انار بۇلت \ شينجياڭ گازەتىنىڭ ءتىلشىسى گان شيڭحۋا
6 جىلدىڭ الدىندا، حۋ ۋىنلۇڭ سايران ىبىرايمەن تۋىس بولىپ ەدى. 6 جىلدان بەرى، حۋ ۋىنلۇڭ سايراننىڭ وتباسىنا قامقورلىقپەن قارايلاسىپ كەلەدى، سايران بولسا ۇنەمى حۋ ۋىنلۇڭعا ونىڭ ەڭ جاقسى كورەتىن تاعامى قازاق ۇلتىنىڭ ءدامدى تاعامى قۋىرداقتى جاساپ بەرەدى. حۋ ۋىنلۇڭ تالاي جىلدان بەرى ەكى وتباسىنداعىلاردىڭ ءبىر ءۇيدىڭ ادامدارىنداي تۋىستاسىپ كەتكەندىگىن ايتتى.
جەمەنەي اۋدانى لاستى قالاشىعى ارشالى قىستاعىنداعى سايران 3 قىزىمەن جانە جيەن قىزىمەن بىرگە تۇرمىس كەشىرەتىن. حۋ ۋىنلۇڭ حىبەيدان جەمەنەي اۋداندىق حالىق پروكۋراتۋراسىنا كەلىپ قىزمەت ىستەيدى. 2016 - جىلى، ولاردىڭ وتباسى تۋىس بولىپ، كوپ وتپەي سايران قويىن ايداپ مال فەرماعا كوشەدى. سايراننىڭ مال فەرمادا كوكونىس، جەمىس - جيدەك ساتىپ الۋى تىم قولايسىز ەكەندىگىن بىلگەننەن كەيىن، حۋ ۋىنلۇڭ اپتا سوڭىنداعى دەمالىستان پايدالانىپ كولىگىمەن 20 كيلومەترگە تاياۋ جول باسىپ، كوكونىس، جەمىس - جيدەگىن الىپ سايران اپايعا امانداسا بارادى. سودان كەيىنگى كۇندەردە، حۋ ۋىنلۇڭ ۇنەمى مال فەرماداعى سايران وتباسىنا بارىپ تۇرادى، ءار بارعانىندا ول قوي قورانىڭ بۇلىنگەن جەرلەرىن جوندەۋگە، قوي - سيىرلارعا جەم بەرۋگە ىرىقتىلىقپەن كومەكتەسەدى، قاريانىڭ جيەن قىزىنا ساباق پىسىقتاپ بەرەدى...
2017 - جىلى 10 - ايدىڭ 1 - كۇنى، سايراننىڭ كىشى قىزى ءۇمىت ءتۇسىپقان ۇزاتىلادى، توركىنىندەگى اعاسى سالاۋاتىمەن، حۋ ۋىنلۇڭ ونى ۇزاتىپ بارعاندا ۇمىتكە: قانداي قيىنشىلىققا ۇشىراساڭ دا ماعان ايتاتىن بول، - دەيدى. حۋ ۋىنلۇڭ جايلى ايتقاندا، ءۇمىت بىلاي دەدى: ”اعام مەيىربان، ءارى ىجداعاتتى جان، ءبىر جولى ول ۇيگە كەلگەندە قازاننىڭ قاقپاق تۇتقىشى بۇزىلىپ قالعاندىعىن كورىپ، كەلەسى كەلگەنىندە جاڭا تۇتقىش اكەلىپ بەردى. اپەكەمنىڭ قىزىنا پىسىقتاۋ ماتەريالدارى قاجەت بولعاندا، اعام ساتىپ اكەلىپ بەرەدى. وسىناۋ جىلدارى ول ءبىزدىڭ وتباسىمىزدىڭ ۇلكەندى - كىشىلى شارۋاسىنىڭ بارىنە وسىلايشا كومەكتەسىپ، قامقور بولىپ كەلەدى“.
حۋ ۋىنلۇڭ سايران اپايىنىڭ قامىن ويلاۋمەن جۇرەدى، قىزمەت ارەدىگىندە ۋاقىت شىعارىپ سايراننىڭ وتباسىنا بارىپ، كومەكتەسۋدى قاجەت ەتەتىن ىستەر بار - جوقتىعىن قاداعالايدى، سايران وراي بولا قالسا بولعانى، حۋ ۋىنلۇڭعا ءدامدى تاعام دايىنداپ بەرەدى. سايران حۋ ۋىنلۇڭنىڭ ءوزى قۋىرعان قۋىرداقتى جاقسى كورەتىندىگىن بىلەدى، وسى ۇيدەن تاماق ىشۋگە تۋرا كەلگەندە، حۋ ۋىنلۇڭنىڭ الدىنا، ءسوزسىز، ءبىر تاباق قۋىرداق اكەلىنەدى. حۋ ۋىنلۇڭنىڭ قاربالاس كەزدە ۋاعىندا تاماق ىشپەيتىندىگىن بىلگەننەن كەيىن، سايران ۇنەمى ونىڭ سومكەسىنە ءبىر دوربا قۇرت سالىپ بەرىپ، قارنىڭ اشقاندا جەپ ءجۇر دەپ تاپسىرادى.
2017 - جىلدىڭ اياعىندا، حۋ ۋىنلۇڭ جاڭا ۇيلەنگەن كەلىنشەگى فىڭ چۇندى ەرتىپ سايرانعا امانداسا بارعاندا، قاريانىڭ اسەرلەنگەننەن جانارى جاسقا تولدى. سول كۇنى كەشتە ول قازاق ۇلتىنىڭ كوپتەگەن ءدامدى تاعامدارىن جاسادى ءارى فىڭ چۇنگە: ”شياۋحۋ جاقسى بالا، ول ساعان جاقسى قارايدى، سەن دە وعان جاقسى قاراعايسىڭ...“، - دەپ قايتا - قايتا تاپسىرادى. كەتەر كەزدەرىندە، سايران ءوزى جاساعان ءبىر دوربا ءتاتتى قۇرتتى فىڭ چۇننىڭ قولىنا ۇستاتىپ: ”سەندەردىڭ بۇدان بىلايعى كۇندەرىڭ وسى ءتاتتى قۇرتتاي ءتاپ - ءتاتتى بولۋىن تىلەيمىن“، - دەيدى.
2021 - جىلى 4 - ايدىڭ 8 - كۇنى حۋ ۋىنلۇڭنىڭ قىزى دۇنيەگە كەلدى، سايران وعان ءدينارا دەپ قازاقشا ات قويدى. ءدينارانىڭ ءبىر جاسقا تولعان تۋعان كۇنىندە، سايران ارنايى تەلەفون شالىپ، بالانىڭ تۋعان كۇنىن قۇتتىقتاپ تىلەك تىلەدى.
حۋ ۋىنلۇڭ ءوزىنىڭ ەكى ءۇيى بار ەكەندىگىن، ءبىرى حىبەيداعى ءوزى تۋعان ءۇي بولسا، ەندى ءبىرى سايران اپايىنىڭ ءۇيى ەكەندىگىن ايتتى. ول ءومىر بويى سايران اپايى قۋىرعان قۋىرداقتى جەۋگە پەيىل ەكەندىگىن، وسى وتباسىن ءومىر بويى قورعاۋعا ءتىپتى دە رازى ەكەندىگىن ايتتى.
