ۋاڭ يۇڭ ءدارى ـ دارمەكتى باقىلاۋ ـ باسقارۋ قىزمەتىنە تەكسەرۋ ـ زەرتتەۋ جۇرگىزگەندە

ىندەتتىڭ الدىن الۋ جالپى جاعدايىنا بار كۇشپەن قىزمەت وتەپ، حالىقتىڭ ءومىرى مەن دەنساۋلىعىن قورعاۋ كەرەك

日期:2021年01月20日
来源:人民网
【字体:

  شينحۋا اگەنتتىگىنىڭ 1 – ايدىڭ 19 – كۇنى بەيجيڭنەن بەرگەن حابارى. مەملەكەتتىك كەڭەستىڭ مۇشەسى ۋاڭ يۇڭ 1 – ايدىڭ 19 – كۇنى بەيجيڭدە ءدارى ـ دارمەكتى باقىلاۋ ـ باسقارۋ قىزمەتىنە تەكسەرۋ ـ زەرتتەۋ جۇرگىزدى، ول مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 ـ كەزەكتى ورتالىق كوميتەتىنىڭ بەسىنشى جالپى ءماجىلىسى مەن ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭ العا قويعان «تورتتە ەڭ قاتاڭ بولۋ» تالابىن باتىل تياناقتاندىرىپ، ءدارى - دارمەكتى باقىلاۋ - باسقارۋ رەفورماسىن ونان ارى تەرەڭدەتىپ، باقىلاۋ - باسقارۋ جۇيەسى مەن قابىلەت قۇرىلىسىن ىلگەرىلەتىپ، ءدارى ـ دارمەك سالاسىندا جاڭالىق اشا دامۋدى ىلگەرىلەتىپ، حالىقتىڭ باس اماندىعى مەن دەنساۋلىعىن بار كۇشپەن قورعاۋ كەرەك.

  1 – ايدىڭ 19 – كۇنى، ۋاڭ يۇڭ مەملەكەتتىك ءدارى ـ دارمەك باقىلاۋ ـ باسقارۋ مەكەمەسىنىڭ ەمدەۋ جابدىقتارى تەحنيكاسىن تەكسەرۋ ـ باعالاۋ ورتالىعىنا، ازىق ـ تۇلىك، ءدارى ـ دارمەك تەكسەرۋ ـ زەرتتەۋ ورتالىعىنا بارىپ، تەكسەرۋ ـ زەرتتەۋ جۇرگىزىپ، ەمدەۋ اسپاپتارىن تەكسەرىپ ـ باعالاۋ، تەكسەرىپ بەكىتۋ، جاڭا تيپتى ايدارشا ۆيرۋسىن تەكسەرۋ سىناق ءدارىسى تەحنيكاسىن تەكسەرۋ ـ باعالاۋ، ءدارى ـ دارمەك، ۆاكسينالاردى شۇعىل تەكسەرىپ ـ بەكىتۋدى باقىلاۋ ـ باسقارۋ جانە تەكسەرۋشىلەر قوسىنى قۇرىلىسى سياقتى جاعدايلاردى ىشكەرىلەي ۇعىستى. ول مىنالاردى اتاپ كورسەتتى: مەملەكەت بويىنشا ءدارى - دارمەك باقىلاۋ - باسقارۋ جۇيەسى ىندەتتەن ساقتانۋ جانە ونى تىزگىندەۋ قىزمەتىندە ماڭىزدى رول اتقاردى، شۇعىل قاجەت بولعان ۆاكسينا، ءدارى - دارمەك، ەمدەۋ اسپاپتارىن تەكسەرىپ - بەكىتۋ جانە باسقارۋعا قىزمەت وتەۋدى جالعاستى بوساڭسىتپاي جاقسى ىستەپ، بازارعا شىعارىلعان ۆاكسينالاردىڭ، ءدارى - دارمەكتەردىڭ، ەمدەۋ جابدىقتارىنىڭ ساپا حاۋىپسىزدىگىن باقىلاۋ - باسقارۋدى كۇشەيتىپ، ىندەتتەن ساقتانۋ جانە ونى تىزگىندەۋدى اناعۇرلىم پارمەندى قامتاماسىزداندىرۋ كەرەك.

  ۋاڭ يۇڭ بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋى بويىنشا، جاڭا دامۋ ساتىسىن تياناق ەتىپ، جاڭا دامۋ يدەياسىن دايەكتىلەندىرۋ، جاڭا دامۋ جۇيەسىن ورناتۋعا بەلسەنە قىزمەت وتەپ، تەكسەرىپ باعالاۋ، تەكسەرىپ بەكىتۋ ءتارتىبى رەفورماسىن ىشكەرىلەي تەرەڭدەتۋ كەرەك، عىلىمي، جوعارى ءونىمدى ءدارى - دارمەك باقىلاۋ - باسقارۋ ءتۇزىمى جۇيەسىن اقاۋسىزداندىرۋدى تەزدەتۋ كەرەك، زەرتتەپ اشۋعا، جاڭالىق اشۋعا بەلسەنە دەم بەرىپ، ءدارى ـ دارمەك كاسىبىنىڭ ءۇرتىس، اقاۋسىز، جوعارى ساپالى دامۋىن ىلگەرىلەتىپ، حالىقتىڭ كۇن سايىن ارتىپ وتىرعان دەنساۋلىق قاجەتىن اناعۇرلىم ويداعىداي قاناعاتتاندىرۋ كەرەك. دامۋ مەن حاۋىپسىزدىكتى ءبىرتۇتاس جوسپارلاپ، ۆاكسينا سياقتى حاۋىپ - قاتەرى جوعارى ونىمدەردىڭ ساپا حاۋىپسىزدىگىن باقىلاۋ - باسقارۋدى شىنايى كۇشەيتىپ، زاڭعا، ەرەجەگە قايشى ارەكەتتەردى زاڭ بويىنشا جازالاپ، ءدارى - دارمەكتىڭ زەرتتەپ جاساۋدان بازارعا شىعارعانعا دەيىنگى تۇتاس تىرشىلىك پەريودى حاۋىپ - قاتەرىن باسقارۋعا شىنايى كەپىلدىك ەتۋ كەرەك. ءدارى - دارمەك تەكسەرۋشىلەر قوسىنىن ءتۇرلى جولدارمەن تولىقتاپ، تاربيەلەۋ ۇلگىسىندە جاڭالىق اشىپ، قابىلەت ورەسىن جوعارىلاتىپ، جوعارى ساپالى ماماندانعان ءدارى - دارمەك تەكسەرۋشىلەر قوسىنىن قۇرۋدى تەزدەتىپ، ءدارى ـ دارمەكتى باقىلاۋ ـ باسقارۋدى كۇشەيتىپ، ءدارى ـ دارمەك حاۋىپسىزدىگىن قامتاماسىز ەتۋ ءۇشىن پارمەندى تىرەك ازىرلەپ، ءدارى ـ دارمەكتى باقىلاۋ ـ باسقارۋ جۇيەسى مەن باقىلاۋ ـ باسقارۋ قابىلەتىن وسىزامانداندىرۋ دەڭگەيىن شىن مانىندە جوعارىلاتۋ كەرەك.

ۋاڭ يۇڭ ءدارى ـ دارمەكتى باقىلاۋ ـ باسقارۋ قىزمەتىنە تەكسەرۋ ـ زەرتتەۋ جۇرگىزگەندە