اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەسى، باس حاتشى
تۇرسىنجان ءالي
باس شۋجي شي جينپيڭ بىلاي دەپ اتاپ كورسەتتى: «پارتياعا شارتسىز ادال بولۋدىڭ ءتۇيىنى <شارتسىز> دەگەن سوزدە، بۇل بىردەن - ءبىر، تۇبەگەيلى، شارتسىز، ەشقانداي قوسپاسىز، ەشقانداي جالعاندىق ارالاسپاعان ادالدىق». پارتياعا شارتسىز ادال بولۋ پارتيا مۇشەلەرىنە قويىلعان ءتۇبىرلى ساياسي تالاپ، ءار ۇلت پارتيالى كادرلارىنا قويىلعان ماڭداي الدى تالاپ، پارتيالى كادرلاردىڭ ءتۇبىرلى قاسيەتى جانە ماڭداي الدى ساياسي ءمورالى. تۇبىرىنەن الىپ ايتقاندا، كوممۋنيستەر ادالدىقتى دارىپتەگەندە پارتيا مەن حالىقتىڭ ىسىنە بۇكىل ءومىرىن ارناۋى كەرەك. پارتياعا ادال بولۋ ابستراكت ەمەس، قايتا ناقتى، ءارقانداي كەزدە، ءارقانداي جاعدايدا «ءتورت تانىمدى» مىقتاپ ورناتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنە شارتسىز ادال بولۋدى شىن مانىندە ءىس جۇزىندىك قىزمەت بارىسىندا دايەكتىلەندىرىپ، ناقتى ارەكەتتە ايگىلەۋ كەرەك.
قازىر شينجياڭ «ءۇش مەزگىل قاباتتاسقان» قاتاڭ جاعدايعا ءدوپ كەلىپ وتىر، «ءۇش ءتۇرلى كۇش» ۇلتتى جەلەۋ ەتىپ، ءدىن تونىن جامىلىپ، وتاندى بولشەكتەۋدى ماقسات، زورلىقتى كۇش لاڭكەستىكتى ءتاسىل ەتىپ، شينجياڭ تاريحىن قالاعانىنشا بۇرمالاپ، ءدىني ۇشقارى يدەيانى ۋاعىزداپ، زورلىقتى كۇش لاڭكەستىك دەلولارىن تۋدىرىپ، ءار ۇلت حالقىنىڭ باس اماندىعى مەن مال - مۇلىك حاۋىپسىزدىگىنە اۋىر زيان تۋدىرىپ، شينجياڭنىڭ قوعام ورنىقتىلىعى مەن باياندى تىنىشتىعىنا اۋىر ىقپال جەتكىزدى. كوممۋنيستىك پارتيا مۇشەسىنىڭ ءوزىن پارتياعا، وتانعا ارناۋى، پارتيانىڭ، وتاننىڭ ءۇمىتىن اقتاۋى، پارتياعا شىنايى ىزگى بولۋى، پارتياعا ادال بولۋى «ءۇش ءتۇرلى كۇشپەن» جانە «ەكىبەتكەيلەرمەن» كۇرەس جاساۋ بارىسىندا ءبىرىنشى شەپكە اتويلاي العان - الماعاندىعىنان، سوڭىنا دەيىن قاندى شايقاس جۇرگىزە العان - الماعاندىعىنان ايگىلەنۋى كەرەك.
ءبىز مىنانى ايقىن تانۋىمىز كەرەك: ءبىزدىڭ وتانىمىز− جۇڭحۋا حالىق رەسپۋبليكاسى، ۇيعۇر ۇلتى − جۇڭحۋا ۇلتى ۇلى شاڭىراعىنىڭ ءبىر مۇشەسى، جۇڭگو كوممۋنيستىك پارتياسى بولماسا، ءار ۇلت حالقىنىڭ باقىتتى تۇرمىسى بولماق ەمەس. ادامگەرشىلىگى بار ءاربىر ادام بىزگە باقىتتى تۇرمىس جاراتىپ بەرگەن جۇڭگو كوممۋنيستىك پارتياسى، ۇلى وتان، ماڭگى «ءۇش ءتۇرلى كۇش» پەن «ەكىبەتكەيلەر» ەمەس دەپ ءوزىن - ءوزى شىنايى ساراپقا سالۋى كەرەك. ءار ۇلت كادرلارى مەن بۇقاراسى «ءۇش ءتۇرلى كۇشتىڭ» سۇرقيا كەيىپ - كەسپىرىن باتىلدىقپەن اشكەرەلەۋى، اعا - باۋىر، اپەكە - سىڭلىلەرىمىزدى ولاردىڭ قۇرباندىعىنا اينالدىرماۋىمىز، ۇرپاقتارىمىزدى قاراپ وتىرىپ قارا تۇنەك تەرىس جولعا تۇسىرمەۋىمىز، بارسا كەلمەس جولعا جىبەرمەۋىمىز كەرەك. ءبىز تۋىمىز ايقىن، تۇرعىمىز بەرىك تۇردە ءار ۇلت بۇقاراسىنا قاعيدانى ءتۇسىندىرۋىمىز، ناقتى ءىستى ۇعىندىرۋىمىز، «ءۇش ءتۇرلى كۇشتىڭ» زيانىن ءتۇسىندىرۋىمىز، پارتياعا، وتانعا نە ءۇشىن العىس ايتۋىمىز كەرەكتىگىن ايقىن ءتۇسىندىرۋىمىز كەرەك.
پارتياعا شارتسىز ادال بولۋدا، ءسوز جوق، ساياسيدا تاباندى، بەكەم بولۋىمىز كەرەك. پارتياعا شارتسىز ادال بولۋدا تەك جاي عانا العىس سەزىمدە بولۋ ماڭگى جەتپەيدى، ءسوز جوق، مۇرات - سەنىمدى بەكەمدەۋ كەرەك. كوممۋنيزمگە نانىم، ماركسيزم مەن جۇڭگوشا سوتسياليزمگە سەنىم − كوممۋنيستەردىڭ ساياسي جان جۇيكەسى، كوممۋنيستەردىڭ كوڭىل كۇي تياناعىنىڭ ءتۇپ نەگىزى. جاڭا داۋىردە «ەكىنى قورعاۋدى» باتىل ورىنداۋ ەڭ زور ساياسي، ەڭ ماڭىزدى ءتارتىپ جانە ساياسي قاعيدا بولىپ تابىلادى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن، باتىلدىقپەن دايەكتىلەندىرۋ، تياناقتاندىرۋ شينجياڭداعى بارلىق پارتيالى كادرلاردىڭ ەڭ ماڭىزدى ساياسي مىندەتى جانە ساياسي بورىشى. پارتياعا شارتسىز ادال بولۋدا يدەيادا باستان - اياق شارتسىز كىرشىكسىز بولۋ، سەنىمدە شارتسىز باتىل بولۋ، ساياسيدا شارتسىز سەرگەك بولۋ، باستان - اياق ساياسيدا اڭعارلى ادام بولۋ، پارتيالىلىق پرينسيپتىڭ قورعاۋشىسى، پارتياعا ادال بولۋدىڭ امالياتتا ايگىلەۋشىسى بولۋ كەرەك.
پارتياعا شارتسىز ادال بولۋدا، ءسوز جوق، جاۋاپكەرشىلىكتى باتىلدىقپەن ارقالاپ، باتىلدىقپەن كۇرەس جاساۋ كەرەك. پارتياعا شارتسىز ادال بولۋدىڭ كورنەكتى بەلگىسى بورىش، جاۋاپكەرشىلىك ارقالاۋدا، «ءۇش ءتۇرلى كۇشپەن» جانە «ەكىبەتكەيلەرمەن» كۇرەس جۇرگىزۋگە باتىل بولۋدا. پارتيالى كادر رەتىندە، پارتياعا ادال بولۋدا شەشۋشى ساتتە قاسقايا العا شىعىپ، اتويلاپ الدا ءجۇرىپ، مۇرات پەن سەنىمدى ادالدىقپەن قورعاپ، ارەكەت ارقىلى، اۋەلى، ءومىرىن قۇربان ەتۋ ارقىلى پارتياعا كىرگەندەگى سەرتىن ايگىلەپ، ۇلتتار ىنتىماعى مەن قوعام ورنىقتىلىعىن بۇلدىرگەن ءسوز - ارەكەت اتاۋلىنىڭ بارىمەن باتىل كۇرەسۋ كەرەك. باتىلدىقپەن باستاماشى بولىپ، ءبىرىنشى شەپتە اتويلاپ، «ءۇش ءتۇرلى كۇشپەن» جانە ەكىبەتكەيلەرمەن سوڭىنا دەيىن قاندى شايقاس جۇرگىزىپ، ءىس جۇزىندىك ارەكەت ارقىلى شينجياڭنىڭ جاراسىمدىلىعىن، ورنىقتىلىعىن جانە بۇقارانىڭ تىنىشتىعىن قورعاۋ كەرەك.
پارتياعا شارتسىز ادال بولۋدا، ءسوز جوق، قابىلەتى مىعىم، ستيلى تاماشا بولۋ كەرەك. پارتيا مەن حالىق جۇكتەگەن تىڭ بورىشتى، تىڭ مىندەتتى ارقالاۋءۇشىن ءبىز، ءسوز جوق، مىعىم دارىن جانە ەرەن قابىلەت جەتىلدىرۋىمىز كەرەك. سوندىقتان ۇيرەنۋ مەن امالياتتى اناعۇرلىم كۇشەيتۋىمىز، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋىمىز، تەرەڭدەي ۇيرەنىپ، جەتە ءتۇسىنىپ، تولىق مەڭگەرۋىمىز، ماركسيزمدىك نازاريالىق دەڭگەي مەن ساياسي ساپانى كۇش سالا جوعارىلاتۋىمىز كەرەك. ءار جاقتاعى بىلىمدەردى قۇلشىنا ۇيرەنىپ، اماليات بارىسىندا قابىلەتتى جەتىلدىرىپ، تىڭ بىلىمدەردى ۇزبەي يگەرىپ، جاڭا سالاعا قانىق بولىپ، جاڭا ءورىس اشىپ، جاڭا داۋىردەگى جۇڭگوشا سوتسياليزمنىڭ دامۋ تالابىنا ۇيلەسۋ قابىلەتىمىزدى ۇزبەي جوعارىلاتۋىمىز كەرەك. كادرلار ستيلىنىڭ شىنايى بولماۋى ەڭ ۇلكەن جاۋ، ءسوز جوق، وسى ەسكىلىكتى دەرتتى تىپ - تيپىل، تۇبەگەيلى الاستاۋىمىز كەرەك. باستاماشىلدىقپەن ستيلگە بۇرىلىس جاساپ، ءوز ارەكەتىمىزدە كورسەتىپ، جوعارى ارقىلى تومەنگە باستاماشىلدىق ەتىپ، قىزمەتتى قۇر قاڭقاعا اينالدىرۋدان باتىلدىقپەن ساقتانۋ كەرەك. تەكسەرۋ - زەرتتەۋدى كۇشەيتىپ جانە جاقسارتىپ، ناقتى جاعدايدى تەكسەرىپ، شىنايى سويلەپ، ناقتى شارا قولدانىپ، ناقتى ءىس ىستەپ، شىنايى كىرىسىپ، ناقتى ونىمگە تالپىنىپ، جاۋاپكەرشىلىكتى ارقالاپ، جاۋاپكەرشىلىكتى شەگە قاعۋ رۋحىمەن وتەپ، ءورىس اشا العا باسۋ كەرەك.
پارتياعا شارتسىز ادال بولۋدا، ءسوز جوق، تومەنگى شەكتەن اتتاماۋ، قاسيەتتى ماڭگى ساقتاۋ كەرەك. بيلىك جۇرگىزۋدىڭ ارقاۋى ادالدىقتا، پارتيالى باسشى كادر ساناتىندا، اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا تاباندى بولىپ، باستان - اياق پارتيانى كوكەيدە ساقتاۋ، حالىقتى كوكەيدە ساقتاۋ، جاۋاپكەرشىلىكتى كوكەيدە ساقتاۋ، تەجەمدى بولۋ، تومەنگى شەكتەن اتتاماۋ، قىزىل سىزىققا سوقتىقپاۋ، باستان - اياق حالىقتى قادىرلەۋ، ۇيىمدى قادىرلەۋ، زاڭ - تارتىپتەن يمەنۋ، ءار ءتۇرلى حاۋىپ - قاتەردىڭ جانە قيىنشىلىقتاردىڭ سىناعىنان سانالىلىقپەن ءوتۋ، ءىرىپ - شىرىگەن يدەيالاردىڭ ازدىرۋىنان باتىلدىقپەن ساقتانۋ، ساياسي تاباندىلىقتى ۇزدىكسىز كۇشەيتىپ، كىرشىكسىز ادام بولۋ، ىستەردى كىرشىكسىز ىستەۋ، كوممۋنيستەردىڭ وسكەلەڭ قاسيەتى مەن مۇقالماس تۋراشىلدىعىن باستان - اياق ساقتاۋ كەرەك.
