بولماشى قامقورلىق جۇرت جۇرەگىن جىلىتتى

日期:2021年08月08日
来源:新疆日报
【字体:

  ”شەشەم اپتا سوڭىندا باس قوسايىق دەدى، سول شاقتا كەلىن ەكەۋلەرىڭ ەرتەرەك كەلەرسىڭدەر“. ”بولادى، مەن دە شەشەم جاساعان پالاۋدى جەگىم كەلدى“. 7 - ايدىڭ 21 - كۇنى تۇستە قارامايلى قالاسى ورتالىق شيپاحانا پاتولوگيا ءبولىمىنىڭ شيپاگەرى كاميلا كۇرەسجان مەن قىزمەتتەسى لي يۇيپىڭ تۇسكى اسقا بارار جولدا جول - جونەكەي شۇيىركەلەستى.

  قارامايلى قالاسى ورتالىق شيپاحاناسىنداعى كاميلا مەن لي يۇيپىڭ اپەكەلى - ءىنىلى ەكەۋىنىڭ ءبىر ءۇيلى جاندارداي بولعان حيكاياسىن كوپشىلىك سۇيىنىشپەن اڭگىمەلەيدى.

  2016 - جىلى جاپونيانىڭ ناگويا ونەركاسىپ داشۋەسىنەن وقۋ تاۋىسقان ماگيستر اسپيرانت كاميلا وتانعا ۇلەس قوسۋ ىنتاسىمەن شينجياڭعا ورالىپ، قارامايلى قالاسى ورتالىق شيپاحاناسى پاتولوگيا ءبولىمىنىڭ شيپاگەرى بولادى. سول جىلى گانسۋ مەديتسينا شۋەيۋانى كلەنيكا كاسىبىنەن وقۋ تاۋىسقان لي يۇيپىڭ دە قارامايلى قالاسى ورتالىق شيپاحاناسىنا كەلىپ قىزمەت ىستەيدى.

  ءوزىنىڭ ىنىسىمەن جاس - تۇرقى شامالاس لي يۇيپيڭدى كورگەن كاميلا ۇنەمى ونىڭ حال - جايىن ۇعىسىپ تۇرادى. اپتا سوڭىنداعى دەمالىس ۋاقىتىندا كاميلا لي يۇيپىڭدى ۇيىنە قوناق بولۋعا شاقىرادى، ەسىكتەن كىرىسىمەن ول ۇيىندەگىلەرگە: ”بۇل شياۋلي، قىزمەتتەسىم ءارى مەنىڭ جاقسى ءىنىم“، - دەپ تانىستىرادى. كاميلانىڭ ءىنىسى ءىليار كۇرەسجان لي يۇيپىڭنىڭ قولىنان ۇستاپ تۇرىپ: ”مەنەن ءبىر جاس كىشى ەكەنسىڭ، مەنىڭ دە ءىنىم بولاسىڭ، بۇدان بىلاي بۇل ءۇي سەنىڭ شينجياڭداعى ءۇيىڭ“ دەيدى ىقىلاس تانىتا. قاراپايىم دا شىنايى لەبىزدەر لي يۇيپىڭنىڭ جۇرەگىن جىلىتۋمەن بىرگە، اراداعى قاشىقتىقتى ءتىپتى دە جاقىنداستىرا ءتۇستى.

  2019 - جىلى 1 - ايدا لي يۇيپىڭ باس قۇراۋ قامىنا كىرىسەدى. سول كەزدە كاميلا جۇكتى بولسا دا جۇمىستارىنا قارايلاسىپ، بارلىق ءىستى جان - جاقتى ويلاستىردى. لي يۇيپىڭ ونىڭ شارشاپ قالۋىنان الاڭداپ وعان كوبىرەك دەمالۋدى ايتقاندا، ول: ”مەن اپەكەڭمىن، باس قۇراۋ ۇلكەن ءىس، نەگە كومەكتەسپەسكە؟“، - دەدى كۇلىمسىرەي.

  توي كۇنى توي مۋزيكاسى باستالىسىمەن كاميلا مەن وتباسىنداعىلار جىگىت جاقتىڭ تۋىستارى سالاۋاتىمەن باقىتتى ساتتەرگە كۋا بولدى. لي يۇيپىڭ مەن جاس كەلىن قول ۇستاسا الدىنا كەلگەندە، جانارىنا باقىت جاسى تولعان كاميلا تەبىرەنە بىلاي دەدى: ”سەندەرگە باقىت تىلەيمىن، ءبىز سەندەردىڭ مىعىم تىرەگىڭبىز، ماڭگى سەندەردىڭ قاستارىڭدا بولامىز“. جۇرەك جىلىتار سوزدەر لي يۇيپىڭدى قاتتى تەبىرەنتتى، سونداي - اق تويعا كەلگەن قوناقتاردى دا تولقىتتى.

  كاميلانىڭ شەشەسى ميھىرگۇل جاپار قول تەلوفونىنا لي يۇيپىڭنىڭ تەلەفون ءنومىرىن ”3 - بالام“ دەپ كىرگىزگەن. ”قازىر وتباسىمىزدا 3 بالا بار، بالالاردىڭ بارلىعى ءوز الدىنا شاڭىراق كوتەردى، شاعىن وتباسىلاردىڭ ءبىر اراعا جيىلۋى باقىتتى ۇلكەن وتباسىن قۇرايدى، شەشەلەرى بولعان مەنىڭ قۋانىشىمدا شەك جوق“، - دەدى ميھىرگۇل قۋانا.