اعالى - ىنىلىلەر قول ۇستاسا وتىرىپ، بايۋ جولىنا بەتتەدى

日期:2022年04月01日
来源:新疆日报
【字体:

 انار بۇلت / شينجياڭ گازەتىنىڭ ءتىلشىسى گان شيڭحۋا

  تۇرسۇن مامەت ەگىن ەگۋدىڭ ءجونىن بىلمەگەندە، مۋ جيانچيۋ تۇرسۇن مامەتكە ەگىن ەگۋدى باسپا - باس ۇيرەتتى؛ مۋ جيانچيۋ سيىر باعۋدان بەيحابار بولعاندا تۇرسۇن مۋ جيانچيۋعا سيىر باعۋدى دەن قويا ۇيرەتتى، ءسويتىپ، وسى تاتۋ اعالى - ىنىلەر ءبىر - بىرىنە سۇيەۋ بولىپ، 10 جىل ۋاقىتتى بىرگە وتكىزدى.

  3 - ايدىڭ 26 - كۇنى تاڭ ءسارى، توعىزتاراۋ اۋدانى تىكارىق قالاشىعى تىكارىق قىستاعى، بىرنەشە كۇن بويى سىركىرەپ جاۋعان جاڭبىر باسىلىپ، كۇن اشىلدى، مۋ جيانچيۋ تاڭعى اسىنان كەيىن تۇرسۇننىڭ ۇيىنە كەلىپ، ەكى وتباسىنداعىلار بيىلعى ەگىمشىلىك جوسپارىن اقىلداستى.

  تۇرسۇن بيىل 70 نەشە مۋ جەردى كوتەرمەگە الدى، مۋ جيانچيۋدىڭ جۇگەرى ەگۋ ويى بارلىعىن بىلگەن ول دا جۇگەرىنى دە قوسىمشا ەگۋگە دايىندالدى. ”مۋ اعام ءار جىلى مەنىڭ تۇقىم، حيميالىق تىڭايتقىش ساتىپ الۋىما كومەكتەسەدى، ول نە ەكسە، مەن دە سونى ەكسەم مۇلدە اعات كەتپەيمىن“. تۇرسۇن وتباسىنداعىلار 10 جىلدىڭ الدىندا تىكارىق قىستاعىنا كەلىپ وتىرىقتانادى، ەگىن ەگۋدەن بەيحابار ول ەگىنشىلىك ”مامانى“ مۋ جيانچيۋمەن تانىسادى، وسىدان كەيىن تۇقىمدى قالاي سەبۋ، تىڭايتقىشتى قالاي بەرۋ دەگەندەردى مۋ جيانچيۋ وعان باسپا - باس ۇيرەتتى، تۇرسۇن دا مۇقيات ۇيرەندى، قازىرگى كەزدە ەگىن ەگۋدى الدەقاشان يگەرىپ العان بولسا دا، الايدا ءار جىلى تاعى مۋ جيانچيۋمەن اقىلداسۋ ارقىلى ىستەۋدى ۇناتادى.

  سول كەزدە ءوزارا تانىسقان كۇنىن ەسىنە العاندا تۇرسۇن بىلاي دەدى: ”مۋ اعام ەرەكشە ىقىلاستى ادام، سەن كومەككە ءزارۋ بولساڭ بولدى ول قاشاندا مۇمكىندىكتىڭ بارىنشا كومەكتەسەدى. جاڭادان كەلگەن كەزىمىزدە، وتباسىمىزدا قانداي قيىنشىلىق بولسا ونان كومەك سۇرايتىنبىز، ونىڭ ءبيداي تاسۋعا كومەكتەسكەن ءىسى قازىرگە دەيىن ەسىمدە“.

  ول كەزدە تۇرسۇن قىستاققا ەندى عانا كوشىپ كەلگەن العاشقى كۇز بولاتىن، ول ءبيدايدى كەپتىرۋ ۇيىنە تاسىپ اپارۋ ءۇشىن، كولىك سۇراپ مۋ جيانچيۋدىڭ ۇيىنە بارادى، سول كەزدە مۋ جيانچيۋ جۇمىس ءبىتىرۋ ءۇشىن سىرتقا كەتىپ كەشكى ساعات 10دا ۇيىنە قايتىپ كەلگەننەن كەيىن، وسى ىستەن حابار تاپقاننان كەيىن، قاراڭعى تۇسكەنىنە قاراماستان اۆتوكولىگىن ايداپ، تۇرسۇننىڭ ءبيدايدى كەپتىرۋ ۇيىنە تاسىپ اپارۋىنا كومەكتەسەدى.

  ۇزاق ۋاقىت ارالاسا كەلە تۇرسۇن دا ۇنەمى مۋ جيانچيۋگە كومەكتەسىپ بىردەمە ىستەپ بەرۋدى ويلاپ جۇرەتىن، وسى وراي اقىرى كەلدى.

  ول كەز تۇرسۇن كەلگەن 2 - جىلعى كۇز كەزى ەدى، ونىڭ ەككەن ەگىستەرى از بولعاندىقتان، ەرتە جيناپ العان بولاتىن، مۋ جيانچيۋ وتباسى 200 مۋ جەردى كوتەرمەگە العان، سىرتتا كەپتىرگەن جۇگەرىسى كوپ بولاتىن.

  ءبىر كۇنى تاڭعى ساعات 2 مولشەرىندە دالانى قارا بۇلت تورلاپ، جاڭبىر جاۋعالى كەلە جاتقانىن كورگەن مۋ جيانچيۋ مەن ايەلى لي يۇيحۇڭ دەرەۋ جۇگەرىگە كۇندىك جابادى، جۇمىس باستى بولعاندىقتان، مۋ جيانچيۋ تۇرسۇننان كومەك سۇراپ تەلەفون بەرەدى، تۇرسۇن تەلەفوندى العان زامان اياق كيىمىن اياعىنا ىلە سالىپ، دەرەۋ كەلىپ كومەكتەسەدى.

  ولار ساعات 4كە دەيىن قاربالاستىققا تۇسەدى. كەلەسى كۇنى كۇن اشىلىپ، تۇرسۇن تاعى دا مۋ جيانچيۋگە كومەكتەسىپ كۇندىكتى اشادى.

  وسى رەتكى جاڭبىردا ءوزارا كومەكتەسۋ ولاردىڭ سۇيىسپەنشىلىگىن ءتىپتى دە تەرەڭدەتتى. ەكى وتباسى جىل سايىن كوكتەمدە بىرگە ەگىن ەگىپ، كۇزدە بىرگە جينادى. مۋ جيانچيۋدىڭ كومەگىندە، تۇرسۇن وتباسىنىڭ ەگەتىن جەرى بارعان سايىن مولايىپ، كىرىسى دە كۇرت جوعارىلادى.

  3 جىلدىڭ الدىندا، تۇرسۇن مۋ جيانچيۋدىڭ بوس تۇرعان بىرنەشە اۋلاسىن كورىپ، باعىمشىلىقپەن اينالىسۋ جونىندە كەڭەس بەرەدى. ”جەر ەككەندى بىلسەم دە، مال باققاننان حابارسىزبىن“، ”مەن بىلەمىن - عوي، مەن ۇيرەتەمىن، بۇرىن سەن ماعان ۇيرەتكەن سياقتى مەن دە ساعان ۇيرەتەيىن“، - دەدى تۇرسۇن شىن كوڭىلمەن.

  قورا - قالتقىنى جوندەپ، تايىنشا - تورپاق ساتىپ الدى... تۇرسۇن مۋ جيانچيۋدىڭ سيىر باعۋىنا قالتقىسىز كومەكتەسەدى، مۋ جيانچيۋدىڭ سيىرى دا العاشقى كەزدەگى 4 باستان قازىرگى 50 باسقا جۋىق كوبەيەدى.

  ”باۋىرىم، مىنا سيىرلاردى 6 - ايدا ساتىپ جىبەرگەننەن كەيىن، ەكەۋىمىز بىرگە سيىر باعايىق. مەندە جەر بار، سەندە تەحنيكا بار، بىرگە ىستەيىك...“. مۋ جيانچيۋدىڭ ۇسىنىسىن ەستىگەن تۇرسۇننىڭ جانارى جاسقا تولدى، ول بىلاي دەدى: ”شىنىن قۋاعاندا، مۋ اعايدىڭ وسى بىرنەشە جىلدان بەرگى سيىر باعۋ تەحنيكاسى جەتىلىپ، مەنىڭ جەتەكشىلىك ەتۋىمنىڭ قاجەتى قالمادى“. مۋ جيانچۋ : ”وسىنشاما كوپ جىل بولدى، جەردى بىرگە ەگىپ كەلەمىز، سيىردى دا بىرگە باعىپ، بىرگە اقشا تاۋىپ، بىرگە اۋقاتتانۋعا بەت الۋدامىز“، - دەدى.