە پىكىر اۋىستىرعاندا، ول كوبىنەسە ۇندەمەي وتىرادى“. ساي گاڭ بىلاي دەدى: اكپاردىڭ وزىنە ٴوزى سەنبەۋى ونىڭ مادەنيەت ورەسىنىڭ جوعارى ەمەستىگىنەن بولىپ وتىر، ورتاق تىلدە سويلەۋى تىم ولشەمدى ەمەس.
”ٴتىل ورەسىنىڭ جوعارىلاۋى جاتتىعۋعا سۇيەنەدى، كوپ سويلەپ، كوپ ۇيرەنسە، ٴسوز جوق، ۇيرەنىپ كەتۋىڭە بولادى“. سونىمەن ساي گاڭ ۇنەمى اكپاردى ىزدەپ، ونى كوبىرەك ماشىقتانۋعا شابىتتاندىرىپ، ونىڭ دىبىستاۋىن تۇزەتتى. كومىر كەن دە مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنەتىن كوپتەگەن كىتاپتاردى ساتىپ الىپ، ٴوندىرىستىڭ ٴبىرىنشى شەبىندەگى جۇمىسشى - قىزمەتكەرلەردىڭ ۇيرەنۋىنە بەردى، ٴارى ”ورتاق ٴتىلدى ۇيرەنىپ، لينىڭ حيكاياسىن جاقسى بايانداۋ“ قيمىلىن بەلسەنە ۇيىمداستىردى، ساي گاڭ ٴار جولى اكپارمەن بىرگە كىتاپ وقىپ، قيمىلعا قاتىناستىرىپ سويلەۋگە جاتتىقتىردى.
اكپاردا وزىندىك سەنىم بولۋعا مۇمكىندىك جاساۋ ٴۇشىن، ساي گاڭ ىرىقتىلىقپەن وعان بان - گرۋپپاداعى قىزمەتتەستەرىمەن قارىم ـ قاتىناس جاساۋ ورايىن جاراتىپ، ونى كەزەكشى بانجاڭ بولۋعا ورنالاستىرىپ، كوبىرەك سويلەۋگە شابىتتاندىردى. كۇن وتكەن سايىن اكپار ورتاق تىلدە سويلەۋگە بارعان سايىن توسەلدى ٴارى قىزمەتتەستەرىمەن اڭگىمەلەسۋدى قالايتىن بولدى.
”ماعان كوپ نارسە ۇيرەتتىڭىز، ٴسىزدى ۇستاز دەپ اتايىن“. سودان باستاپ اكپار ساي گاڭدى ۇستاز دەپ اتاپ كەلەدى.
”ۇستازىم ماعان ورتاق ٴتىلدى، جۇمىس شەبەرلىگىن جانە ٴوندىرىس حاۋىپسىزدىگى بىلىمدەرىن ۇيرەتۋمەن بىرگە، ونان دا ماڭىزدىسى، ول ماعان ٴوزىمدى قوراشسىنباۋدى، قاجىماي ـ تالماي العا ۇمتىلۋدى ۇيرەتتى“، ـ دەدى تىلشىلىك بارىسىندا اكپار رياسىز كوڭىلمەن.
ءاسىلى، اكپار ٴوزىنىڭ تومەن وقۋ ماعلۇماتىنا بولا ٴوزىن قوراشسىنىپ كەلگەن ەدى، ”ول قۇلشىنعىش جان، تەك شابىتتاندىرۋ مەن جەتەكتەۋ كەمشىل، مەن، ٴسوز جوق، ونىڭ كوڭىلىندەگى الاڭدى سەيىلتەتىن بولامىن! “ ـ دەدى ساي گاڭ.
”مەن تەك ورتالاۋ مەكتەپ ماعلۇماتىنا يەمىن، ەمتيحاننان وتە المايتىنىم انىق ... “
”ٴسوزسىز، وتەسىڭ، جاقسى ۇيرەن، ەمتيحاندى شاماڭشا تاپسىر، ٴبىر رەتتە وتە الماساڭ، بىرنەشە رەت سىناپ كور، سەن زەرەكسىڭ، ونان دا جوعارى وقۋ ماعلۇماتىنا ەمتيحان تاپسىرساڭ دا ارتىق ەمەس“. اكپار ٴار جولى ٴارى ـ ٴسارى بولعاندا، ساي گاڭ بار كۇشىمەن ونى جىگەرلەندىردى. سودان باستاپ قىزمەتتەن سىرتقى ۋاقىتتارىندا، اكپار ۇنەمى كىتاپقا تەسىلىپ، داپتەرگە ەستەلىك الىپ وتىراتىن بولدى.
تالاپتى ەرگە نۇر جاۋار دەگەن. بىرنەشە جىل قۇلشىنۋ ارقىلى اكپاردىڭ ماعلۇماتى ورتالاۋ مەكتەپتەن ورتا تەحنيكۋمعا، ودان جوعارى تەحنيكۋمعا كوتەرىلدى. ونىڭ ۇستىنە ول قۇلشىنا قىزمەت ىستەپ، كىرىسىن دە ۇزدىكسىز ارتتىرىپ وتىردى. 2020 ـ جىلى ول قۇلجا قالاسىنان جاڭا ٴۇي ساتىپ الدى، 2 بالاسى دا قۇلجا قالاسىندا وقىدى.
”مەن بالالارىمنىڭ، ٴسوز جوق، اناعۇرلىم جاقسى تاربيە الۋىنا مۇمكىندىك جاسايمىن“. اكپار بىلاي دەدى: مەن جاقسى وقىماعاننىڭ زيانىن تارتتىم، قازىر ۇستازدىڭ كومەگى مەن جەتەكشىلىگىندە، ٴبىلىم مەن تاربيەنىڭ ماڭىزدىلىعىن ٴبىلدىم.
ساي گاڭنىڭ ىقپالىندا بالالارىنا جاقسى ونەگە كورسەتۋ ءۇشىن اكپار وقۋ ماعلۇماتىن ۇزدىكسىز جوعارىلاتۋدىڭ قامىن جاساپ ءجۇر. ەكەۋىنىڭ اراسىنداعى ۇستاز - شاكىرتتىك سۇيىسپەنشىلىك ماڭايىنداعى قىزمەتتەستەرىنە يگى اسەرىن تيگىزىپ، پيليچيڭ اشىق كومىر كەنىنىڭ ۇلتتار ىنتىماعىنىڭ بايشەشەگىن نارلەندىرۋدە.
