ۇلتتار ىنتىماعىنىڭ ۇرىعىن تامىر تارتتىرىپ، گۇل اشتىرامىن

日期:2022年02月18日
来源:新疆日报
【字体:

لي جياندۇڭ:

ۇلتتار ىنتىماعىنىڭ ۇرىعىن تامىر تارتتىرىپ، گۇل اشتىرامىن

انار بۇلت / شينجياڭ گازەتىنىڭ ءتىلشىسى يۇي جياڭيان

  ”نەلىكتەن ۇنەمى مەنىڭ كوزىمە جاس ىركىلە بەرەدى؟ ويتكەنى مەن وسى توپىراقتى جان - تانىممەن سۇيەمىن“. بۇل اۆتونوميالى رايوندىق ءمورال ۇلگىسى لي جياندۇڭنىڭ ەڭ ۇناتاتىن ولەڭ جولدارى بولاتىن.

  لي جياندۇڭ جۇڭگو مۇنايى شينجياڭ مۇناي الابى سەرىكتەستىگى شۇعىل جاعدايعا توتەپ بەرۋ، قاتەردەن اراشالاۋ - قۇتقارۋ ورتالىعى 5 - بولىمشە سەرىكتەستىگى پارتيا باس ياچەيكاسىنىڭ شۋجيى. 2 - ايدىڭ 17 - كۇنى ءتىلشى لي جياندۇڭعا حابارلاسقان كەزدە ول ەندى عانا جۇپ قۇراعان تۋىسىمەن تەلەفوندا سويلەسىپ بولىپ، 2 وتباسىنىڭ ادامدارى بىرلىكتە حوگو جەۋگە بارماقشى ەكەن.

  قىزمەتتەستەرىنىڭ نازارىندا لي جياندۇڭ باسقالارعا كومەكتەسۋگە پەيىل، ادال، جالىندى جان.

  1998 - جىلى جازدا لي جياندۇڭ بايكوۋچۋان مۇناي الۋ زاۆودىنىڭ قۇدىق رەمونتتاۋ ۇلكەن اترەتىنىڭ قۇدىق رەمونتتاۋ 7 - اترەتىندە اترەت باستىعى بولىپ تۇرعاندا اترەت مۇشەسى ءىلياس ساۋۇت ۇيلەنۋگە دايىندالىپ جاتقان، ءبىراق ءۇي ساتىپ الۋعا اقشاسى بولماي، قاتتى قامىعادى. بۇل ىستەن حابار تاپقاننان كەيىن لي جياندۇڭ اترەتتەگى بارلىق مۇشەلەردى ءىلياسقا كومەكتەسۋگە جۇمىلدىرادى. ول كوپشىلىككە: ”ءىلياس ءۇي الۋدا قينالىپ تۇر، ءبىز وعان كومەكتەسىپ جىبەرەيىك، ءاربىر ادام 200 − 300 يۋاننان قارىز اقشا بەرسە، ول ءساتتى ۇيلەنىپ الار ەدى“، - دەيدى.

  اترەتتەگى كەي ادامدار ماقۇل كورسە، كەيبىرەۋى ەكى ۇداي بولدى، كەيبىرەۋى قۇپ كورگەن جوق، ءىلياستىڭ اقشانى قايتارا الماي قالۋىنان الاڭدادى. لي جياندۇڭ: ”ەگەر ءىلياس قارىزدى قايتارا الماسا، ونىڭ اتىنان مەن قايتارايىن!“ - دەدى.

  سول جىلى قۇدىق رەمونتتاۋ 7 - اترەتىنىڭ مۇشەلەرى ءىلياسقا 10 مىڭ يۋان اقشا جيناپ بەرىپ، ول ءوزى ۇناتقان قىزبەن باس قۇرادى.

  ابدۇرۇپجان ءومار شۇعىل جاعدايعا توتەپ بەرۋ، قاتەردەن اراشالاۋ - قۇتقارۋ ورتالىعىنىڭ قىزمەتكەرى. 2000 - جىلى ونىڭ قىزى لانجوۋ داشۋەسىنە قابىلدانىپ، وقۋ قاراجاتى جەتپەي قالادى دا لي جياندۇڭدى ىزدەپ كەلىپ قارىز سۇرايدى. لي جياندۇڭ وتباسىنىڭ بانكەدەگى 10 مىڭ يۋان اقشاسىن تۇگەلدەي ابدۇرۇپجانعا قارىزعا بەرەدى.

  قازىر لي جياندۇڭ مەن ابدۇرۇپجان مۇناي الابىنداعى جۇپ قۇراعان تۋىس ءارى قىزمەتتەگى ءوزارا كومەكتەسەتىن قىزمەتتەستەر، سونىمەن بىرگە تۇرمىستا ءبىر - بىرىنە قارايلاساتىن دوستار. ”مەنىڭ ۇلىم 2 جاستان اسقان جىلى تۇتقيىلدان اۋىرىپ قالىپ، ءۇرىمجى قالاسىندا شيپاحاناعا جاتىپ قالدى. ول كەزدە مەن دالا جۇمىستارىمەن قايتا المادىم، ابدۇرۇپجان تۇندەلەتىپ اۆتوكولىك ايداپ، ايەلىمدى قارامايلى قالاسىنان ءۇرىمجى قالاسىنداعى ۇلىمنىڭ قاسىنا جەتكىزدى“. لي جياندۇڭ: قازىر 2 وتباسى الدەقاشان ءبىر ءۇيلى جانداردان بولىپ كەتتىك، - دەدى.

  2018 - جىلى لي جياندۇڭ قاعىلىق اۋدانى عوجارىق اۋىلى اياققى گۇلباق قىستاعىنا بارىپ ءبىرىنشى شۋجي مىندەتىن وتەيدى. قىستاق تۇرعىندارىنىڭ نازارىندا لي جياندۇڭ ”قوجايىن“ جەتىلدىرۋگە دەن قويعان ادام ەسەپتەلەدى.

  قىستاق تۇرعىنى يمىننياز مامەتتىڭ قۇرىلىس سالۋ تاجىريبەسى بار، لي جياندۇڭ ونى كاسىپ اشۋعا شابىتتاندىردى، ءبىراق يمىننياز جاقسى ىستەي الماي زيان تارتىپ قالۋدان الاڭدادى. لي جياندۇڭ ونىڭ جۇمىس باستاۋىنا ىرىقتىلىقپەن 10 مىڭ يۋان قارىز اقشا بەرىپ، زيان تارتىپ جاتساڭ قايتارماي - اق قوي دەدى.

  قىستاق تۇرعىنى ياسىن ساۋۇت قۇرىلىس گۇلدى كەرپىشىن قۇيا الاتىن ەدى. لي جياندۇڭ وعان دا جۇمىس باستايتىن 10 مىڭ يۋان قارىز اقشا بەردى، ياسىن قوس قولىنا سۇيەنىپ كەدەيلىكتەن ارىلدى.

  قىستاقتا تۇرعان 3 جىلدا لي جياندۇڭ ينجەنەريالىق قۇرىلىس جۇرگىزۋ، كەرپىش قۇيۋ سىندى 3 سەلبەستىك كووپەراتيۆىن ۇيىمداستىرىپ قۇرىپ، باسقارۋدى بىلەتىن، تەحنيكا يگەرگەن، جان سالا ىستەۋگە باتىل ءبىر توپ بايۋدىڭ باستاماشىلارىن جانە شەبەرلەردى جەتىلدىردى. 2020 - جىلدىڭ سوڭىندا بۇكىل قىستاق جاپپاي كەدەيلىكتەن ارىلىپ، كەدەي وتباسىلارىنىڭ جىلدىق جان باسىندىق كىرىسى 2018 - جىلعى 2700 يۋاننان مولايىپ 2020 - جىلى 10 مىڭ 259 يۋانعا جەتتى.

  جۇرەكتە مەيىرىم بولسا، بارلىق جەرگە جىلۋ توگەدى. لي جياندۇڭ: ”ۇلتتار ىنتىماعىنىڭ ۇرىعىن ءوزىم جان - تانىممەن سۇيگەن وسى توپىراقتا تامىر تارتتىرىپ، گۇل اشتىرامىن“، - دەدى.