تيانشان تورى - شينجياڭ گازەتىنىڭ ٴتىلشىسى ميھرگۇل عوپۇر
”ٴسىڭلىم قازىر باعىمشىلىق شەبەرى، الدىڭعى ايدا كەزدەسكەنىمدە ونىڭ ۇيىندەگى سيىر، قويلارى قاتتى سەمىرىپتى، مۇنى كورىپ ىشتەي قاتتى قۋاندىم“. 4 ـ ايدىڭ 15 ـ كۇنى تۋىسى ايشام ابدىلىمدى تىلگە العاندا، مەملەكەتتىك سالىق باس مەكەمەسى بايىنعولين موڭعۇل اۆتونوميالى وبلىستىق سالىق مەكەمەسىنىڭ كادرى چىڭ لاننىڭ قۋانىشى قوينىنا سيمادى.
ايشام چەرشەن اۋدانى اقتىكەنٴدوڭ اۋىلى توعراقاعىل قىستاعىنىڭ تۇرعىنى، چىڭ لاننىڭ جۇپ قۇراعان تۋىسى. 2016 ـ جىلى 12 ـ ايدا چىڭ لان ونىڭ ۇيىنە تۇڭعىش رەت كەلگەندە ٴۇيدىڭ تاپ ـ تازا سىپىرىلعانىن، ۇيدەگى مەشتىڭ قىزىپ تۇرعانىن، ءارى ۇستەلگە جەمىس ـ جيدەك جانە بال كۇلشە قويىلعانىن كوردى، ايشامنىڭ جان – جاقتىلى دايىندىعى چىڭ لاندى قاتتى اسەرلەندىردى.
جاڭا تانىسقان كەزدە چىڭ لان ايشام وتباسىنىڭ نەگىزگى جاعدايىن جالپىلاي ۇعىستى. ايشامنىڭ ەكى بالاسى بار، كۇيەۋى ۇزاق ۋاقىت سىرتتا ۋاقىتتىق جۇمىس ىستەيدى، كىرىسى تۇراقسىز، وتباسىندا 15 مۋ ماقتا اتىزى مەن 10 قوي بار بولىپ، بارلىعىن ٴوزى جوندەستىرەدى. تەحنيكانى بىلمەگەندىكتەن ماقتا ەگۋ مەن قوي باعۋ كىرىسى تەك نەگىزگى تۇرمىسىنان اسپايتىن.
”ەندى وسىلاي كەتە بەرسە جەر يەن قالىپ، مالدى دا ساتۋعا ٴماجبۇر بولامىز، سول كەزدە قايتەمىز؟“ – دەدى ايشام كوڭىلىندەگى الاڭداۋىن ٴبىلدىرىپ.
چىڭ لان ونى شابىتتاندىرىپ: ”كوز الداعى قيىنشىلىقتىڭ بارلىعى ۋاقىتتىق. سەن تاباندى، ەڭبەكشىل، وقىعان، ٴبىلىمدى، وي ٴورىسىڭ كەڭ جاڭا ٴداۋىردىڭ ايەلىسىڭ. قۇلشىنساڭ بولعانى، بۇدان كەيىنگى تۇرمىسىڭنىڭ، ٴسوز جوق، بارعان سايىن جاقساراتىندىعىنا سەنەمىن“، ـ دەدى.
بۇل ٴسوزدى ەستىگەن ايشام اسەرلەنگەنىنەن اۋزىنا ٴسوز ٴسوز تۇسپەي، چىڭ لاننىڭ قولىن قاتتى قىستى.
چىڭ لاننىڭ شابىتتاندىرۋىندا، ايشام قىستاق وتكىزگەن باعىمشىلىق، ەگىمشىلىك تەحنيكالىق كۋرسىنا بەلسەنە قاتىناسىپ، ينتەرنەتتەن قاجەتتى بىلىمدەردى كوردى. ”ەگىن ەگۋ، الدە مال باعۋ بولسىن، بارلىعىندا كوپتەگەن ٴبىلىم بار، ٴبىلىم بولعاندا، تەحنيكانى يگەرگەندە، ادامنىڭ سەنىمى ارتادى“، ـ دەدى ايشام قاتتى تەبىرەنىپ.
2018 ـ جىلى ايشامنىڭ باعىمشىلىق كاسىبىن دامىتۋ ويى بار ەكەنىن بىلگەننەن كەيىن، قىستاق پارتيا ياچەيكاسى وعان ٴبىر شينجياڭ قوڭىر سيىرىن بەرىپ، وتباسى مال باعىمشىلىعىن دامىتۋىنا مۇمكىندىك جاسادى. ايشامنىڭ قۇلشىنۋىندا، قازىر ونىڭ وتباسىندا 2 باس سيىر جانە 28 تۇياق قوي بار، جىلىنا 70 مىڭ يۋاننان استام كىرىس كىرگىزەدى.
2021 ـ جىلى جازدا ايشامنىڭ ۇلى مەكتەپتە باسكەتبول ويناپ جۇرگەندە ابايسىزدان جىعىلىپ جارالانىپ، وڭ بىلەگى سىنادى. ايشام قاتتى ابىرجىپ چىڭ لانعا تەلەفون شالادى، چىڭ لان ٴبىر جاعىنان ونى جۇباتىپ، ەندى ٴبىر جاعىنان شيپاحانامەن بايلانىس جاسايدى. شيپاحانادا جاتقان كەزدە چىڭ لان ۋاقىتى بولسا بولعانى بالاعا كىتاپ جانە ٴدامدى تاعامدار ساتىپ الىپ شيپاحاناعا جەتكىزىپ بەردى، ايشاممەن اڭگىمەلەسىپ، بالاعا ساباق پىسىقتاتتى.
”ٴار جولى اپەكەم كەلگەندە باسقالار قىزىعا قاراپ، ەكەۋىمىزدىڭ سۇيىسپەنشىلىگىمىز جاقسى دەپ ماقتايدى، مۇنى ەستىپ ىشتەي قاتتى قۋانامىن“. شيپاحانادا چىڭ لاننىڭ بىرگە بولعان كۇندەرىن ەسكە العاندا ايشامنىڭ جۇزىنەن باقىت لەبى ەستى.
قازىر ايشامنىڭ تۇرمىسى ٴماندى دە كوڭىلدى وتۋدە. ٴار كۇنى تاڭەرتەڭ ول اۋلاداعى سەمەنت تاعاندى تازالاپ، گۇل - شوپتەردى سۋارىپ، مالعا جەم بەرەدى. جازدا ونىڭ اۋلاسىنداعى روزا گۇلى، راۋشانگۇل، جوڭىشقا گۇلى، باييۇيلان سياقتى گۇلدەر قۇلپىرا اشىلىپ، قىستاق تۇرعىندارى ودان گۇل ساتىپ الا باستايدى.
”باعىمنىڭ جانعانى چىڭ لان اپەكەممەن تانىسقانىم بولدى، ول ماعان تۋىسقانداي مەيىر باعىشتادى ٴارى ماعان اناعۇرلىم سەنىم سيلادى، تۇرمىسىم دا بارعان سايىن جاقسارا ٴتۇستى“، ـ دەدى ايشام.
