ۇلتتار ىنتىماعىنىڭ بەرەكەلى شاڭىراعى丨سەندەر سياقتى ”تۋىس“ بولعانى نەتكەن جاقسى

日期:2021年07月09日
来源:新疆日报
【字体:

  7 – ايدىڭ 5 – كۇنى تاڭەرتەڭ، شيحۋ قالاسى تۋتاي اۋىلى جيدەلى قىستاعىنىڭ تۇرعىنى اقاتاي قۇسايىن ورنىنان تۇرعاننان كەيىن، ەسىك الدىنداعى سەمەنت جەرگە سۋ شاشتى. ” الدىمەن جەردى دىمداپ، سالدەن سوڭ تاڭعى استى ٴىشىپ بولىپ تازالاسام، مۇنشالىق زور شاڭ – توزاڭ بولمايدى “. اقاتاي تەگەنەنى كوتەرە ٴجۇرىپ بىلاي دەدى: ”وتكەن ايدا جاڭالانعاننان كەيىن، اۋلامىز كورىكتەنە ٴتۇستى، جۇبايىم ەكەۋىمىز دە اۋلانى جيناستىرۋعا ٴتىپتى دە پەيىل بولا تۇستىك“.

  اقاتاي بيىل 70 جاستا، وتباسى كىرىسى، باستىسى، 8 مۋ جەردەگى ماقتا اتىزىنا سۇيەنەدى؛ 3 بالاسى تۇگەل باس قۇراپ، سىرت جەردە جۇمىس ىستەگەلى ۇزاق جىل بولعان. اقاتاي مەن ايەلى تۇرسىن ماناسباي ەكەۋى دە جوعارى قان قىسىم اۋرۋىنا شالدىققالى ۇزاق جىل بولعان، ەرلى – زايىپتى ەكەۋى تاعى ناۋقاستانعالى ۇزاق جىل بولعان بالدىزىنا قارايلاسىپ، وتباسىندا ازىراق ەكونوميكالىق قيىنشىلىعى بار.

  جيدەلى قىستاعى – ەگىنشىلىك قىستاعى، تۇتاس قىستاقتا 136 وتباسى 419 ادام، 5873 مۋ ەگىستىك جەر بار، بۇعان تۇگەلدەي ماقتا ەگىلەدى، جان باسىندىق جىلدىق كىرىسى 17100 يۋان. قىستاقتا بىتىراندى قونىستانعان 2 وتباسى قىستاق كوميتەتىنەن ٴبىرشاما الىس، ولاردىڭ ٴبىرى اقاتايدىڭ وتباسى.

  اقاتايدىڭ ۇيىنەن كوز جىبەرسەڭىز توڭىرەگى كەڭ ماقتا اتىزى. ”ٴبىز بۇرىننان وسى ارادا تۇرىپ كەلەمىز، وتە تىنىش بولعانىمەن، وقتا – تەكتە ازىراق جالعىزسىرايمىز“. اقاتاي بىلاي دەدى: ”قازىر ۇقسامايدى، ۇيىمە كەلەتىن ادامدار كوپ“.

  شيحۋ قالاسى شيڭيۋان سۋ ىستەرى شەكتى سەرىكتەستىگى تۋتاي اۋىلدىق سۋمەن قامداۋ قىزمەت وتەۋ ورتالىعىنىڭ ورىنباسار مەڭگەرۋشىسى گۇڭ ۋىنتاۋ اقاتاي وتباسىنىڭ تۇراقتى قوناقتارىنىڭ ٴبىرى. 2018 – جىلى 7 – ايدا اقاتايمەن ”تۋىس“ بولعاننان بەرى، جايشىلىقتا قولى بوساي قالسا بولعانى، گۇڭ ۋىنتاۋ اقاتايدىڭ ۇيىنە كەلىپ، قارتتارعا شاماسى كەلەتىن ىستەردى ىستەپ بەردى.

  بيىل 6 – ايدىڭ باسىنداعى ٴبىر كۇنى گۇڭ ۋىنتاۋ ويدا جوقتا اقتايعا: ”قىزمەت اترەتى ٴۇيىڭىزدى جاڭالاپ بەرمەكشى!“، دەگەن قۋانىشتى حاباردى ايتادى. ٴاسىلى، شيحۋ قالاسى شيڭيۋان سۋ ىستەرى شەكتى سەرىكتەستىگىنىڭ جيدەلى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى اقاتايعا 25 مىڭ يۋان قولعا كەلتىرىپ، اقاتاي وتباسىنىڭ تۇرعىن ٴۇي شارت – جاعدايىن جاڭالاۋعا ارنايى پايدالانباقشى بولعان.

  كوپ وتپەي قىزمەت اترەتى قۇرىلىس اترەتىن باستاپ، اقاتايدىڭ ۇيىنە كەلدى. ”وتباسىڭىزدىڭ جاعدايىن بۇرىننان كوكەيىمىزگە ساقتاپ كەلدىك، گۇڭ ۋىنتاۋ دا كوپ رەت ايتتى. ول ٴسىزدىڭ ’تۋىسىڭىز‘، ٴبارىمىز دە سولاي. قيىنشىلىعىڭىز بولسا، ٴسوزسىز امالىن تاۋىپ شەشەمىز“، - دەدى شيحۋ قالاسى شيڭيۋان سۋ ىستەرى شەكتى سەرىكتەستىگىنىڭ تۋتاي اۋىلى جيدەلى قىستاعىندا تۇراتىن ٴبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاڭ لياڭ.

  قۇرىلىس اترەتى اقاتايدىڭ ٴۇيدى جاڭالاۋ جونىندەگى قاجەتىن تاپتەشتەي ۇعىسقاننان كەيىن، ٴۇيدىڭ باتىسىنداعى ۇساق – تۇيەك زاتتار قوياتىن ٴۇيدى جازدا تاماق جاساۋعا، سالقىنداۋعا، قىستا زات ساقتاۋعا بولاتىن فۋنكتسيالىق اۋاشا ٴۇي ەتىپ وزگەرتتى، ەكى نەگىزگى ۇيگە سۋ وتپەيتىن توبە جاتقىزىپ، سىرتقى تامىن بەكەمدەپ جانە اقتاپ، اۋلانىڭ جەرىنە سەمەنت جاتقىزدى.

  قىزمەت اترەتى ايدىڭ باسىنان ايدىڭ سوڭىنا دەيىن قاربالاستىققا ٴتۇستى، جاڭ لياڭ مەن قىزمەت اترەتىنىڭ مۇشەلەرى دە اۋىق – اۋىق كەلىپ، قۇرىلىستىڭ اياق الىسىن كورىپ تۇردى. ٴۇيىنىڭ بەينەسىنىڭ كۇننەن – كۇنگە وزگەرگەنىن كورگەن اقاتاي ىشتەي ەرەكشە العىس جاۋدىردى.

  7 – ايدىڭ 1 - كۇنى اقاتاي شىت جاڭا بەينەگە ەنگەن اۋلادا كوپشىلىككە قاربىز ٴتىلىپ بەرە ٴجۇرىپ، قۋانىشتى تۇردە: ”سەندەر سياقتى ’تۋىس‘ بولعانى نەتكەن جاقسى“، - دەدى.