ۇلتتار ىنتىماعىن وزىمنەن باستايمىن

日期:2019年11月11日
来源:新疆日报
【字体:

ۇلتتار ىنتىماعىن وزىمنەن باستايمىن

 كەلپىن اۋداندىق پارتكوم ۇگىت ءبولىمىنىڭ قىزمەتكەرى زۇلقۇمار ەركىن

مەن پارتيا مەن مەملەكەتتىڭ تاربيەلەۋىندە، باۋلۋىندا ەسەيىپ كەلە جاتقان ءارى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋگە بەل بايلاعان جاس كادرمىن. مەن نەگىزگى ساتىداعى كادر وتباسىنان كەلگەنمىن، كەلپىندە تۋىپ، كەلپىندە ەرجەتتىم، كەلپىندە وتاۋ كوتەرىپ، قىزمەت ىستەدىم. بالا كەزىمنەن - اق ءبىزدىڭ ءۇي ءار ۇلت كورشىلەرمەن بىرگە تۇرمىس كەشىرىپ، كورشى - قولاڭدارمەن بەرەكە - بىرلىكتە بولىپ، بىرگە تۋعان اعا - ىنىدەي ءوتتىم.

ەسىمدە قالۋىنشا، كىشكەنتاي كەزىمدە ءبىزدىڭ ءۇي اۋداندىق قوعام حاۋىپسىزدىگى مەكەمەسىنىڭ سەميالىقتار اۋلاسىندا بولاتىن، ءبىر شولاق كوشەدە بىرنەشە وتباسى تۇراتىن، مۇنىڭ ىشىندەگى ءبىر وتباسى ”شياۋليزى جوندەۋ دۇكەنى“ ەدى. ءبىز بىرنەشە وتباسىنىڭ بايلانىسى وتە جاقسى بولاتىن، ءار جولعى مەرەكە - مەيرامداردا نەشە وتباسىنىڭ ادامدارى بىرگە تاماق ىستەپ، بىرگە تاماقتانىپ، اڭگىمە دۇكەنىن قۇراتىنبىز، سول ءبىر مەيىرگە تولى كورىنىس كۇنى بۇگىنگە دەيىن جادىمدا، مەن سول باياعى قاراپايىم دوستىق سۇيىسپەنشىلىكتى ەشقاشان ۇمىتقان ەمەسپىن. ءوزىمنىڭ ءوسىپ - جەتىلۋ بارىسىمدى ەسىمە السام، ءار ۇلت اعا - باۋىر، اپەكە - سىڭلىلەردىڭ جاراسىمدى بىرگە جاساپ، سەن - مەن دەسپەي، شاتتىققا، مەيىرگە شومىپ بىرگە كەشكەن كۇندەرى سۋرەتتەي كوز الدىما تارتىلادى.

مەنىڭ كىشكەنتاي كەزىمدە، كەلپىن اۋدان قالاشىعىندا تەك ءبىر عانا ۇلكەن كوشە بۇكىل اۋدان قالاشىعىن كەسىپ وتەتىن، كولەمدىرەك 2 دۇكەن عانا بار بولاتىن. ەسىمدە قالۋىنشا، ول كەزدە ءبىر ”چينىڭ تۇراقتى باعا ەرەن بازارى“ بار ەدى، دۇكەن قوجايىنى حۇڭ فاميليالى اتاي ەدى، مەن جانە مەنىڭ كىشكەنتاي دوستارىم بۇل دۇكەندى قاتتى جاقسى كورەتىنبىز، ءار جولى دۇكەنگە كىرگەنىمدە ول ىلعي مەنى ”ەركىننىڭ قىزى“ دەپ شاقىراتىن، مەن ونىمەن اڭگىمەلەسۋدى ۇناتاتىنمىن، ول دا مەنى ويناتقاندى جاقسى كورەتىن، ءار جولى دۇكەننەن كەتەرىمدە اتاي ماعان بىرنەشە تال ساعىز ۇستاتاتىن، باستابىندا مەن العاننان ۇيالاتىن ەدىم، ءبىراق اتايدىڭ: ”قىزىم، الىپ ال!“ - دەگەنىن ەستىگەندە، مەن ونى تويتارا المايتىنمىن. قازىرگە دەيىن ساعىز كورسەم بولعانى، مەن حۇڭ اتايدى ەسىمە الامىن. ءبىز ءارقايسىمىز ءبىر وتباسىنىڭ ادامدارىنداي كورشىلىك سۇيىسپەنشىلىككە، بىرگە تۋىسقان اعا - باۋىرداي ساباقتاستىق سۇيىسپەنشىلىككە، جاپا - ماشاقاتتى بىرگە كورەتىن دوستىق سۇيىسپەنشىلىككە بولەندىك.

بالا كەزىمدە، مەن ءار ۇلت دوستارىممەن بىرگە بازارعا بارىپ، بىرگە لياڭفىن، سامسا جەيتىنمىن. ول كەزدە اكە - شەشەمىزدىڭ ۇستاتاتىن تيىن - تەبەنى از بولۋشى ەدى، سوندىقتان ءبىز ۇنەمى ءبىر تال عانا سامسا ساتىپ الىپ، اربىرەۋىمىز ءبىر تىستەپ، تامسانا قاراپ، كوپشىلىك قاي - قاشان دا ءماز - ءمايرام بولىپ، بازارداعى ءدامدى تاعامداردى بولە جەيتىنبىز.

ۇلتتار ىنتىماعى − ءار ۇلت حالقىنىڭ جانى، ءار ۇلت حالقىنىڭ ەڭ جوعارى مۇددەسىنىڭ تياناعى. مەملەكەت كادرى رەتىندە، مەن ۇلتتار ىنتىماعىنىڭ ۇلى تۋىن مىزعىماستان بيىك كوتەرىپ، ماركسيزمدىك ”بەس كوزقاراس“تى جانە ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتىپ، جۇڭحۋا ۇلتى ورتاق تۇلعا تانىمىن بەكەمدەپ، وتاننىڭ تۇتاستىعىن قورعاۋدىڭ، ۇلتتار ىنتىماعىن قورعاۋدىڭ يدەيالىق نەگىزىن بەرىك ورناتامىن. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنا بەلسەنە قاتىناسىپ، ۇلتتار ىنتىماعىن كۇندەلىكتى تۇرمىسىمدا، قىزمەتىمدە، ۇيرەنۋىمدە تياناقتاندىرىپ، وزىمنەن باستاپ ىستەپ، ۇساق ىستەردەن باستاپ ىستەپ، ۇلتتار ىنتىماعىنىڭ گۇلىن ۇزاق ۋاقىت قۇلپىرتامىن.