اۋىل شارۋاشىلىعى، اۋىل – قىستاق مينيسترلىگى: ىندەت كەزىندەگى قاتەرى جوعارى رايوندارداعى مال شارۋاشىلىق ونىمدەرىنىڭ تۇراقتى ٶندىرىلۋىن قامتاماسىزداندىرۋ قىزمەتىن جاقسى ىستەۋ كەرەك

日期:2021年01月20日
来源:人民网
【字体:

  1 - ايدىڭ 19 – كۇنى اۋىل شارۋاشىلىعى، اۋىل – قىستاق مينيسترلىگى توراپ بەكەتىنىڭ حابارىنا قاراعاندا، 1 – ايدىڭ 19 – كۇنى اۋىل شارۋاشىلىعى، اۋىل – قىستاق مينيسترلىگىنىڭ كەڭسە مەڭگەرمەسى «جاڭا تيپتى ايدارشا ۆيرۋس وكپە قابىنۋ ىندەتى كەزىندەگى قاتەرلى وڭىرلەردە حايۋاناتتاردىڭ ىندەتتەن ساقتانۋ جانە مال شارۋاشىلىق ونىمدەرىنىڭ تۇراقتى ٶندىرىلۋىن قامتاماسىزداندىرۋ قىزمەتىن ويداعىداي ىستەۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى. «ۇقتىرۋدا» مىنالار دارىپتەلدى: جەر - جەردەگى اۋىل شارۋاشىلىق، اۋىل - قىستاق تاراۋلارى جاڭا تيپتى ايدارشا ۆيرۋس وكپە قابىنۋ ىندەتىنىڭ الدىن الۋ جانە ونى تىزگىندەۋ مەزگىلىندەگى مال شارۋاشىلىق ونىمدەرىن تۇراقتى ٶندىرۋدى قامتاماسىزداندىرۋ قىزمەتىن وسكەلەڭ ساياسي جاۋاپكەرشىلىكپەن جاقسى ىستەۋ كەرەك، ورتا، جوعارى حاۋىپ - قاتەرى بار رايونداردىڭ اۋىل شارۋاشىلىعى، اۋىل - قىستاق تاراۋلارى جەرگىلىكتى جاعدايعا نەگىزدەلىپ ەگجەي - تەگجەيلى قىزمەت جوباسىن جاساپ شىعىپ، ءتۇرلى جاۋاپكەرشىلىك شارالارىن تياناقتاندىرىپ، ىندەتكە شالدىققان قىستاقتاردى، فەرمالاردى، وتباسىلارىن كوتەرمەگە الۋدى باسقارۋدى كۇشەيتىپ، ءبىرتۇتاس جوسپارلاپ سايكەستىرۋدى كۇشەيتۋ كەرەك، باعىمشىلىق فەرمالارىنداعى وتباسىلارىنا كومەكتەسىپ، ءوندىرىس بارىسىندا كەزىككەن قيىنشىلىقتار مەن ماسەلەلەردى ويداعىداي شەشىپ، مال شارۋاشىلىعىنىڭ ورنىقتى، ءتارتىپتى دامۋىن جەبەۋ كەرەك.

  «ۇقتىرۋدا» مىنالار اتاپ كورسەتىلدى: تاياۋدا حىبەي، جيلين، حيلۇڭجياڭ سياقتى جەرلەردىڭ اۋىل - قىستاقتارىندا نەمەسە قالا مەن اۋىلدىڭ ۇشتاسقان وڭىرلەرىندە جاڭا تيپتى ايدارشا ۆيرۋس وكپە قابىنۋ ىندەتى جارىققا شىقتى، كەيبىر باعىمشىلىق الاڭدارىنداعى وتباسىلاردىڭ ءوندىرىس - تيجارات قيىنشىلىعى كورنەكتى بولدى. جەر – جەردەگى اۋىل شارۋاشىلىق، اۋىل - قىستاق تاراۋلارى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ورنالاستىرۋى جانە تالابى بويىنشا، جەرگىلىكتى ۇكىمەتتىڭ باسشىلىعىندا، ورتا، جوعارى حاۋىپ - قاتەر رايوندارىنداعى حايۋاناتتاردىڭ ىندەتتەن ساقتانۋ - تىزگىندەۋ جانە مال شارۋاشىلىق ءوندىرىسى قىزمەتىن ءبىرتۇتاس جوسپارلاپ ويداعىداي ىستەپ، مال شارۋاشىلىق ونىمدەرى بازارىمەن قامداۋعا شىنايى كەپىلدىك ەتۋ كەرەك.

  «ۇقتىرۋدا» مىنالار تالاپ ەتىلدى: ورتا، جوعارى حاۋىپ قاتەرى بار رايونداردا ىندەت بايقالعان قىستاقتار جاڭا تيپتى ايدارشا ۆيرۋس وكپە قابىنۋ ىندەتىنىڭ الدىن الۋ جانە ونى تىزگىندەۋ العى شارتىندا، نۋكلەين قىشقىلىن تەكسەرۋدە بولىمسىز بولعان ادامداردى ورنالاستىرىپ، مال، قۇس باعىمشىلىعى جانە حايۋاناتتاردى ىندەتتەن ساقتاندىرۋ قىزمەتىن جاقسى ىستەۋ كەرەك، باسقا ادامداردىڭ ءوندىرىس رايونىنا نەمەسە مال قوراسىنا كىرۋىنە بولمايدى، مال، قۇستى جابىق باعىپ - باسقارۋ كەرەك. حايۋاناتتارداعى ىندەت جاعدايىن باقىلاۋ - تەكسەرۋ، ءماجبۇري يممۋنيتەتتەندىرۋ، اۋىرىپ ولگەن مال، قۇستى زالالسىزداندىرۋ، مال، قۇس جانە ونىڭ ونىمدەرىن تاسىمالدايتىن كولىكتەردى باسقارۋ جانە ديزەنفەكسيالاۋ سياقتى شارالاردى تياناقتاندىرۋ، ىندەت بايقالعان قىستاقتاعى مال، قۇس باعىمشىلىق ورىندارىن جاپپاي ديزەنفەكسيالاۋدى ءتۇيىندى كۇشەيتۋ كەرەك. ءتول، بالاپان جانە ءناسىلدى مال - قۇس، جەم، حايۋاناتتار ءدارىسى قاتارلى ءوندىرىس قۇرال - جابدىقتارىنىڭ زات اينالىمى ىركىلىسسىزدىگىنە كەپىلدىك ەتىپ، قورادان شىعارىلعان مال، قۇس جانە ەت، جۇمىرتقا، ءسۇت ونىمدەرىن ىندەتتەن ساقتانۋ جانە ونى تىزگىندەۋ كەزىندەگى تۇرمىستىق قامتاماسىزداندىرۋ كولەمىنە ەنگىزۋ كەرەك. ورتا، جوعارى حاۋىپ - قاتەرى بار رايوندارداعى قورادان شىققان مال، قۇستى كارەنتيندەۋ تولىمدىلىعى بويىنشا «تۇيىننەن تۇيىنگە» جوتكەۋدى جولعا قويۋ كەرەك.

http://kazakh.people.com.cn/15835734.html