باس شۋجي شي جينپيڭ شينجياڭدى كوزدەن كەشىرگەندە بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك. بۇل كۇشاردىڭ جەر - جەرىندەگى ٴار ۇلت كادرلارى مەن بۇقاراسى اراسىندا كۇشتى اڭىس قوزعادى. كوپشىلىك مىنالاردى ٴبىلدىردى: باس شۋجيدىڭ ٴسوزىنىڭ رۋحىن مۇقيات دايەكتىلەندىرىپ، تياناقتاندىرىپ، ۇلتتار ىنتىماعى رۋحىن جالعاستىرىپ، ۇلتتار ىنتىماعى حيكاياسىن جاقسى بايانداپ، ۇلتتار ىنتىماعى گۇلىنىڭ ۇزاق ۋاقىت قۇلپىرا اشىلۋىنا مۇمكىندىك جاسايمىز.
7 ـ ايدىڭ 16 ـ كۇنى تاڭەرتەڭ ەرتە شينچىڭ ٴمالىسى شينحۋا الەۋمەتتىك اۋماعى دۇڭفاڭحۋايۋان شاعىن رايونىنىڭ تۇرعىنى توحتى مامۇتتىڭ وتباسى بىرنەشە ەرەكشە قوناقتى قارسى الدى، ولار بەيجيڭدىك ”جيەنى“ لي يۋانسىن وتباسىنداعىلار ەدى. ەكى وتباسىنداعىلار بىرگە ارقا - جارقا اڭگىمەلەسىپ، ىنتىماقتى تىلگە تيەك ەتىپ، شينجياڭنىڭ ەرەكشە جەمىس ـ جيدەكتەرى مەن مەرەكەلىك تاعامدارىنان ءدام تاتىپ، ٴماز – مەيرام بولدى، اراسىندا ويناقى ٴماشىراپ ءبيىن بيلەپ، ەكى وتباسىنىڭ جۇرەگى ٴبىر جەرگە توعىستى.
توحتى مامۇت بىلاي دەدى: ”بۇگىن تۋىسىم بەيجيڭنەن كەلىپ، ەرەكشە قۋاندىم، ولاردىڭ كوبىرەك تۇرۋىن ٴۇمىت ەتەمىن. بۇدان بىلاي مەن، ٴسوز جوق، باس شۋجي شي جينپيڭ ايتقانداي، ۇلتتار ىنتىماعى قىزمەتىن جاقسى ىستەپ، الەۋمەتتىك اۋماقتاعى تۇرعىنداردىڭ تۇرمىسىن بارعان سايىن جاقسارتىپ، بارعان سايىن باقىتتى ەتەمىن“.
توحتى مامۇت پەن لي يۋانسىننىڭ اكە ـ شەشەسى 50 جىلدىڭ الدىندا تانىسقان، 10 جىلدىڭ الدىندا ولار ”ۇلتتار ىنتىماعىنىڭ بەرەكەلى شاڭىراعىنا“ اينالىپ، جۇپ قۇراپ تۋىس بولعان. لي يۋانسىن بەيجيڭدە قىزمەت ىستەيدى، 80 نەشە جاستاعى اكە ـ شەشەسى كۇشار قالاسىندا قالىپ تۇرمىس كەشىرىپ جاتىر، 10 نەشە جىلدان بەرى، توحتى مامۇت تۋعان ىنىسىندەي ولاردىڭ تۇرمىسىنا قارايلاسىپ كەلدى، لي يۋانسىن دە ۇنەمى دەمالىس ۋاقىتىنان پايدالانىپ اكە ـ شەشەسىنە جانە ۇيعۇر ناعاشى اعاسى توحتى مامۇتتىڭ وتباسىنا امانداسا كەلىپ تۇردى، ۋاقىتتىڭ جىلجۋىنا ىلەسە، ەكى وتباسىنىڭ سۇيىسپەنشىلىگى بارعان سايىن تەرەڭدەدى.
لي يۋانسىن بىلاي دەدى: ”ناعاشى اعام توحتى اكە ـ شەشەمە تۋىسقانداي قارايلاسادى، جايشىلىقتا قانداي ٴدامدى تاعام بولسا، اكە ـ شەشەمدى شاقىرىپ الادى، مەرەكە ـ مەيرام كۇندەرىن دە ۋادەلەسىپ بىرگە وتكىزەدى، بەيجيڭدە قىزمەت ىستەگەندە الاڭسىز بولامىن، ولارعا ەرەكشە العىس ايتامىن. بىرنەشە كۇننەن بەرى باس شۋجي شي جينپيڭ شينجياڭدا تەكسەرۋ ـ زەرتتەۋ جۇرگىزىپ، ٴبىزدىڭ ۇلتتار ىنتىماعى قىزمەتىمىزگە جاڭا تالاپتار قويدى، ٴبىز باس شۋجي ايتقانداي، اناردىڭ دانىندەي تىعىز ىنتىماقتاسىپ، شينجياڭنىڭ دامۋىنا، ورنىقتىلىعىنا ٴوز ۇلەسىمىزدى قوسامىز“.
توحتى مامۇت پەن لي يۋانسىن وتباسى ەكى ۇرپاق ادامدارىنىڭ ۇلتتار ىنتىماعى حيكاياسى ٴالى دە ۇزدىكسىز جازىلۋدا ٴارى كەيىنگى ۇرپاقتارعا جالعاسا بەرمەك. بەيجيڭدە دوكتورلىق وقىپ جاتقان قىزى لي يوۋنا ۇلكەندەردىڭ ەتەنە بايلانىس ورناتىپ، ٴبىر ٴۇيلى جانداي جاقىن بولعان ۇلتتار ىنتىماعى سۇيىسپەنشىلىگىنەن شابىت الدى، ول بىلاي دەدى: ۇلكەندەردىڭ ۇلتتار ىنتىماعى حيكاياسىن جالعاستىرىپ، ۇزدىكسىز ويداعىداي جازىپ قانا قويماي، ونان دا ماڭىزدىسى، قازىرگى زامانعى جاستاردىڭ داۋىرلىك بورىشىن ارقالاپ، جەكە مۇرات پەن تالپىنىستى جۇڭحۋا ۇلتىنىڭ تاعدىرىمەن تىعىز بايلانىستىرىپ، ٴوزىمىز ونەگە بولىپ، ماڭايىمىزداعى ىستەردەن باستاپ كىرىسىپ، جۇڭحۋا ۇلتى ورتاق تۇلعا تانىمىن بەرىك ورناتۋ ٴۇشىن جاستىق قايراتىمىزدى ارناۋىمىز كەرەك.
لي يوۋنا بىلاي دەدى: ”ۇلتتار ىنتىماعىندا جاستار الدا ٴجۇرۋ كەرەك، ٴار ۇلت حالقى سۇيىسپەنشىلىگىنىڭ تامىرى تەرەڭدە جاتىر، ٴبىز جاستار ۇلتتار ىنتىماعىن اناعۇرلىم كۇشەيتىپ، جۇڭحۋا ۇلتى ىنتىماعىنىڭ حيكاياسىن ويداعىداي بايانداپ، ۇلكەندەردىڭ داڭقتى ٴداستۇرىن ويداعىداي جالعاستىرۋمەن بىرگە، ونان دا ماڭىزدىسى، ٴداۋىر بورىشىنان جازباي، ۇلتتار ىنتىماعى گۇلىنىڭ ۇزاق ۋاقىت قۇلپىرا اشىلۋىنا مۇمكىندىك جاساۋىمىز كەرەك“. (كۇشار قالالىق توعىسپالى مەديا ورتالىعىنىڭ ٴتىلشىسى ۋاڭ جيانچياڭ )
