ۇلتتار ىنتىماعىنىڭ بەرەكەلى شاڭىراعى丨اسيا جانە ونىڭ ”جاڭ شەشەيى“

日期:2021年10月29日
来源:新疆日报
【字体:

انار بۇلت / شينجياڭ گازەتىنىڭ ٴتىلشىسى رىن چۇنشياڭ

  ”جاڭ شەشەي، الدىڭعى جولى ماعان تىگىپ بەرگەن ۇلتاراقتى ۇيگە قايتىپ سىناپ كوردىم، وتە جاقسى ەكەن، جۇبايىم دا ۇلتاراق وتە ادەمى ەكەن دەدى“. 10 – ايدىڭ 25 – كۇنى كەشتە قىزمەتتەن ٴتۇسىپ، ۇيىنە قايتقان سوڭ اسيا تۇرسىن ٴوزىنىڭ جۇپ قۇراعان تۋىسى ”جاڭ شەشەيگە“ تەلەفون شالدى.

  بىرنەشە كۇننىڭ الدىندا ول ”جاڭ شەشەيگە“ امانداسا بارعاندا، قاريا وعان 2 جۇپ ۇلتاراق ۇسىنادى، ۇلتاراقتىڭ بەتىنە ادەمى گۈل كەستەلەنگەن، مۇنى قاريا اسيا مەن ونىڭ كۇيەۋىنە ارنايى تىككەن بولاتىن. ”بۇل مەنىڭ وزىمە ارنايى تىگىلگەن ۇلتاراقتى تۇڭعىش رەت تاپسىرىپ الۋىم، ينە – ساباق جىپتەر ’جاڭ شەشەيدىڭ‘ كوڭىلى، ىشتەي جىلۋلىقتى سەزىندىم“، - دەدى ول.

  10 – ايدىڭ 15 – كۇنى اسيا تۇرسىن (سولدان ەكىنشى) جاڭ شىڭليان(سولدان ٴۇشىنشى) وتباسىنداعىلارمەن بىرگە سۋرەتكە ٴتۇستى. سۋرەتتى ەرىكتى ٴتىلشى ياڭ شۋەحۇي تۇسىرگەن

  اسيا قىزىلسۋ قىزعىز اۆتونوميالى وبلىسى اقتاۋ اۋداندىق اۋىل شارۋاشىلىعى، اۋىل - قىستاق مەكەمەسىندە قىزمەت ىستەيدى، ول ”جاڭ شەشەي“ جاڭ شىڭليانمەن 2018 – جىلى تۋىس بولعان. سول جىلى 1 – ايدا ول تورتاي ەگىس الاڭى قاراقۇم اترەتىنە بارىپ، ”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرۋ قىزمەتىنە قاتىناسىپ، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار اترەت باستىعى مىندەتىن ۇستىنە الادى، وسى ارادا ول جاڭ شىڭلياننىڭ كىشى ۇلى ساۋ جۇنتاي وتباسىمەن جۇپ قۇراپ، تۋىس بولادى.

  39 جاستاعى ساۋ جۇنتاي وتباسىنىڭ گانسۋ ولكەسىنەن شينجياڭعا كەلگەنىنە 7 دە 8 جىل بولعان، اكە – شەشەسىنىڭ جاسى ۇلعايعان اۋرۋشاڭ، 2 بالاسى ٴالى كىشكەنە، ەرلى – زايىپتى ەكەۋى سىرتتا جۇمىس ىستەپ، جىل سوڭىندا عانا ۇيىنە ورالىپ باس قوسا الاتىن.

  ەرلى – زايىپتى ەكەۋىنىڭ ۇلكەندەر مەن بالالارعا قارايلاسۋعا مۇرساسى تيمەيدى، اسيا مۇنىڭ بارلىعىن بىلەتىن، بوس ۋاقىتى شىعا قالسا قارتتارعا امانداسا باردى. جەمىس – جيدەك كوتەرىپ، تۇرمىستىق بۇيىمداردى الا باردى، قارتتارعا سەرىك بولىپ اڭگىمە دۇكەنىن قۇرىپ، تازالىق ىستەدى، كوپشىلىك بىرتە – بىرتە ۇيىرلەسىپ، جاڭ شىڭليان ونىڭ ”جاڭ شەشەيىنە“ اينالىپ، وعان جۇرەك سىرىن اقتاردى.

  10 – ايدىڭ 15 – كۇنى اسيا تۇرسىن (وڭنان ٴبىرىنشى) جاڭ شىڭليانعا (سولدان ەكىنشى) امانداسا بارعاندا، جايشىلىقتاعىداي ونىمەن بىرگە شەكىلدەۋىك ۇرىعىن ارشىدى. سۋرەتتى ەرىكتى ٴتىلشى ياڭ شۋەحۇي تۇسىرگەن

  سول كەزدە جاڭ شىڭلياننىڭ كوڭىلىن مازالاعان ٴبىر ٴىس بار ەدى، ٴاسىلى ول گانسۋداعى نەمەرە قىزىن اكەلىپ قارايلاسپاقشى بولعان، ٴبىراق مۇندا بالانىڭ وقۋعا تۇسۋىندە الدىن الا بايلانىس جاساۋ ماسەلەسىنە ٴدوپ كەلەدى.

  اسيا ونى جۇباتىپ: ”جاڭ شەشەي الاڭداماڭىز، بۇل شارۋانى ماعان تاپسىرىڭىز، ماسەلە بولسا، مەن سويلەسەيىن، ماتەريال قاجەت بولسا، مەن بىتىرەيىن“، - دەدى. وسىدان كەيىن اسيا تالاي رەت سويلەسىپ، سايكەستىرىپ، ارلى – بەرلى شاپقىلاپ ماتەريال دايىنداپ، بالانىڭ وقۋعا ٴتۇسۋ ماسەلەسىن تەز ارادا شەشتى.

  ٴبىر جولى قاريانىڭ كەلىنى قۇرىلىس ورنىندا جۇمىس ىستەپ جاتقاندا توسىننان اۋىرىپ، بالنيتساعا جاتىپ قالادى دا، قاريا قاتتى ابىرجيدى. اسيا حاباردار بولعاننان كەيىن دەرەۋ قىستاق كوميتەتىنە مالىمدەيدى ٴارى حالىق ىستەرى تاراۋىمەن بايلانىس جاساپ، سوڭىندا ونىڭ وتباسىنا ٴبىر ٴبولىم ەمدەلۋ قاراجاتىن ٴوتىنىش ەتىپ شەشىپ بەرەدى. ”جاڭ شەشەي“ اسيانىڭ قولىن قىسىپ تۇرىپ: ”وتباسىمىزعا كومەكتەسكەنىڭە راقىمەت، قىزمەت اترەتىنىڭ ماعان وسىنداي ىزگى قىزدى اكەلىپ بەرگەنىنە راقىمەت“، - دەيدى تەبىرەنە.

  بيىل 3 – ايدا اسيا بۇرىنعى قىزمەت ورنىنا قايتىپ قىزمەت ىستەدى، ٴبىراق ونىڭ ”جاڭ شەشەي“ وتباسىمەن بولعان سۇيىسپەنشىلىگى بۇرىنعىداي جالعاسۋدا. جايشىلىقتا قىزمەت ارەدىگىندە، ول ۋاقىت شىعارىپ، ەگىس الاڭىنا قايتىپ ”جاڭ شەشەيگە“ امانداسا باردى، كەيدە 7 جاستاعى ۇلىن دا بىرگە الىپ باردى. ۇلى مەن ”جاڭ شەشەيدىڭ“ نەمەرە ۇلى جانە نەمەرە قىزىنىڭ جاستارى قارايلاس بولعاندىقتان، بىرنەشە بالا تەز ارادا جاقىن دوسقا اينالدى.

  بىرنەشە كۇننىڭ الدىندا اسيا ۇلىن ەرتىپ ”جاڭ شەشەيگە “ تاعى امانداسا باردى، كەتەرىندە جاڭ شىڭليان بالانى اقىرىن تارتىپ، وعان 100 يۋان اقشا بەرەدى، مۇنى كورگەن اسيا مۇلدە المايدى. ”ونىڭ مەنى قىزىنداي كورگەنىن بىلەمىن، كوڭىلىن قابىل الدىم، اقشانى الۋعا بولمايدى“، - دەدى ول.

  ”ءوز قىزىم گانسۋداعى اتا مەكەندە بولسا دا، شينجياڭدا تاعى ٴبىر قىزىم بار“. جاڭ شىڭليان بىلاي دەدى: ”وسى بىرنەشە جىلدا ول ۇنەمى بىزگە امانداسا كەلىپ، بىزگە كومەكتەستى، ول تۋعان قىزىمنان دا كوپ شارۋا ىستەدى“.

  10 – ايدىڭ 26 – كۇنى كەشتە ٴتىلشى ٴۇرىمجى قالاسىندا ۋاقىتتىق جۇمىس ىستەپ جاتقان ساۋ جۇنتايمەن بايلانىس جاساپ، اسيانى تىلگە العاندا، ول توتەنشە العىس جاۋدىردى. ”شەشەم ۇنەمى تەلەفون شالىپ اسيانى ايتادى، ونىڭ بار ىنتا – پەيىلىمەن وتباسىمىزعا كوڭىل بولگەنىنە جانە كومەكتەسكەنىنە العىس ايتامىز، ونىڭ قارايلاسۋىندا، وسى بىرنەشە جىلدا سىرتتا الاڭسىز جۇمىس ىستەپ، ۋايىمنان ارىلدىم“، - دەدى ول.