”بۇل سۇيىسپەنشىلىكتى ءومىر بويى ەستە ساقتاۋعا تاتيدى“

日期:2022年07月08日
来源:新疆日报
【字体:

جياڭسۋلىق شوفەر شينجياڭداعى ەكى اعايىنىنا امانداسا كەلدى

”بۇل سۇيىسپەنشىلىكتى ءومىر بويى ەستە ساقتاۋعا تاتيدى“

□ ەرىكتى ءتىلشى ياڭ ليۋچيڭ

  7 - ايدىڭ 2 - كۇنى جياڭسۋ ولكەسى شۇيجوۋ قالاسى پەيشيان اۋدانىنىڭ شوفەرى جاۋ شۇيلەي ايەلى ۋاڭ سۇيدى ەرتىپ، پويەزبەن كورلا قالاسىنا بارىپ، وزىنە كومەك كورسەتكەن جۇك اۆتوموبيلىنىڭ شوفەرلەرى ءمانسۇر پاتتار مەن مامەت نۇردۇنعا امانداسا باردى. شينجياڭداعى ەكى اعايىنىنا امانداسا بارسام دەگەن ارمانى اقىرى بيىل جازدا جۇزەگە استى.

  2021 - جىلى جىل سوڭىندا پەيشيان اۋدانىنىڭ شوفەرى جاۋ شۇيلەي كورلا قالاسىندا جۇك تيەپ جاتقان كەزدە، سول كوزى ويلاماعان جەردەن جارالانادى، كورلا قالاسىنىڭ تۇرعىندارى ءمانسۇر مەن مامەت ”كولىكتى ءوز قاراجاتتارىمەن جۇرگىزىپ“ 4700 كيلومەتر جول باسىپ، ونى اۆتوكولىگىمەن شۇيجوۋعا جەتكىزىپ قويادى. بۇل اڭگىمە بۇكىل ەلىمىزدەگى كوپتەگەن اقپارات قۇرالدارىنىڭ نازارىن اۋدارىپ، جەر - جەردەگى وقىرماندار اسقار تاۋلار مەن اساۋ وزەندەردى اتتاعان وسى ءبىر دوستىقتى تۇس - تۇستان القاپ، ۇلتتار ىنتىماعى مەن دوستىقتى جىرلاۋ گۇلى وتانىمىزدىڭ بايتاق دالاسىندا شەشەك اتادى.

  كورلاعا جەتكەن كۇنى كەزىكپەگەنىنە جارتى جىلدان اسقان ەكى اعايىنىن كورگەندە، جاۋ شۇيلەي ءوز ۇيىنە قايتىپ كەلگەندەي سەزىنەدى.

  جاقىندا ءمانسۇر مەن مامەت پەيشيان اۋدانىنداعى اعايىندارى جاۋ شۇيلەي كەلەدى دەگەن حاباردى ەستىپ، اعايىندارىمەن باس قوسۋ ءۇشىن جۇك تاسىمالداۋ ۋاقىتتارىن ورنالاستىرادى.

  ”شينجياڭعا كەلگەنىڭە توتەنشە قۋاندىق، الاڭسىز جاتىپ دەمال، كەتۋگە اسىقپا“، - دەدى ءمانسۇر مەن مامەت جاۋ شۇيلەيمەن قاۋىشا قۇشاقتاسىپ جاتىپ.

  ”دەنساۋلىعىڭ جاقسى ما، اعايىن، ىلگەرگىدەن ءبىراز تولىپ قالىپسىڭ. كوزىڭدى جاقسى ەمدەت، جۇك اۆتوموبيلىن جۇرگىزە الماساڭ، ءبىز ءبىر امالىن تابامىز. اۋىلىڭنان شينجياڭ ونىمدەرىن ساتاتىن شاعىن ءبىر ەرەن بازار اشىپ الساڭ دا بولادى، زات قاينارىن ءبىز تاۋىپ بەرەمىز“، - دەدى ءمانسۇر.

  ”الدىمەن تىنىعىپ الىڭدار، بۇل سەنىڭ ءوز ءۇيىڭ“. مامەتتىڭ ايەلى اينيسا كەرىم وتە قۇنتتى ادام، جاۋ شۇيلەي مەن ايەلىنىڭ تاماقتانۋ داعدىسىن ۇعىسقاننان كەيىن، ءبىر ۇستەل ءدامدى تاعام دايىندايدى.

  ۋاڭ سۇي شينجياڭدىقتاردىڭ اشىق - جارقىندىعىن تەرەڭ سەزىنەدى. ”مەن مۇنى ومىردەگى سالىمىمىز ءارى تابىلماس دوستىق سۇيىسپەنشىلىك دەپ ويلايمىن، ءبىز مۇنى شىنايى قادىرلەيمىز“، - دەدى ۋاڭ سۇي.

  كورلاعا كەلگەننەن كەيىن، ءمانسۇر مەن جاۋ شۇيلەيدىڭ وتباسى كورلا قالاسى اۋات اۋىلىنداعى كىشى لاڭگار كەشكى بازارىنا بارادى. جاۋ شۇيلەي مەن ايەلى شينجياڭدىقتاردىڭ ىستىق ىقىلاسىن شىنايى سەزىنەدى. المۇرت اعاشى استىندا شينجياڭ ەرەكشەلىگىندەگى ءدامدى تاعام − جياۋماجي، كاۋاپ، قاقتاعان بالىق، ايران قياق كۇرىشى سياقتى تاعامدارىنان ءدام تاتىپ، سالقىن كاۋاس ءىشىپ، جازدىڭ تاماشا كەشكى كورىنىسىنەن ءلاززات الدى. سالقىن سامال ەسىپ تۇر، ەكى وتباسىنداعىلار كەشكى بازار شاعىن الاڭىندا ءار ۇلت بۇقاراسىمەن بىرگە دۋماندى ۇلتتىق بيگە باستى...

  ”وتە دۋماندى بولدى، ءبىزدىڭ اۋىلدىڭ كەشكى بازارلارىنان تاماشا ەكەن، كوپشىلىكتىڭ ءان سالىپ، ءبي بيلەگەنى قانداي تاماشا! شينجياڭنىڭ جەمىستەرى توتەنشە ءتاتتى، ءدامدى تاعامدارى دا مول ەكەن“، - دەدى ۋاڭ سۇي. نەشە كۇننەن بەرى ءمانسۇر مەن مامەتتىڭ وتباسى ولارعا مول قوناعاسى دايىندادى، ءتىپتى، ەكى وتباسى ولاردى ءوز ۇيلەرىنە اپارىپ قوندىرۋعا تالاستى، بۇعان قاتتى اسەرلەنگەن ول كوزىنە جاس الدى.

  جاۋ شۇيلەي تەبىرەنە: بۇكىل ەلىمىزدىڭ جەر - جەرىنە جۇك تاسىپ از جۇرگەم جوق، ماعان ەڭ ۇناعانى شينجياڭعا كەلگەنىم بولدى. ەڭ ماڭىزدىسى، بىلتىر ەرشىكەش شينجياڭدىق اعايىندارىممەن تانىستىم، ءبىر وتباسىنىڭ ادامدارى بولماساق تا، بىرگە تۋىسقانداي بولىپ كەتتىك، مىنە بۇل ماڭگىلىك دوستىق، - دەدى.

  مامەت بىلاي دەدى: ”اعايىنىمىز سوناۋ الىستان شينجياڭعا كەلدى، ءمانسۇر ەكەۋىمىز قولىمىزداعى جۇمىستى ۋاقىتشا توقتاتىپ قويدىق، كەشە ءمانسۇردىڭ وتباسىندا باس قوستىق، بۇگىن جانە ەرتەڭ جاۋ شۇيلەي مەنىڭ وتباسىما بارۋى كەرەك“. مامەت پەن ايەلى 3 وتباسىنىڭ سىرتقا ساياحاتتاي شىعۋ جوسپارىن دا جاساپتى، بايىنبۇلاققا جانە كۇنەس ورمان الاڭىنا اپارىپ، الىستان كەلگەن اعايىندارىن شينجياڭنىڭ كوركەم كورىنىستەرىن تاماشالاتپاقشى ەكەن.

  جاۋ شۇيلەي بىلاي دەدى: بىلتىر جىل سوڭىندا ءمانسۇر مەن مامەت 10 مىڭ شاقىرىمعا تاياۋ جول باسىپ، جۇك اۆتوموبيلىمدى پەيشيان اۋدانىنا جەتكىزىپ بەرگەن ەدى، ءبىز كوكتەم مەرەكەسىن بىرگە وتكىزە المادىق. وسى جولى 3 وتباسىنداعىلار شينجياڭدا بىرگە قۇربان ايت مەرەكەسىن وتكىزەتىن بولدىق. بىلتىرعى ارمانىمىز بيىل ىسكە اساتىن بولدى.

  ”شينجياڭ مەنىڭ ەكىنشى مەكەنىم، ءسوز جوق، ۇنەمى كەلىپ تۇرامىن، شينجياڭداعى اعايىندارىم مەنىڭ ماڭگىلىك جاقسى اعايىندارىم، بۇل سۇيىسپەنشىلىكتى ءومىر بويى ەستە ساقتايمىن“، - دەدى جاۋ شۇيلەي.