اقسۋ ايماعى باي اۋدانى توقسۇن اۋىلىندا، 45 جىلعا جالعاسقان تۋىسقاندىق سۇيىسپەنشىلىك ورناتقان اعا - باۋىر بار، ول ەكەۋى ءبىر - بىرىنە قامقورشى بولىپ، ءوزارا كومەكتەسىپ، قالتقىسىز كوڭىلدەرىمەن ۇلتتار ىنتىماعىنىڭ بايشەشەگىن قۇلپىرتا ءتۇسىپ، ونەگەلەرى جەرگىلىكتى ورىندا كەڭىنەن تارالدى.
باي اۋدانى توقسۇن اۋىلى بالاقىز قىستاعى 307 ولكەلىك تاس جولدىڭ ماڭىندا ءبىر سوقپاق جول بار، ىشكەرىلەي ءبىر كيلومەتر جۇرسەڭىز، قىستاق تۇرعىنى لي شياۋجوۋدىڭ ۇيىنە تىرەلەسىز. ونىڭ جاقىن دوسى تۇرسىن مامەت اپتا سايىن اۋلاسىنا كەلىپ تۇرادى، اعايىندى ەكەۋىنىڭ مۇنداي ارالاستىقتى جالعاستىرعانىنا نەشە ون جىل بولدى.
1977 - جىلى، لي شياۋجوۋ حىناننان باي اۋدانى توقسۇن اۋىلىنا كەلىپ ەگىنشىلىكپەن شۇعىلدانادى، سول بارىستا تۇرسىن مامەتپەن تانىسىپ، 45 جىلعا ۇلاسقان دوستىق ساپارلارىن باستايدى.
لي شياۋجوۋ: ”1977 - جىلى توقسۇن اۋىلىنا كەلىپ، تۇرسىن مامەتپەن تانىستىم. سول كەزدە ەكەۋىمىز ءبىر كىشى اترەتتە تۇراتىنبىز، جۇمىستى دا بىرگە ىستەيمىز، ءوزارا كومەكتەسىپ تۇرامىز. مەندە قانداي قيىنشىلىق بولسا، ودان قارىز اقشا سۇرايمىن، قولحات جازۋدىڭ دا قاجەتى جوق، اقشانى الىپ قانا كەتە بەرەمىن، اعايىنىم كەرەمەت، ەكەۋىمىزدىڭ وسىلاي ارالاسقانىمىزعا 40 نەشە جىل بولدى“،- دەدى.
لي شياۋجوۋ ەگىس جۇمىستارىنىڭ مايتالمانى، تۇرسىن مامەتتىڭ اتىزىنىڭ باسىندا قاربالاستاپ جۇرگەنىن ۇنەمى كورىپ قالاسىز. لي شياۋجوۋ اندا - ساندا تۇرسىن مامەتتىڭ ۇيىندەگى كوكونىس باعىنا بارىپ، وعان كوكونىس ەگۋ جاعىنان جەتەكشىلىك ەتەدى، سونىڭ ارقاسىندا، تۇرسىن مامەتتىڭ ۇيىندەگى جەمىس پەن كوكونىستەردەن مول ءونىم تۇسەدى. ەگىس ۋاقىتىنىڭ قاربالاس كەزىندە، تۇرسىن مامەت قۇرال - سايماندارىن الىپ لي شياۋجوۋدىڭ ۇيىنە توتە بارىپ، ەگىس جۇمىستارىن ىستەيدى، شوپتەردى وتاۋ، سۋ جىبەرۋ، ورۋ سىندىلاردىڭ ءبارى قولىنان كەلىپ تۇر.
لي شياۋجوۋ: ”ول دوسىم، كورشىم، جەرلەسىم، ءتىپتى مەنىڭ تۋعان اعامداي جاقىن. ەگەردە اۆتوكولىگىم بۇزىلسا، تۇرسىن مامەت اۆتوكولىگىمەن كەلىپ رەمونتتاپ بەرەدى، 40 جىلدان بەرى، رەنجىسىپ كورمەپپىز، ارامىزدا قايشىلىق بولىپ كورگەن ەمەس“،- دەدى.
2012 - جىلى تۇرسىن مامەت سالماقتى اسقازان ناۋقاسىنا شالدىعىپ، اۋرۋ ازابىن ابدەن تارتادى، لي شياۋجوۋ مۇنى بىلگەننەن كەيىن، اينالا جۇگىرىپ شيپاحانا ىزدەپ، بايلانىس جاساپ، تۇرسىن مامەتتى ەرتىپ اپارىپ ناۋقاسىن كورسەتىپ، ىقىلاسپەن قارايلاستى. باستان وتكەن وسى ىستەرى جايلى ءسوز بولعاندا، تۇرسىن مامەت ءالى دە تەبىرەنەدى: ”10 جىلدىڭ الدىندا سىرقاتتاندىم، لي شياۋجوۋ ءىنىم مۇنى بىلگەننەن كەيىن، اينالا شاپقىلاپ شيپاحانا ىزدەپ، مەنى شيپاحاناعا ەرتىپ اپاردى، اقىرىندا مەن تاۋىرلەنە باستادىم. ءبىز اعا - ىنىلەردەي، ءبىر وتباسىنىڭ ادامدارىنداي بولىپ كەتكەمىز“.
45 جىل وتە شىقتى، شاشتارى دا اعاردى، ەكەۋىنىڭ ءوزارا كومەكتەسكەن كوپ حيكاياسى بار، تانىسىپ، اينىماس اعايىن بولۋعا دەيىن، اتىز باسىندا كەڭەس قۇرىپ، كۇندەلىكتى تۇرمىستا ءوزارا كومەكتەسىپ، ءبىر وتباسىنىڭ ادامدارىنداي ەتەنە بولىپ كەتتى. كوپ جىلدىق تۋىستىق سۇيىسپەنشىلىكتەرى ەكەۋىنىڭ اراسىن جاقىنداتا ءتۇستى، ۋاقىتتىڭ وتۋىنە ىلەسە، دوستىقتارىنان ىنتىماق جەمىسى ءوندى، بۇل جەمىس ۇزاق ۋاقىت توڭىرەگىنە جۇپارىن شاشىپ تۇراتىن بولادى.
