سانجى قالالىق حالىق ۇكىمەتى پارتيا باسشىلىق گرۋپپاسىنىڭ مۇشەسى، قالانىڭ ورىنباسار باستىعى
احمەتجان ابىلەز
مەن پارتيانىڭ شۇلەن شۇعىلاسىندا ەرجەتتىم، نەگىزگى ساتىدان بىرتىندەپ قازىرگى قىزمەت ورنىما جەتتىم. پارتيانىڭ باۋلۋى مەن تاربيەسى بولماسا، پارتيانىڭ ابزال ساياساتى بولماسا، مەنىڭ بۇگىنگى كۇنىم دە بولماس ەدى.
كادرلار قوسىنىنداعى كەيبىر ادامدار پارتيا ۇيىمىنىڭ تالاي جىلدىق تاربيەسىن، باۋلۋىن جانە قامقورلىعىن قاستەرلەمەي، كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاعىپ، «ەكىبەتكەيلەرگە» اينالدى. ولاردىڭ كەيبىرى داشۋە وقىپ، پارتيا مەكتەبىندە ۇيرەنىپ، ماڭىزدى قىزمەتتەر اتقارسا دا العىس تانىمىنان جانە وتانشىلدىق تانىمىنان جۇرداي بولدى، ولاردىڭ يدەياسىنىڭ تەرەڭ تۇكپىرى سۇرقيالىققا، قاراڭعىلىققا، ۇشقارىلىققا، كەرتارتپاشىلىققا تولدى. ولار اۋىز جۇزىندە بولشەكتەۋشىلىككە قارسى تۇراتىنىن بىلدىرسە، كومەسكىدە «ءۇش ءتۇرلى كۇشتىڭ» قولتىعىنا كىرىپ، ولارمەن ءوزارا استاسىپ، ءتىل بىرىكتىردى، ولار «ءۇش ءتۇرلى كۇشتىڭ» قولشوقپارى جانە پەردە ارتىنداعى قاراقولى.
پارتيالى كادر رەتىندە، مەن مۇرات - سەنىمدى بەكەمدەۋدى ءوزىن الۋەتتەندىرىپ، جۇمىس تىندىرۋدىڭ نەگىزى ەتىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، بولشەكتەۋشىلىككە قارسى كۇرەستىڭ ءبىرىنشى شەبىندە سانالىلىقپەن اتويلاپ، پارتياعا ادال، تۇرعىم بەرىك، ساياسيدا قىراعى بولىپ، باتىلدىقپەن جاۋاپكەرشىلىك ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن شىنايى تياناقتاندىرىپ، بولشەكتەۋشىلىككە قارسى تۇرۋ، ورنىقتىلىقتى قورعاۋ سياقتى ۇلكەن دۇرىس پەن ۇلكەن بۇرىس ماسەلەسىندە پارتيانىڭ ساياسي ءتارتىبى مەن ساياسي قاعيداسىن قاتاڭ ساقتاپ، «ءۇش ءتۇرلى كۇشكە»، «ەكىبەتكەيلەرگە» قارسى كۇرەستە اتويلاپ الدا ءجۇرىپ، ونەگە بولامىن.
تۋىم ايقىن تۇردە ساياسيدى دارىپتەيمىن. مەن قاي - قاشان دا باس نىسانانى تۋ جانە باعدار ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» ويداعىداي جۇرگىزىپ، بارلىق قىزمەتتى باس نىسانانى ارقاۋ ەتە وتىرىپ ورىستەتىپ، جوسپارلاپ، ىلگەرىلەتىپ، باس نىسانانى جۇزەگە اسىرۋ شارالارىن بۇلجىتپاي جاقسى دايەكتىلەندىرەمىن، تياناقتاندىرامىن. وقۋ - اعارتۋ قىزمەتىن باسقاراتىن پارتيالى كادر رەتىندە، مەن جاۋاپكەرشىلىك سەزىمىن جانە بورىشتىلىق سەزىمىن اناعۇرلىم كۇشەيتىپ، وقۋ - اعارتۋ شەبىن باتىل قورعاپ، ءدىني ۇشقارى يدەيانىڭ مەكتەپ اۋلاسىنا سىنالاپ كىرۋىن قاتاڭ تەجەپ، ساباقحانانى ويداعىداي باسقارىپ، وقۋلىقتى ويداعىداي باسقارىپ، ينتەرنەتتى ويداعىداي باسقارىپ، وقۋ - اعارتۋ جۇيەسىندەگى «ەكىبەتكەيلەردى» ءتۇپ تامىرىمەن قوپارىپ، ادا - كۇدە الاستاپ، مەكتەپتى شىن مانىندە جۇڭگوشا سوتسياليزمنىڭ تولىمدى قۇرىلىسشىلارىن جانە سەنىمدى ءىزباسارلارىن جەتىلدىرەتىن قۋاتتى بازاعا اينالدىرامىن.
جاۋاپكەرشىلىك ارقالاپ، ءىس تىندىرىپ، تياناقتاندىرۋدى يگەرەمىن. مەن اۆتونوميالى رايوندىق پارتكومنىڭ ورنالاستىرۋىنا ساي، يدەيانى اناعۇرلىم بىرلىككە كەلتىرىپ، نىسانانى ايقىنداپ، قىزمەتتى تياناقتاندىرۋدى مىقتاپ يگەرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىنىڭ» وقۋ - اعارتۋ شەبىندە تەرەڭ تامىر تارتىپ تياناقتانۋىنا كەپىلدىك ەتەمىن. قالىڭ وقىتۋشى - وقۋشىلار اراسىندا ۇشقارىلىقتى الاستاۋ ۇگىت - تاربيەسىن، پارتيانىڭ ۇلت، ءدىن ساياساتى ۇگىت - لەكسياسىن ىشكەرىلەي ورىستەتىپ، قوعام ورنىقتىلىعى مەن باياندى تىنىشتىقتىڭ يدەيالىق نەگىزىن بەكەمدەيمىن.
ءىشى - سىرتىم قاي - قاشان دا بىردەي بولامىن. مەيلى قاي ۋاقىتتا، قاي جەردە بولسىن، مەن قاي - قاشان دا پارتياعا ادال، حالىققا ادال، پارتيانىڭ وقۋ - اعارتۋ ىستەرىنە ادال بولامىن. قانداي جاعدايدا دا ساياسي سەنىمدى وزگەرتپەي، ساياسي تۇرعىدان اينىماي، ساياسي باعداردان اۋىتقىماي، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن. «ءۇش ءتۇرلى كۇشكە»، «ەكىبەتكەيلەرگە» قارسى باتىل سايىس جاريالاپ، باستان - اياق ءسوز - ارەكەتىم بىردەي، ءىشى - سىرتىم بىردەي بولىپ، ءىس جۇزىندىك ارەكەتىممەن وتان تۇتاستىعىن قورعايمىن، ۇلتتار ىنتىماعىن قورعايمىن، قوعام ورنىقتىلىعىن قورعايمىن.
ىنتىماقتى قورعاۋدىڭ ۇلگىسى بولامىن. ۇلتتار ىنتىماعىن كوز قاراشىعىمداي ايالاپ، ومىرىمدەي قاستەرلەيمىن. مەن ورتا، باستاۋىش مەكتەپ وقۋشىلارىنىڭ ۇلتتار ىنتىماعى تاربيەسىن باستاماشىلدىقپەن ويداعىداي يگەرىپ، ۇلتتار ىنتىماعىنىڭ ۇرىعىنءار ۇلت بالالارىنىڭ كوڭىل تۇكپىرىنە سەۋىپ، تامىر تارتقىزىپ، بۇرلەتىپ، وركەن جايعىزامىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ويداعىداي ورىستەتىپ، دوستىقتى ۇزدىكسىز تەرەڭدەتىپ، سۇيىسپەنشىلىكتى نىعايتىپ، ۇلتتار ىنتىماعىنىڭ گۇلىن قۇلپىرتامىن.
