بايىنعولين موڭعۇل اۆتونوميالى وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ورىنباسار ءتوراعا
ەركىن قاسىم
پارتيا تالاي جىل تاربيەلەگەن، باۋلىعان پارتيالى باسشى كادر رەتىندە، بولشەكتەۋشىلىككە قارسى تۇرۋ كۇرەسىنىڭ قيان - كەسكى شايقاسىندا، مەن تۇرعىم بەرىك، تۋىم ايقىن تۇردە باتىل ءۇن قاتىپ، ايقىن پوزيتسيا ءبىلدىرىپ، پوزيتسيامدى ايگىلەپ، كوزقاراسىمدى ايقىن بىلدىرەمىن. مەن اسقاق داۋىسپەن بىلاي دەپ ۇندەۋ تاستايمىن: مەن جۇڭحۋا ۇلتى ۇلى شاڭىراعىنىڭ مۇشەسىمىن، جۇڭگو كوممۋنيستىك پارتياسىنىڭ مۇشەسىمىن، مەن كوممۋنيزمگە سەنەمىن، ەشقانداي دىنگە سەنبەيمىن.
ءالى ەسىمدە، كىشكەنتاي كەزىمدە ءبىزدىڭ ءۇي مەكەمەنىڭ اۋلاسىندا وتىراتىن، ءار ۇلت كورشىلەرى تاتۋ - ءتاتتى، ءبىر ءۇيلى جانداي ەدى. جايشىلىقتا ۇلكەندەر ءبىرىنىڭ ۇيىنە ءبىرى بارىپ، ۇنەمى شۇيىركەلەسىپ، ءوزارا كومەكتەسىپ، قيىنشىلىقتارىن بىرگە كوتەرىسەتىن، مەرەكە - مەيرام كەزدەرىندە ءوزارا تىلەك تىلەپ، ءدامدى تاعامداردان بىرگە ءدام تاتاتىن، ەشقاشان سەنىكى، مەنىكى دەپ ءبولىپ - جارمايتىن؛ كىشكەنتاي دوستار بىرگە ۇيرەنىپ، بىرگە ويناپ، بىرگە تۇرمىس كەشىرىپ، بىرگە ەسەيىپ - ەرجەتتىك. اكەم ساقا پارتيا مۇشەسى، ول بىزگە جۇڭحۋا ۇلتى 56 ۇلتتان قۇرالعان ۇلكەن وتباسى، وتباسى مۇشەلەرى تاتۋ - ءتاتتى تۇرمىس كەشىرگەندە عانا، وتباسى ورنىقتى بولادى، سوندا عانا دامۋ بولادى دەپ تاربيە بەرىپ وتىراتىن. پارتيا ۇيىمىنىڭ قامقورلىعىندا، تاربيەلەۋىندە، اعالى - قارىنداستى التاۋىمىز داڭقپەن جۇڭگو كوممۋنيستىك پارتياسىنا مۇشە بولدىق. ءبىز جۇڭگو كوممۋنيستىك پارتياسى مەن ۇلى وتان بولماسا، شينجياڭنىڭ كوركەيىپ - گۇلدەنۋى، دامۋى بولمايتىندىعىن، ءار ۇلت حالقىنىڭ باقىتتى تۇرمىسى بولمايتىندىعىن، ەسەيىپ - ەرجەتۋىمىز، العا ىلگەرىلەۋىمىز ءتىپتى دە بولمايتىندىعىن شىنايى تانىپ جەتتىك.
«ءۇش ءتۇرلى كۇش» ۇلت تونىن جامىلىپ، ءدىندى جەلەۋ ەتىپ، ءدىني ۇشقارى يدەيا تاراتىپ، ءدىن قاعيدالارىن وزگەرتىپ، بۇقارانى الجاستىرىپ، ماجبۇرلەپ، ۇلتتىق قاتىناسقا ىرتكى سالىپ، ۇلتتىق وشپەندىلىك قوزعاپ، زورلىقتى كۇش لاڭكەستىك قيمىلدارىمەن اينالىسىپ، وتاندى بولشەكتەۋگە ۇرىنىپ، ءبىزدىڭ قالىپتى قوعامدىق ءتارتىبىمىز بەن دامۋ ورتامىزدى اۋىر دارەجەدە بىلىقتىردى، ءبىزدىڭ باقىتتى دا تىنىش تۇرمىسىمىزدى اۋىر دارەجەدە ءبۇلدىردى. ولار قوعام ورنىقتىلىعىنا زيان جەتكىزەتىن ۋلى وسپە، ءار ۇلت حالقىنىڭ ورتاق جاۋى.
پارتيالى كادرلار بۇقارانىڭ كوشباسشىسى، بۇقارانى تاربيەلەۋدىڭ، بۇقاراعا جەتەكشىلىك ەتۋدىڭ مىندەتى مەن جاۋاپكەرشىلىگىن ارقالاۋدا ءبىز ءىس جۇزىندىك ارەكەتىمىز ارقىلى ۇلگى كورسەتىپ، «ءۇش ءتۇرلى كۇشكە»، «ەكىبەتكەيلەرگە» قارسى جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، بۇقارانى اتتانىسقا كەلتىرىپ، ءدىني ۇشقارى يدەيانىڭ ۋىتىن ادا - كۇدە الاستاپ، «ءۇش ءتۇرلى كۇشتىڭ»، «ەكىبەتكەيلەردىڭ» بىزگە سوقتىعۋىنا ەشقانداي وراي بەرمەۋىمىز كەرەك.
پارتيالى كادر رەتىندە، مەن وسكەلەڭ ساياسي جاۋاپكەرشىلىك سەزىمى مەن بورىشتىلىق سەزىمىن ورناتىپ، قاي - قاشان دا وي - سانامدى سەرگەك ۇستاپ، اسا قىراعى بولىپ، باتىلدىقپەن ورنىقتىلىقتى قورعاۋدى بارلىعىن باسىپ تۇسەتىن ماڭىزدى ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، مىقتاپ ارقالاپ، مىقتاپ يگەرىپ، لاڭكەستىككە قارسى تۇرۋ، ورنىقتىلىقتى قورعاۋ كۇرەسىنىڭ الدىڭعى شەبىندە سانالىلىقپەن تۇرىپ، وتان تۇتاستىعىن قورعاۋدىڭ، مەملەكەت حاۋىپسىزدىگىن قورعاۋدىڭ تۋىن بيىك ۇستاپ، ۇلتتاردىڭ ۇلى ىنتىماعىنىڭ تۋىن بيىك ۇستاپ، زاڭنىڭ بەدەلىن قورعاۋدىڭ تۋىن بيىك ۇستاپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» باتىلدىقپەن، تاباندىلىقپەن دايەكتىلەندىرىپ، تياناقتاندىرىپ، ءوز جاۋاپكەرشىلىگىمدى بىلەمىن، ءوز جاۋاپكەرشىلىگىمدى ارقالايمىن، ءوز جاۋاپكەرشىلىگىمدى ادا ەتەمىن.
ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. ۇلتتار ىنتىماعى ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ىرگە تاسى، بۇل ىرگە تاس بارلىعىمىزدىڭ قۇلشىنا بەكەمدەۋىمىزدى قاجەت ەتەدى. مەن ماركسيزمدىك مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن جانە «ءۇشتىڭ ءبىر - بىرىنەن ايرىلا الماۋى يدەياسىن» بەرىك ورناتىپ، «بەستى شىنايى مويىنداۋدى» كۇشەيتىپ، ۇلتتار ىنتىماعىن كوزقاراشىعىمداي ايالاپ، ومىرىمدەي قاستەرلەپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستاماشىلدىقپەن ورىستەتىپ، قاي - قاشان دا ۇلتتار ىنتىماعىن ءوز مىندەتىمە بالاپ، ءوز ىقپالىمدى تولىق ساۋلەلەندىرىپ، كىشكەنتاي ىستەردەن باستاپ ىسكە كىرىسىپ، ەلەۋسىز تۇستاردان سەنىمدىلىك، تۇسىنىستىك ورناتىپ، بەرەكە - بىرلىك قالىپتاستىرىپ، ءار ۇلت بۇقاراسىن اعا - باۋىرداي ەتەنە بولۋعا، ءوزارا قارايلاسۋعا، كومەكتەسۋگە باستاپ، ءار ۇلتتىڭ رۋحاني مەكەنىن بىرگە قۇرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشىرەتىن جۇڭگوشا سوتسياليستىك شينجياڭ قۇرۋعا ۇلەس قوسۋعا قۇلشىنامىن.
