اناردىڭ دانىندەي ۇيىسىپ، كوكتەم مەرەكەسىن تويلادى

日期:2022年02月03日
来源:新疆日报
【字体:

 − رايونىمىزداعى ءار ۇلت كادرلارى، بۇقاراسى باقىتتى جۇڭگو جاڭا جىلىن بىرگە تويلادى

 انار بۇلت / شينجياڭ گازەتىنىڭ تىلشىلەرى

  1 - ايدىڭ 31 - كۇنى جولاۋشىلار مەن پويەز قىزمەتكەرلەرى كەزەكشى پويەزدا «وتاندى جىرلايمىز» ءانىن بىرگە شىرقاۋدا. سول كۇنى T9526 كەزەكشى ”ۇلتتار ىنتىماعىنىڭ بەرەكەلى شاڭىراعى ءنومىرلى“ جۇردەك جولاۋشىلار پويەزىندا پويەز قىزمەتكەرلەرى مەن جولاۋشىلار بىرگە كەزەكشى پويەز ”كوكتەم مەرەكەسى ويىن - ساۋىق كەشىن“ وتكىزىپ، كوكتەم مەرەكەسىن شات - شادىمان تويلادى.

□ سۋرەتتى انار بۇلت / شينجياڭ گازەتىنىڭ ءتىلشىسى زوۋ ي تۇسىرگەن

  سيىر جىلىن ۇزاتىپ، بارىس جىلىن قارسى الدى. كوكتەم مەرەكەسى تابىستى، باس قوسۋدى، شاتتىقپەن قاۋىشۋدى جانە جاڭا ءۇمىتتى اڭعارتادى.

  بىرنەشە كۇننەن بەرى رايونىمىزداعى ءار ۇلت كادرلارى، بۇقاراسى ءبىر اراعا شاتتىقپەن باس قوسىپ، وزگەرىستەردى ايتىپ، دامۋدى تىلگە تيەك ەتىپ، بولاشاقتى اڭگىمەلەپ، كوكتەم مەرەكەسىن بىرگە تويلادى، تيانشان الابىندا شاتتىقتىڭ، بەرەكە - بىرلىكتىڭ لەبى ەسىپ، بارلىق جەردەن ۇلتتار ىنتىماعىنىڭ دوستىق سۇيىسپەنشىلىگى تولقىن اتتى.

  ەسكى جىلدىڭ سوڭعى كۇنى موري قازاق اۆتونوميالى اۋدانى موري قالاشىعىنىڭ اۋىل الەۋمەتتىك اۋماعى ۇلتتار ىنتىماعى بىرلەسكەن دوستىق قيمىلىن وتكىزىپ، ءار ۇلت كادرلارى، بۇقاراسى ءبىر اراعا شاتتىقپەن باس قوسىپ، كوكتەم بوساعالىعىن جاپسىرىپ، تۇمشاما شام ءىلىپ، داستارقان دامىنەن اۋىز ءتيىپ، كوكتەم مەرەكەسىن دىر - دۋمانمەن وتكىزدى!

  كوكتەم مەرەكەسىنىڭ بارابان ءۇنى شارىقتاپ، شاتتىققا تولى ويىن نومىرلەرى قويىلىپ، ءان «جەلتوقساننىڭ جيىرما توعىزى»، «مەن جانە مەنىڭ وتانىم»، ءبي «كوڭىلدى شاق»... تاماشا ويىن نومىرلەرى ارت - ارتىنان ورىندالىپ، شاتتىققا تولى مەرەكە رايىن اسىردى.

     ”قيمىل كورشىلەردى جاقىنداتىپ، كوپشىلىك بىرگە ءان شىرقاپ، ءبي بيلەپ، مەرەكەنىڭ مەرەيىن، قىزىعىن اسىردى، ەرەكشە قۋانىشقا شومدىم!“، - دەدى الەۋمەتتىك اۋماقتىڭ تۇرعىنى كاسىپقان قۋانا. انار گۇلى اشىلىپ، اناردىڭ دانىندەي تىعىز ۇيىستى. وسى الەۋمەتتىك اۋماق پارتيا ياچەيكاسىنىڭ شۋجيى دۋ ساييان الدا الەۋمەتتىك اۋماقتىڭ باي مازمۇندى مادەنيەت قيمىلدارىن ۇزدىكسىز ورىستەتىپ، الەۋمەتتىك اۋماقتى تۇرعىنداردىڭ ءۇيىنىڭ جانىنداعى ”باقىت بەكەتى“ ەتىپ تۇلعالايتىندىقتارىن ءبىلدىردى.

  اۋات اۋدانى بەسارىق قالاشىعى قۇمويلا قىستاعىندا، شينجياڭ اۋىل شارۋاشىلىق داشۋەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق تۇرعىندارىنا كوكتەم بوساعالىعى، تۇمشاما شام، ”福“ ءارىبى سياقتى كوكتەم مەرەكەسى سالەم - ساۋقىتىن جەتكىزدى ءارى كوكتەم مەرەكەسى بايلانىسىمەن ىزگى تىلەك ءبىلدىردى. قىستاق تۇرعىندارى جۇڭحۋا مادەنيەتىنىڭ تىنىستى لەبىن جانە مەرەكە مەرەيىن سەزىندى.

  شينجياڭ اۋىل شارۋاشىلىق داشۋەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باس جەتەكشىسى، قۇمويلا قىستاعىنىڭ ءبىرىنشى شۋجيى مۇقاي جارقىنبەك: ”كوكتەم مەرەكەسى كەلۋ بايلانىسىمەن ءبىز ءتۇرلى قيمىلداردى ورىستەتۋ ارقىلى ءار ۇلت بۇقاراسىمەن كوكتەم مەرەكەسىن بىرگە وتكىزدىك، كوپشىلىكتىڭ جۇڭحۋانىڭ ءداستۇرلى مادەنيەتىن ونان ارى جالعاستىرىپ جانە اسقاقتاتىپ، كوكتەم مەرەكەسىن قۋانىشپەن وتكىزۋىن، الداعى جىلدا تۇرمىستارىنىڭ ونان ارى جاقسارا ءتۇسۋىن ءۇمىت ەتەمىز“، - دەدى.

  بىرنەشە كۇننەن بەرى قاراقاش اۋدانى قويشى اۋىلى ءچىراعدوڭ قىستاعىنىڭ تۇرعىنى حارنيسا تۇرسىنتوحتى شاتتىققا شومدى. ول: ”كوكتەم مەرەكەسى جۇڭحۋا ۇلتىنىڭ ءداستۇرلى مەرەكەسى، حوتان ايماقتىق پارتكوم بىرلىكساپ ءبولىمى، ايماقتىق ۇلت، ءدىن ىستەرى مەكەمەسى وتكىزگەن ۇلتتار ىنتىماعى بىرلەسكەن دوستىق قيمىلىندا كوپشىلىك بىرگە ءان شىرقاپ، ءبي بيلەپ، شاتتىققا شومدىق“، - دەدى.

  حوتان ايماقتىق پارتكوم بىرلىكساپ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ما يۇيشىڭ: ”قيمىلدا كادرلار، بۇقارا ورتاق ءبىر ءاندى شىرقاپ، ورتاق ءبىر ءبيدى بيلەپ، كوكتەم مەرەكەسى ىزگى تىلەگىن بىرگە ءبىلدىرىپ، ءار ۇلت كادرلارى، بۇقاراسى ىشكەرىلەي ارالاسىپ، ىشتەسىپ، توعىسىپ، ۇلتتار ىنتىماعى سۇيىسپەنشىلىگى ونان ارى قويۋلادى. كوپشىلىك پارتيا ورتالىق كوميتەتىنىڭ جەتەكشىلىگىندە تۇرمىستارىنىڭ بارعان سايىن جاقسارا تۇسەتىندىگىنە كامىل سەنەدى“، - دەدى.

  ”تاق، تاق، تاق...“ 2 - ايدىڭ 1 - كۇنى كوكتەم مەرەكەسىنىڭ ءبىرىنشى كۇنى، تاڭەرتەڭ ەرتە كۇيتۇن قالاسىنىڭ تۇرعىنى سۇن پەيشيانىڭ ەسىگى قاعىلدى. ول ەسىكتى اشىپ قوناقتاردى قارسى الدى، ويلاعانداي، انارگۇل سامەت وتباسى مەرەكەسىن قۇتتىقتاي كەلگەن ەكەن. سۇن پەيشيا كەزىندە انارگۇل وتباسى تۇرعان الەۋمەتتىك اۋماقتىڭ وتباسىلارىن كوتەرمەگە الۋشى كادرى بولاتىن. ۇنەمى بارىس - كەلىس جاساسۋ ارقىلى ولاردىڭ بايلانىسى بارعان سايىن جيىلەدى. مەرەكە سايىن ەكى ۇيدەگىلەردىڭ ءبىر - ءبىرىنىڭ وتباسىنا قىدىرىسىپ، تىلەك ءبىلدىرۋى سالتقا اينالدى.

  ”قازىر ءارقايسى الەۋمەتتىك اۋماقتا ءار ۇلت تۇرعىندارى توتەنشە تاتۋ - ءتاتتى ءوتىپ جاتىر. كوپشىلىك بەرەكەلى، تاتۋ - ءتاتتى ءوتىپ، ءوزارا كومەكتەسىپ، بارلىق جەردە شاتتىقتىڭ، بەرەكەنىڭ لەبى ەستى“، - دەدى سۇن پەيشيا، - ”ءبىز ۇلتتار ىنتىماعىن كوز قاراشىعىمىزداي قورعاپ، كورىكتى مەكەنىمىزدى بىرگە ويداعىداي قۇرامىز“.