ۇلتتار ىنتىماعى قوعام ورنىقتىلىعى مەن باياندى تىنىشتىقتىڭ بەرىك ىرگەتاسى

日期:2019年11月22日
来源:新疆日报
【字体:

ۇلتتار ىنتىماعى قوعام ورنىقتىلىعى مەن باياندى تىنىشتىقتىڭ بەرىك ىرگەتاسى

 قىزىلسۋ قىرعىز اۆتونوميالى وبلىستىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا گۇلشات ءشىرالي

جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرۋ، تياناقتاندىرۋ ءۇشىن، اۆتونوميالى رايوندىق پارتكوم بۇكىل رايوندا ”ۇلتتار ىنتىماعىنىڭ بەرەكەلى شاڭىراعى“ قيمىلىن ىشكەرىلەي ورىستەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ءتۇزىمىنىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتتى. بۇل قيمىل ۇلتتار ىنتىماعىن جەبەۋدە، قوعام ورنىقتىلىعىن قورعاۋدا ماڭىزدى رول اتقاردى.

مەنىڭ جۇپ قۇراپ، تۋىس بولۋ كەشىرمەم وسىنىڭ پارمەندى دالەلى. 3 جىلدان استام ۋاقىتتىق ”ۇلتتار ىنتىماعىنىڭ بەرەكەلى شاڭىراعى“ قيمىلىندا مەن اقتاۋ اۋدانى ۇجمە اۋىلىنداعى 6 وتباسىنداعى نەگىزگى ساتى بۇقاراسىمەن ونان ارى جاقىنداسىپ، تۋىستىق قاتىناسىمىز ونان ارى نىعايىپ، تۋىستارىمنىڭ كەدەيلىكتەن رۋحاني جاقتا تولىسۋعا، تۇرمىستىق جاقتا بايۋعا بەت العان كەشىرمەسىن كوزىممەن كوردىم، سونداي - اق ”ۇلتتار ىنتىماعىنىڭ بەرەكەلى شاڭىراعى“ قيمىلىنىڭ ءار ۇلت بۇقاراسىنىڭ تۇرمىسىن اناعۇرلىم باقىتقا كەنەلتكەن، پارتيانىڭ بيلىك جۇرگىزۋ نەگىزىن اناعۇرلىم بەكەمدەگەن، قوعامدى اناعۇرلىم جاراسىمدى، ورنىقتى ەتكەن بارىسىن ءوز باسىمنان كەشىردىم.

جۇرەك پەن جۇرەكتىڭ ءتىل تابىسىپ، جۇرەك پەن جۇرەكتىڭ سىر ءبولىسۋىن ورىنداۋ ۇلتتار ىنتىماعىن ىلگەرىلەتۋدىڭ نەگىزگى العى شارتى. مەنىڭ جۇپ قۇراعان ءبىر تۋىسىمنىڭ اتى سادىق ءالي، العاش كەزدەسكەندە ول ماعان تەرەڭ اسەر قالدىردى، ويتكەنى ول قاشاندا قاباعىن اشپاي، تومسىرايىپ جۇرەتىن. جۇپ قۇراپ، تۋىستاسىپ قايتقان جولىمدا مەن ىشتەي: ”مەن ونىمەن تۋىس بولىپ، سونشاما كوپ تارتۋ اپاردىم، ول نەگە قۋانبايدى؟“ دەپ ويلادىم، وسى كۇدىك مازامدى الا بەردى. مەنىڭ ءجيى امانداسا بارىپ، ۇنەمى ونىڭ كۇي - جايىن ۇعىسۋىممەن، ول سىرىن اقتاردى. ءاسىلى ونىڭ ۋايىمى بار ەكەن، وتباسىندا ەكونوميكالىق قيىنشىلىق بار بولىپ، اۋقاتتانۋدىڭ جولىن بىلمەگەن، ايەلى ۇزاق ۋاقىت اۋرۋعا شالدىعىپ، ءدارى ءىشىپ جۇرگەندىكتەن جۇگى اۋىرلاعان، ۇلى ورتا مەكتەپتىڭ ءۇشىنشى جىلدىعىن ءبىتىرۋ الدىندا تۇر، ءبىراق ونى داشۋدە وقىتۋعا اقشاسى جوق ەدى... ول: ”وسىلاردى ويلاعاندا قالاي عانا كوڭىلدەنە الامىن؟“، - دەيدى، ونىڭ ءسوزىن ەستىگەن سوڭ مەن ىشتەي، ءسوزسىز، ونىڭ قيىنشىلىعىن شەشۋگە كومەكتەسۋدى ويلادىم. مەن: ”الاڭسىز بول، تاعى مەن بارمىن عوي؟ ءبىز ءبىر ءۇيلى جانبىز عوي، مەن سەنىڭ قيىن وتكەلدەن وتۋىڭە كومەكتەسەمىن“، - دەدىم. وسىدان كەيىنگى كۇندەردە مەن سادىقتىڭ قيىنشىلىعىن شەشۋ ءۇشىن تۇس - تۇسقا شاپقىلادىم. ونىڭ ءۇيىنىڭ جاعراپيالىق ورنى مەن تۇتاس قىستاقتا ءبىر ۇن تارتۋ كاسىپورنى بولماۋداي ءىس جۇزىنە نەگىزدەلىپ، مەن وعان ءبىر شاعىن ۇن تارتۋ زاۆودىن اشۋدى ۇسىنىس ەتتىم، مۇنىمەن قىستاق تۇرعىندارىنىڭ تۇرمىستىق قاجەتىن قاناعاتتاندىرىپ قالماستان، ونىڭ وتباسىنىڭ كىرىسىن دە ارتتىرۋعا بولادى، ونشا كوپ قاراجاتتىڭ دا قاجەتى جوق. مەنىڭ ۇسىنىسىما ول بەلسەنە ءۇن قوستى، ”وتباسى ۇلگىسى“ندەگى ۇن زاۆودى سالىندى، سادىق وتباسىنىڭ تۇرمىسى دا جاقسارا ءتۇستى، ونىڭ شىرايى دا ”اشىلا ءتۇستى“. كىرىستى ارتتىرۋ ماسەلەسى شەشىمىن تاپتى، بالانىڭ وقۋى ماسەلەسىن قالاي شەشۋ كەرەك؟ مەن تالاي رەت وبلىستىق، اۋداندىق وقۋ - اعارتۋ تاراۋلارىنان ساياسات ۇعىسىپ، قابات - قابات بەكىتۋلەردەن ءوتىپ، اقىرى سادىقتىڭ ۇلى يمىن سادىققا 6000 يۋاندىق شينجياڭعا كومەك بەرۋ وقۋ جاردەم قاراجاتىن ءوتىنىش ەتىپ الدىم. وسىدان باستاپ، مەنى كورگەن سايىن سادىق جايدارى جۇزبەن قارسى الاتىن بولدى. مەن ەرىكسىز اسەرلەندىم: ۇلتتار ىنتىماعىندا تەك شىنايى سۇيىسپەنشىلىگىمىزدى بەرىپ، شىن جۇرەگىمىزدى ارناساق، جۇرەك پەن جۇرەكتىڭ ءتىل تابىسىپ، جۇرەك پەن جۇرەكتىڭ سىر ءبولىسۋىن ورىنداي الساق، جىلىنبايتىن جۇرەك بولمايدى.

”بەستى شىنايى مويىنداۋ“دى كۇشەيتۋ ۇلتتار ىنتىماعىن تەرەڭدەتۋدىڭ يدەيالىق نەگىزى. جۇپ قۇراپ، تۋىس بولۋ بارىسىندا، مەن باستان - اياق قيىن ماسەلەلەردى شەشىپ، تۋىسىمنىڭ تۇرمىسىن جاقسارتۋدى پارتيانىڭ ساياساتىن ۇگىتتەۋمەن، يدەياعا، كوزقاراسقا بۇرىلىس جاساۋمەن ۇشتاستىرىپ، تۋىستارىما پارتيانىڭ حالىققا تيىمدىلىك جەتكىزۋ ساياساتتارىن اشالاي جەتكىزدىم. مەنىڭ ۇگىت - لەكسيامدى تىڭداعاننان كەيىن، تۋىستارىم تۇگەلدەي: ”جۇڭگو كوممۋنيستىك پارتياسىنا العىس ايتامىز، جاڭا جۇڭگوعا العىس ايتامىز، باس شۋجي شي جينپيڭگە العىس ايتامىز!“ - دەپ ءسۇيىنىش ءبىلدىردى. وسىلايشا، ”بەستى شىنايى مويىنداۋ“دى ءار ۇلت بۇقاراسىنىڭ جۇرەگىنە بىلدىرمەي تامىر تارتتىردىم، ءار ۇلت بۇقاراسى وزدىكتەرىنەن پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ۇلتتار ىنتىماعىن ۇزدىكسىز بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا بەرىك نەگىز قالادى.

پارتيالى كادر رەتىندە، مەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، الدا ءجۇرىپ ۇلگى بولىپ، جاۋاپكەرشىلىك ارقالاۋعا باتىل بولىپ، باتىلدىقپەن بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە تۇرىپ، ۇلتتار ىنتىماعى قىزمەتىن قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ بەرىك ىرگەتاسى ەتىپ مىقتاپ، ناقتاپ يگەرىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلت بۇقاراسىنا ۇزدىكسىز ”بەستى شىنايى مويىنداۋ“دى كۇشەيتۋدى، ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋدى ۇگىتتەپ، تاربيەلەپ، كۇشتى ۇيىسۋ قۋاتى مەن سەنترگە تارتۋ قۋاتىن قالىپتاستىرىپ، وتاننىڭ تۇتاستىعىن قورعاۋدىڭ، ۇلتتار ىنتىماعىن قورعاۋدىڭ، قوعام ورنىقتىلىعىن قورعاۋدىڭ ورتاق يدەيالىق نەگىزىن اناعۇرلىم بەكەمدەيمىن.