【ٴمورالدى ارداقتاپ، ىزگىلىككە تالپىنۋ ادەپتى - يبالى بولىپ، بىلىمدىلەردى قۇرمەتتەۋ】
مۇكارام ءسىلام (سولدان ەكىنشى) مەن ”قىزى“ چىن چيڭ (سولدان ٴۇشىنشى) بىرگە تۋعان كۇن وتكىزدى. سۋرەتتى تيانشان تورى - شينجياڭ گازەتىنىڭ ٴتىلشىسى حان لياڭ تۇسىرگەن
تيانشان تورى - شينجياڭ گازەتىنىڭ ٴتىلشىسى ليۋ يميڭ
ءار جولعى مەرەكە - مەيرامداردا جانە اپتا سوڭىنداعى دەمالىس كۇندەرىندە اۆتونوميالى رايوندىق ءمورال ۇلگىسى مۇكارام ءسىلام قاباعات قاربالاستىققا تۇسەدى: دۇڭ حۇڭچۇن اپايدىڭ ۇيىنە بارىپ، كاريانىڭ قان قىسىمىن تۇسىرەتىن ءدارىسىنىڭ بار - جوقتىعىن ۇعىسادى، ”قىزى“ چىن چيڭنىڭ وتباسىنا بارىپ تازالىق ىستەۋىنە كومەكتەسەدى، تۇرمىستىق بۇيىمدار ساتىپ الىپ، مۇگەدەك بويجەتكەن ۋاڭ جياچيدەن حال سۇرايدى...
بيىل 49 جاستاعى مۇكارام ءۇرىمجى قالاسى سايباق رايوندىق دامۋ جانە رەفورما كوميتەتىنىڭ كادرى. وتكەن 15 جىلدا ول ماڭايىنداعى مۇگەدەكتەردىڭ، وتباسىندا جالعىز تۇراتىن قارتتاردىڭ، سونداي - اق قيىنشىلىعى بار قاۋىمنىڭ نەگىزگى تۇرمىستىق ماسەلەسىن شەشۋگە كومەك قولىن سوزدى ءارى ولارعا سەرىك بولىپ، قامقورلىق جاساپ، مەيىر جەتكىزىپ، ءوزىنىڭ ءىس جۇزىندىك ارەكەتى ارقىلى ۇلتتار ىنتىماعىن امالياتتا ايگىلەدى. 2007 - جىلدان قازىرگە دەيىن ول 400 رەتتەن ارتىق جىلۋ اتاپ، جيىنى 40 مىڭ يۋاننان استام جىلۋ اتاعان. 2017 - جىلدان 2019 - جىلعا دەيىنگى ارالىقتا ول ءۇرتىس 3 جىل بويى اۆتونوميالى رايوندىق ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات جەكە بولىپ باعالاندى.
بيىل 34 جاستاعى چىن چيڭ مۇكارام كومەكتەسكەن تۇڭعىش ادام، ەكەۋى 2007 - جىلى تانىسقان. چىن چيڭ اقىل - وي كەمىستىگى بار مۇگەدەك بولاتىن، بالا كەزىندە شەشەسى ۇيدەن كەتىپ، اكەسى قايتا باس قۇراعان، ول كىشكەنتايىنان اجەسىمەن بىرگە تۇرمىس كەشىرىپ كەلگەن.
سول جىلى مۇكارام حوتان كوشەسى اۋماعى دۇڭي كوشەسى الەۋمەتتىك اۋماعىنا قىزمەت ىستەۋگە جىبەرىلىپ، وتباسىلارىن ارالاپ احۋال ۇعىسقاندا چىن چيڭنىڭ جاعدايىنان حاباردار بولادى.
”ول انالىق مەيىردى اڭسايدى ەكەن، العاش كەزىككەنىمدە - اق مەنى ’شەشە‘ دەپ شاقىردى. بۇيرىق دەگەن وسى ەكەن، ول ماعان جاقىنداسۋدى قالايدى“، - دەدى مۇكارام، - ”مەن وعان مۇنان بىلاي مەن ساعان شەشە بولامىن دەدىم“.
سودان باستاپ مۇكارام ءار كۇنى كەشتە چىن چيڭمەن تەلەفوندا سويلەسىپ، مەرزىمدى ۋاقىتتا بارىپ ونى جۋىندىرىپ، كىرىن جۋىپ بەرىپ تۇردى، كەيىن كەلە ولار بىرگە كوشە ارالاپ، كينو كورەتىن بولدى...
15 جىل دامدەس بولعاندا چىن چيڭ دا بىرتىندەپ وزگەرە باستادى. ”سۇيىسپەنشىلىگىن جەتكىزە الاتىن جانە بەينەلەي الاتىن بولدى“، - دەدى چىن چيڭنىڭ اجەسى، - ول ”شەشەسىنە“ ۋاعىندا تاماق ءىشۋدى تاپسىرىپ وتىرادى، كىرىن ءوزى جۋىپ، مەرەكەلەردە وتباسىنداعىلارعا تىلەك بىلدىرەتىن بولدى.
2021 - جىلى انالار مەرەكەسىندە چىن چيڭ مۇكارامعا ارناپ تۇڭعىش رەت ولەڭ جازدى، ول ولەڭنىڭ سوڭىندا: ”سەنى سۇيەمىن، شەشە“، - دەپ جازدى.
”سۇيىسپەنشىلىگىمدى ارنادىم، تەبىرەنىسكە دە بولەندىم“، - دەدى مۇكارام.
ءىس جۇزىندە، دۇڭي كوشەسى الەۋمەتتىك اۋماعىندا قىزمەت ىستەگەن كەزىندە مۇكارام تەك چىن چيڭ وتباسىنا عانا كومەكتەسكەن جوق. ول وتباسىندا جالعىز تۇراتىن كاريا دۇڭ حۇڭچۇن، حو شيۋجىن سياقتى قيىنشىلىعى بار 3 وتباسىمەن كومەكتەسۋ - سۇيەمەلدەۋ بويىنشا جۇپ قۇراپ، ءاردايىم ولاردىڭ وتباسىنا بارىپ حال سۇراپ تۇردى. مۇكارامدى كورگەن سايىن دۇڭ حۇڭچۇن ونىڭ قولىنان ۇستاپ: ”سەنىڭ بولعانىڭ قانداي جاقسى، ماعان قىزىمنان دا جاقىنسىڭ“، - دەيدى.
”وسى 15 جىلدا كوپتەگەن اداممەن تانىستىم، ىزگى نيەتتى، مەيىرلى ولار مەنىڭ تۋىسىم. الداعى جەردە مەن قولىمنان كەلگەنشە ولارعا قامقورلىق جاسايمىن جانە ولاردى ايالايمىن“، - دەدى مۇكارام.
