اۆتورى: جاڭ دۇڭمەي
1 ـ ايدىڭ 20 ـ كۇنى، شينجياڭ ٴۇرىمجى قالاسى تيانشان رايونى باقىت باقشاسى شاعىن رايونىنداعى 12 بالا الەۋمەتتىك اۋماق پەن ەرىكتىلەر ۇسىنعان ”مەيىر ـ شاپاعات ۇلكەن تارتۋىن“ تاپسىرىپ الدى. ەرىكتىلەردىڭ بارلىعى شينجياڭ بالاۋىز شام ەرىكتىلەر ۇيىمىنان كەلگەن.
بۇل ۇيىمىنىڭ قۇرۋشىسى تيان جۇڭچاڭ، بيىل 44 جاستا، قازىر ٴۇرىمجى قالاسى نانمىندە كيىم ـ كەشەك دۇكەنىن اشادى.
تيان جۇڭچاڭنىڭ ۇيىندە اپەكە - قارىنداستارى كوپ. ونىڭ ەسىندە قالۋىنشا، قولى قىسقا اكە – شەشەسى ۇنەمى مۇگەدەك كورشىلەرىنىڭ ەگىس جۇمىستارىنا كومەكتەسەتىن، ال كورشىلەرى دە جاڭا پىسقان پراندىك، بالالارىنا تار كەلىپ قالعان كيىم سياقتىلاردى ۇنەمى اكەلىپ بەرىپ، بەينە ٴبىر وتباسىنىڭ ادامدارىنداي كورشىلەر ارا ٴبىر - بىرىنە كومەكتەسەتىن.
2000 - جىلدان باستاپ، تيان جۇڭچاڭ شاعىن رايونداعى قارتتاردىڭ كوكونىس ساتىپ الۋىنا نەمەسە كۇرىش، ۇن، ماي الۋىنا ىرىقتىلىقپەن كومەكتەسىپ، شاماسى كەلەتىن شارۋالاردى ىستەدى.
ونىڭ ۇندەۋىندە كورشىلەرى مەن دوستارى دا ول سياقتى باسقالارعا كومەكتەسە باستادى. 2006 - جىلى كوكتەمدە، تيان جۇڭچاڭ مىندەتتى اعاش وتىرعىزۋ قيمىلىنا قاتىناسۋدى دارىپتەيدى، 40 نەشە جاقىن دوسى مۇنى ەستىگەننەن كەيىن تىزىمدەلدى. تيان جۇڭچاڭ بىلاي دەدى: كوپشىلىكتىڭ الەۋمەتتىك يگىلىك ىستەرىن بىرگە ىستەگەن كوڭىلدىلىگى ٴاربىر ادامدى اسەرلەندىردى.
2009 - جىلعا كەلگەندە، ماڭايىنداعى كوپتەگەن كورشىلەرى مەن دوستارىنىڭ الەۋمەتتىك يگىلىك ىستەرىن ىستەي باستاعانىن كورىپ، تيان جۇڭچاڭ ”بالاۋىز شام ەرىكتىلەر قىزمەت وتەۋ توبى“ QQ شوعىرىن قۇرىپ، داعدىلى ەرىكتى قىزمەت وتەۋ قيمىلىن ۇيىمداستىرۋ ارقىلى ەرىكتىلەر قوسىنىن ۇزدىكسىز زورايتتى.
10 نەشە جىلدان بەرى، شينجياڭ بالاۋىز شام ەرىكتىلەر ۇيىمى كوشە ـ كوشەلەردى ارالاپ، ٴۇرىمجى قالاسىنداعى الەۋمەتتىك اۋماق، مەكتەپ، قارتتار كۇتىمحاناسى سياقتى جەرلەردە بوي كورسەتتى، ەرىكتىلەر مىندەتتى اعاش وتىرعىزىپ، حال سۇراپ، ويىن قويىپ، قوقىر ـ قوقسىق تەرىپ، قاتىناس ٴتارتىبىن ساقتاپ، شۇعىل قۇتقارۋ بىلىمدەرىن ۇگىتتەپ، سۇيەنىشسىز قارتتاردان حال سۇراپ، كەدەي وقۋشىلارعا جانە كەدەي وتباسىلارىنا كيىم ـ كەشەك جانە زاتتاي جىلۋ اتادى ... ۇساق ىستەردەن باستاپ ىسكە كىرىسىپ، باسقالارعا كومەكتەستى.
”ۇيىمىمىز تولىسۋمەن بىرگە، ٴبىز دە ٴتىپتى دە كوپ شاتتىققا بولەندىك“، ـ دەدى ەرىكتى فان حۋا.
تيان جۇڭچاڭنىڭ باستاۋىندا بالاۋىز شام ەرىكتىلەر ۇيىمى ٴۇرىمجى قالالىق بالاۋىز شام شۇعىل قۇتقارۋ اترەتىن قۇردى. بىلتىر 7 ـ ايدا شينجياڭ بالاۋىز شام ەرىكتىلەر ۇيىمى ەرىكتىلەر قوسىنىن حىنانعا بارىپ، تاسقىنعا قارسى تۇرىپ، قاتەردەن اراشالاپ، اپاتتان قۇتقارۋعا ۇيىمداستىرىپ، زاتتاردى تيەۋ ـ ٴتۇسىرۋ، تاراتۋ، ارالاپ جاعداي ۇعىسۋ سياقتى قىزمەتتەرگە قاتىناستى.
2009 - جىلدان قازىرگە دەيىن بالاۋىز شام ەرىكتىلەر ۇيىمى قاتىستى تاراۋلار جاعىنان كوپ رەت ۇزدىك ۇيىم بولىپ باعالاندى. قازىر بالاۋىز شام ەرىكتىلەر ۇيىمىنىڭ مۇشەسى 1380 نەن استى ٴارى شينجياڭ ەرىكتىلەر قوعامى جاعىنان توتە قاراستى باس اترەت بولىپ قابىلداندى.
تيان جۇڭچاڭ بىلاي دەدى: مەندە ٴبىر قوعامدىق جاۋاپكەرشىلىك بار، اتاپ ايتقاندا، وسى ۇيىمدى باستاپ ٴتىپتى دە كوپ ماعىنالى ىستەردى ىستەپ، ٴتىپتى دە كومەككە مۇقتاج جاندارعا كومەكتەسۋ.
”بالاۋىز شام ٴوزى جانىپ، وزگەلەرگە ساۋلە شاشادى، ٴوز قوسىنىمنىڭ دا وزگەلەردى نۇرلاندىرۋىن ٴۇمىت ەتەمىن“، ـ دەدى تيان جۇڭچاڭ.
