ەرىكتى تىلشىلەر ليۋ حۇڭۋىن، تاڭ شۇيلين
3 - ايدىڭ باستاپقى كۇندەرىنىڭ ءبىرى، تاڭ بوزارىپ اتا باستاعان ساتتە اقسۋ قالاسى توپلۇق اۋىلى سارىسۋ قىستاعىنىڭ تۇرعىنى ابدۇنياز ابدوللا ورنىنان تۇرىپ، بەتى - قولىن جۋدى دا 3 دوڭگەلەكتى توكسيكلتىمەن بىرنەشە كيلومەتر قاشىقتىقتاعى بازارعا تارتتى.
”بۇگىن تۋىسىمنىڭ قىزى تۋعان كۇنىن تويلاماقشى، مەن بالكۇلشە بۇيىرتىپ، وعان توسىن سي كورسەتپەكپىن“، - دەدى ابدۇنياز.
ابدۇنياز تىلگە تيەك ەتكەن تۋىسى ونىمەن ءبىر قىستاقتا تۇراتىن گاۋ پىڭ ەدى، 10 نەشە جىلدان بەرى ەكى وتباسى بەينە ءبىر ءۇيلى جانداي ءبىر - بىرىنەن ايرىلماستاي ەتەنە بولىپ كەلەدى.
ۇيىنە قايتىپ ورالعان سوڭ ابدۇنياز بالكۇلشەنى ايەلىنە ۇستاتتى دا تولتىرا وتىرىپ 2 دوربا جاڭعاق پەن جۇمىرتقا سالىپ، 2 بالاسىن ەرتىپ، ءبىر ۇيدەگى 4 جان گاۋ پىڭنىڭ ءۇيىن بەتكە الىپ جونەلدى.
ابدۇنياز وتباسىنداعىلاردىڭ كەلگەنىن كورگەن گاۋ پىڭ ولاردىڭ الدىنان قىزۋ قارسى الا شىقتى. ”بۇگىن قىزىڭنىڭ تۋعان كۇنى، ءبىز ءبىر وتباسىنداعىلار ونىڭ تۋعان كۇنىن تويلاۋعا ارنايى كەلدىك“، - دەدى ابدۇنياز كۇلە سويلەپ، - ”سەندەردىڭ ۇيدەگىلەردىڭ قاي كۇنى تۋعان كۇن وتكىزەتىندىگىن ابدەن بىلەمىن“، - دەدى.
”بۇگىن قىزىمنىڭ تۋعان كۇنى ەكەنىن مەن دە ۇمىتىپ كەتە جازداپپىن، باۋىرىم بالامنىڭ تۋعان كۇنىن تويلاماقشى بولىپ كەلگەندىگىڭە توتەنشە راقىمەت“، - دەدى گاۋ پىڭ ابدۇنيازدىڭ قولىن قاتتى قىسىپ تۇرىپ.
گاۋ پىڭ قىستاقتاعى كوكونىس ەگۋشى، ونىڭ ابدۇنيازبەن تەرەڭ دوستىق سۇيىسپەنشىلىگىن كوكونىس ەگۋدەن باستاپ ايتۋعا تۋرا كەلەدى.
”10 نەشە جىلدىڭ الدى ەدى، ول كەزدە قىستاقتا پارنيكتە كوكونىس ەگۋ ەندى - ەندى ەتەك الىپ كەلە جاتقان بولاتىن، ءبىزدىڭ دە كوكونىس ەككىمىز كەلدى، الايدا ەگۋ تەحنيكاسىنان حابارىمىز جوق بولاتىن، سونىمەن گاۋ پىڭ اعاي بىزگە كوكونىس ەگۋ تەحنيكاسىن ۇيرەتتى“. ءوزىنىڭ پارنيكتە كوكونىس ەگۋدى جاڭا باستاعانداعى باستان كەشكەندەرى ابدۇنيازدىڭ ءالى كۇنگە دەيىن ەسىندە ەكەن. ”ول ءوزى يگەرگەن تەحنيكاسىن قالتقىسىز تۇردە بىزگە ۇيرەتىپ، ءبىزدىڭ دە پارنيكتە كوكونىس ەگىپ كىرىستى ارتتىرۋىمىزعا مۇمكىندىك جاسادى. وسىدان باستاپ ەكى وتباسىمىز تەرەڭ دوستىق ورناتتىق“، - دەدى ابدۇنياز.
قازىرگە دەيىن 10 نەشە جىل وتە شىقتى، ابدۇنياز بەن گاۋ پىڭ ءوزارا ءتىل ۇيرەنىپ، ءوزارا كومەكتەسىپ، بىرگە بايۋ جولىنا ءتۇستى.
سىرالعى اڭگىمەلەر ايتىپ تاۋىسقىسىز ەدى، ءاپ - ساتتە تاماق تا دايىن بولدى، بۋى بۇرقىراعان تاماقتار ۇستەلگە اكەلىندى، ەكى وتباسىنداعىلار ەزۋلەرىنە كۇلكى ءۇيىرىلىپ، بولاشاقتى اڭگىمەگە قوسا وتىرىپ تاماقتاندى.
قايتارىندا ابدۇنياز گاۋ پىڭنىڭ قىزىنا حۇڭباۋ بەردى، گاۋ پىڭ پارنيكتەن ارنايى اس جۋا كەسىپ، اسقاباق ءۇزىپ اكەلدى ءارى ءبىراز جەمىس ازىرلەپ، ابدۇنيازعا ۇيىنە الىپ كەتۋگە بەردى.
”تۋىس ەكەندىگىمىزدى قىستاقتاعى جۇرتتىڭ بارلىعى بىلەدى، قايسىمىزدىڭ ۇيىمىزدە جۇمىس بولسا ءبىر - بىرىمىزگە كومەكتەسەمىز“، - دەدى ابدۇنياز.
گاۋ پىڭ بىلاي دەدى: ”باۋىرىم ابدۇنيازدىڭ وتباسىمەن كەلىپ قىزىمنىڭ تۋعان كۇنىن تويلاعانىنا وتباسىمىز بولىپ قاتتى اسەرلەندىك، وتباسىلارىمىزدىڭ سۇيىسپەنشىلىگى وسىلايشا جالعاسا بەرەدى“.
