انار بۇلت / شينجياڭ گازەتىنىڭ ءتىلشىسى ليۋ مىڭمىڭ
3 - ايدىڭ 9 - كۇنى كەشقۇرىم، قۇمىل قالاسى يجوۋ رايونى ليۋشۋگوۋ اۋىلىنىڭ يكىشۋ قىستاعىنداعى ءبىر شارۋانىڭ ۇيىندە 10 جاستاعى گاۋھار وسپان ۇيىندەگىلەرىمەن بىرگە كەشكى اس ءىشىپ بولعاننان كەيىن، تەلەۆيزوردىڭ الدىندا وتىرىپ، ورتالىق تەلەۆيزياسىنىڭ امبەباپ ارناسىنان قويىلاتىن باعدارلامانى كوردى.
”باۋىرىم بۇگىن ورتالىق تەلەۆيزياسىندا جارىسقا قاتىناسادى، ونى ماقتانىش سەزىنەمىن“. گاۋھاردىڭ ايتىپ وتىرعان باۋىرى حىناننىڭ نانياڭىنداعى 9 جاسار بالاقاي شۇي شاۋتيڭ بولاتىن. سول كۇنى قويىلعان «2022 جۇڭگو ولەڭ - جىر جينالىسىنىڭ» 5 - رەتكى جارىسىندا ول ەڭ سوڭعى ”فيحۋاليڭ“ بۋىنىندا ونەرىمەن وزىپ، وسى رەتكى جارىستىڭ بىرىنشىلىگىنە يە بولدى.
”سان - ساناقسىز قيىندىقتان قايىسپاي، داۋىلداردى ەڭسەردى ەش مايىسپاي“. جارىستا شۇي شاۋتيڭ چيڭ داۋىرىندەگى اقىن جىڭ شيەنىڭ ”جۋشى“ دەگەن ولەڭىن ايتىپ ءبىرىنشى بولىپ ساحناعا شىقتى. ساحنادا شۇي شاۋتيڭ سەنىمدى دە سالماقتى بەينەمەن، مول ولەڭ قورىمەن جۇرتتى تاڭ قالدىرىپ، كورەرمەنگە تەرەڭ اسەر بەردى.
شۇي شاۋتيڭ تاعى اكەسى شۇي گوچيڭنىڭ شينجياڭعا كومەكتەسۋ حيكاياسىمەن ءبولىستى، كوپتەگەن كورەرمەن اسەرلەنگەندەرىنەن كوزدەرىنە جاس الدى. شۇي گوچيڭ حىنان ولكەسىنىڭ 10 - توپتاعى شينجياڭعا باعىتتامالى كومەكتەسكەن كادرلارىنىڭ ءبىرى، 2020 - جىلى 4 - ايدا قۇمىل قالاسىنا كەلىپ، يجوۋ رايوندىق پارتكوم كەڭسەسىنىڭ ورىنباسار مەڭگەرۋشىسى بولعان.
شۇي شاۋتيڭ كىشكەنتايىنان ولەڭگە اۋەس بولدى، قازىر ولەڭ قورى 1000عا جۋىق. ونىڭ قاراۋىنشا، ولەڭ داۋىستاپ وقۋ بەينە اۆتورمەن ۋاقىت پەن كەڭىستىكتەن ەندەي ءوتىپ بارىپ تىلدەسكەندەي ءىس. ”مەن ولەڭ وقۋ بارىسىندا اكەم بارعان جەرمەن تانىستىم، ول جەردە ’وزەن بەينە باتقان كۇن، ءشول - جازيرا كوسىلەر تۇتىنىندەي كەرەمەتتىڭ‘، ’ءۇش مىڭ شاقىرىم ورمانمەن كومكەرىپ الابىن، كوكتەم سامالى جەلپىپ ءوتتى يۇيمىن قامالىن‘“... شۇي شاۋتيڭنىڭ تىلشىگە ايتۋىنشا، تەلەفوندا اكەسى ۇنەمى شينجياڭنىڭ كەڭ - بايتاق ءارى كوركەم ەكەندىگىن ايتادى ەكەن.
2020 - جىلى ”1 - قازان“ كەزىندە شۇي شاۋتيڭ قۇمىلعا اكەسىنە امانداسا كەلگەندە، ولەڭ جولدارىنداعى شينجياڭدى العاش رەت ءوز كوزىمەن كورەدى.
”اكەم مەنى ءبىرتالاي جەرگە اپاردى، سىرلى داحايداۋ، جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا شەرۋ تارتۋ ەسكەرتكىش باقشاسى، كارىز سياقتى جەرلەرگە باردىق. مۇندا تاعى كوپتەگەن اكەم سياقتى ادامدار بار ەكەن، ولار قارعالداقتاي اشىلىپ، توراڭعى اعاشىنداي قۇبا تۇزگە تامىر تارتىپتى“، - دەدى شۇي شاۋتيڭ.
قۇمىلدا شۇي شاۋتيڭ وزىنەن ءبىر جاس ۇلكەن اپەكەسى گاۋھارمەن تانىستى. ”2 جىلدىڭ الدىندا اكەم مەن اپەكەمنىڭ وتباسى تۋىس بولدى، سودان بەرى اپەكەمدى كورگىم كەلىپ ءجۇر ەدى“. شۇي شاۋتيڭ بىلاي دەدى: اپەكەمنىڭ ۇيىندەگى كەزدە قاتتى كوڭىلدى بولدىم، ”اپەكەم نان جاباتىن توناردى كورسەتتى، قوزىعا جەم بەردىك، تاعى ءجۇزىم سورەسىنىڭ استىنا بارىپ ءجۇزىم جەدىك، ەرەكشە ءتاتتى ەكەن“.
يجوۋ رايونىنىڭ باتىس قۇبا تۇزىندە ءبىر جاڭاشا تۇرعىندار قىستاعى بار، ول بولسا ليۋشۋگوۋ اۋىلىنىڭ يكىشۋ قىستاعى. 2012 - جىلى 148 مالشى وتباسى تاۋ قويناۋىنان شىعىپ، وسىندا كوشىپ كەلىپ، حىنان ولكەسى كومەكتەسىپ سالىپ بەرگەن كۋايلىكى شاعىن اۋماعىنا قونىستاندى، گاۋھارلاردىڭ ءۇيى سولاردىڭ ءبىرى ەدى.
”اكەم وسى اراعا كوشىپ كەلگەننەن كەيىن، جاڭا جۇمىسقا يە بولعانىن ايتتى. شۇي اعاي مەن ءبىز جۇپ قۇراپ، تۋىس بولدىق، ءبىزدىڭ ۇيگە كوپتەگەن كوكونىس مايساسىن اكەلىپ بەردى، قازىر شەشەم ۇيدە كوكونىس ەگىپ تە كىرىس كىرگىزە الاتىن بولدى“. گاۋھار بىلاي دەدى: باۋىرىم شاۋتيڭ حىنانعا قايتىپ بارعاننان كەيىن، اپتا سايىن تەلەفون سوعىپ تۇرادى، كەيدە ۇيرەنۋ جونىندە پىكىرلەسەمىز، كەيدە ءبىر - بىرىمىزگە تارتۋ جولدايمىز.
”اكەمدى جارتى جىل كورمەگەنىممەن، اكەم شينجياڭدى اناعۇرلىم ويداعىداي گۇلدەندىرۋ ءۇشىن ىستەپ ءجۇر عوي، اپەكەم سياقتى ءتىپتى كوپ بالاقايدىڭ باقىتتى تۇرمىس كەشىرۋىن ءۇمىت ەتەمىن“، - دەدى شۇي شاۋتيڭ.
