سۇيىسپەنشىلىك ءبىر وتباسى ادامدارىنداي قاۋىشتىردى

日期:2022年02月20日
来源:新疆日报
【字体:

 انار بۇلت / شينجياڭ گازەتىنىڭ ءتىلشىسى ميھىرگۇل عوپۇر

  ”ياۋ شەشە، دەنساۋلىعىڭىز جاقسى ما، ءسوز جوق، ۋاعىندا تاماقتانىڭىز، اپتا سوڭىندا قاربالاستىعىمىز اياقتاي سالا ءسىزدى كورگەلى بارامىز“، - دەدى كوكتەم مەرەكەسى قارساڭىندا قارامايلى قالاسى مايتاۋ رايونى جينشان جولى مالىسىندەگى ”نيەتتەستەر“ تاعامجايىنىڭ قوجايىنى مامۇت سىدىق 74 جاستاعى ياۋ شۋمەيگە تەلەفون بەرىپ. ياۋ شۋمەيدىڭ جاعدايىنىڭ جاقسى ەكەندىگىن بىلگەندە ونىڭ جۇزىنەن كۇلكى ەستى.

  2008 - جىلى مامۇت پەن ايەلى ورگۇل اشىم تۇرمىس قامىمەن قاشقاردان مايتاۋعا كەلەدى، مايتاۋ رايونىنداعى ءبىر كاسىپورىننىڭ جۇمىسشىلار اسحاناسىندا جۇمىس ىستەگەن كەزدەرىندە اسحانادا جۇمىس ىستەيتىن ياۋ شۋمەيمەن تانىسادى. ياۋ شۋمەي جىلى ءجۇزدى، اشىق - جارقىن ەدى، جايشىلىقتا مامۇت ەرلى - زايىپتىلارعا امان - سالەم جاساسىپ تۇرادى. ”سەندەردى كورگەندە بالالارىمدى كورگەندەي بولامىن. ولار تاعى ءبىر قالادا جۇمىس ىستەيدى، وتباسىنان شالعايدا ءجۇرۋ وڭاي ەمەس، تۇرمىستا قيىنشىلىقتارىڭ بولسا ماعان ايتىپ تۇرىڭدار“، - دەيدى، ياۋ شۋمەيدىڭ وسى ءسوزى مامۇتتى قاتتى اسەرلەندىردى.

  اڭگىمەلەسۋ بارىسىندا ياۋ شۋمەي مامۇتتىڭ جالداپ تۇرعان ءۇيىنىڭ ساتىلاتىندىعىن، ۇيلەسىمدى تۇرارجاي تابا الماعانىن ءبىلىپ، ولاردى وتباسىندا ۋاقىتشا تۇرۋعا قىزۋ ىنتامەن ۇسىنىس ەتەدى. ”قاتتى تەبىرەندىم، ول شەشەممەن قارايلاس، ءبىزدى جاقىن تارتادى، ءبىز ەرىكسىزدەن ونى ’شەشە‘ دەپ اتاپ كەتتىك“، - دەدى مامۇت اسەرلەنە.

  ءبىر كۇنگى قاربالاستىقتى اياقتاتىپ ۇيگە قايتقاندا، مامۇت ءۇي شارۋالارىن تالاسا ىستەيدى. قولى بوساي قالعاندا، ەرلى - زايىپتى ەكەۋى ياۋ شۋمەيدەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، اسپازدىق ونەرىنەن ءتالىم الادى، كوپ ۋاقىت دامدەس بولعان كۇندەردە ولار ءبىر - بىرىنە قارايلاسىپ، بارعان سايىن جاقىن وتەدى.

  2009 - جىلى ورگۇل بالا كوتەرەدى، ياۋ شۋمەيدى اۋرەلەمەۋ ءۇشىن ەرلى - زايىپتى ەكەۋى باسقا تۇرارجاي تابۋ بەكىمىنە كەلەدى. كوشەردە مامۇت ياۋ شۋمەيدىڭ قولىن قىسا ۇستاپ: ”ياۋ شەشە، دەنساۋلىعىڭىزدى، ءسوز جوق، جاقسى كۇتىڭىز، ءبىز ۇنەمى كەلىپ تۇرامىز“، - دەيدى.

  كەيىن مامۇت ەرلى - زايىپتىلار قاجىرلى ەڭبەگىنە سۇيەنىپ، قارجى جيىپ، شارۋاشىلىق قۇرۋ ويىنا كەلەدى. العاش شارۋاشىلىق قۇرعان كەزدە ۇيلەسىمدى دۇكەن تابا الماۋ، شارۋاشىلىق جۇرگىزۋ كۋالىگىن قالاي ءبىتىرۋدى بىلمەۋ سياقتى ءبىر قىدىرۋ قيىن ماسەلەلەر مامۇتتىڭ باسىن قاتىرادى. الەۋمەتتىك اۋماق قىزمەتكەرلەرى جاعدايدان حابار تاپقاننان كەيىن، ونىڭ شارۋاشىلىق جۇرگىزۋ كۋالىگىن بىتىرۋىنە كومەكتەسەدى، ۇيلەسىمدى دۇكەن جالداۋىنا جاردەمدەسەدى.

  2016 - جىلى مامۇتتىڭ اسحاناسى جۇمىس باستاپ، ”نيەتتەستەر“ دەپ ات قويادى. ”ءار ۇلت اعا - باۋىر، اپەكە - سىڭلىلەردىڭ كومەگى بولماعاندا، ەكەۋىمىزگە عانا سۇيەنىپ ەشتەڭە بىتىرە الماس ەدىك، تاعامجايىمىزدىڭ ۇلتتار ىنتىماعىنىڭ تەرەزەسى بولۋىن ءۇمىت ەتەمىن“، - دەدى مامۇت.

  2021 - جىلى 12 - ايدىڭ 26 - كۇنى ياۋ شۋمەيدىڭ 74 جاسقا تولعان تۋعان كۇنى ەدى. قارامايلى قالاسى مايتاۋ رايونى جينشان جولى ءمالىسى 4 - الەۋمەتتىك اۋماعىنىڭ قيمىل ۇيىندە مامۇت كورشىلەردى شاقىرىپ، ياۋ شۋمەيدىڭ تۋعان كۇنىن بىرگە تويلايدى. ”بالام، بۇل ومىرىمدەگى ەڭ ءماندى، ەڭ ۇمىتىلماس تۋعان كۇن بولدى، راقىمەت ساعان“، - دەدى ياۋ شۋمەي ونىڭ قولىن قاتتى قىسىپ.

  بولماشى سۇيىسپەنشىلىكتەر مامۇتتىڭ مايتاۋ رايونىندا ىرگە تەۋىپ قالۋىنا مۇمكىندىك جاسادى، تاعامجايدىڭ ساۋداسى كۇن سايىن جاقسارىپ، ونىڭ قوعامعا قارىمجى قايتارۋىنا قوزعاۋشى كۇش سيلادى. مەرەكە - مەيرامدا ول ءدامى ءتىل ۇيىرەتىن پالاۋ جاساپ، جەتىم - جەسىر سۇيەنىشسىز قارتتارعا جەتكىزىپ بەردى؛ قاقاعان قىستا، شىلىڭگىر ىستىقتا ول ورتا تازالىعى جۇمىسشىلارىنان حال سۇراۋدى ۇمىتپادى؛ مەيلى قاي جەردە اپات تۋىلسا، ول قاشاندا اقشا، زاتتىق بۇيىم جىلۋعا اتادى، سونىمەن بىرگە باسقا دۇكەن يەلەرىن بىرگە ات سالىسۋعا ۇندەدى.

  ”سۇيىسپەنشىلىك ۇلتقا بولىنبەيدى، ءار ۇلت اسىلىندە ءبىر وتباسىنىڭ ادامدارى ەدى، ءوزارا كومەكتەسىپ، ءبىر - بىرىمىزگە سۇيەنگەندە عانا بارلىق قيىنشىلىقتى جەڭە الامىز“، - دەدى مامۇت.