26 جاستاعى شازادا تۇرسۇننىڭ قازىرگى تۇرمىسى وتە كوڭىلدى. ول ءوزىنىڭ ۋيچات دوستىق شەڭبەرىندە ۋيچات ساۋداسىن ىستەيدى، سوندىقتان تۇرمىسىن ورنالاستىرۋعا ۋاقىتى جەتەرلىك، ادەتتە شاي ىشكەندى ۇناتادى، ۋاقىتى بولا قالسا گۇل ەگەدى، كوكونىس ەگەدى، كىتاپ، گازەت وقيدى. ول جاڭادان وتباسىن قۇردى، وتباسى كىرىسى جىلىنا نەشە ءجۇز مىڭ يۋان.
”ويلاسام ءالى ۇرەيلەنەم، ەگەر ۇشقارىلارعا ىلەسە بەرگەن بولسام، وسى بارلىق باقىتتىڭ بىرەۋىنە دە قولىم جەتپەس ەدى“، - دەدى شازادا.
كوڭىلدى ۇيلەنۋ سالتى تۇستەن باستاپ كەشكە دەيىن جالعاستى
4 - ايدىڭ 28 - كۇنى تۇستەن كەيىن ونسۋ اۋدانى ارال قالاشىعى قاشبويى قىستاعىندا ونسۋ اۋداندىق بازار باقىلاۋ - باسقارۋ مەكەمەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى شيە داندان ءتىلشىنى ەرتىپ كونە دوسى شازاداعا امانداسا باردى.
بىلتىر جىل باسىندا شازادا ونسۋ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسادى، ول ۇنەمى قىزمەت اترەتىنە بارىپ ءوزى كومەكتەسەتىن جۇمىس بار - جوعىن سۇرايتىن، قىزمەت اترەتىندەگىلەر دە ونىڭ جەكەلىك دامۋىنا قاتتى كوڭىل بولەتىن. جاستارى قارايلاس بولعان سوڭ، شيە داندان مەن شازادا جاقسى دوستارعا اينالدى.
”ول پۋتۇڭحۋانى جاقسى سويلەيدى، ۇمىتكەر، اشىق - جارقىن، ءبىر جىلدان بەرى ونىڭ شارۋاشىلىق قۇرىپ، كىرىس تاۋىپ، ۇيلەنىپ، جاقسى تۇرمىس كەشىرگەنىن كورىپ، ءبارىمىز ول ءۇشىن قۋاندىق“، - دەدى شيە داندان.
شازادانىڭ ءۇيى تاماشا بەزەندىرىلىپتى، كەڭ قوناق بولمەگە ەكى قاتار سافا ءتىزىلىپ، ورتاسىندا قاتارلاسا قويىلعان 2 شاي ۇستەلدىڭ ۇستىنە ءتۇرلى قۇرعاق جەمىستەر، بالكۇلشە، پراندىكتەر قويىلىپتى، اۋلاعا ەگىلگەن گۇل مەن كوكونىستەردەن ومىرشەڭدىك كۇش جالىنداپ تۇر. ”ءبىلال مامۇت باسقالارعا كومەكتەسىپ جۇمىس ىستەۋگە كەتتى“. كۇيەۋىن ايتقاندا شازادا نازدانا سويلەدى.
”وقۋ تاۋىسقاننان كەيىن، قىزمەت اترەتىنىڭ مۇشەلەرىنىڭ ءبارى مەنى سۇيەمەلدەپ دامىتۋدى ويلاپ، مەنەن بەتەر اسىقتى. ولار جاڭعاق، ءجۇزىم كىرىسىنەن سىرت، كىرىستى ارتتىرۋ ارناسىن تاعى دا كەڭەيتۋگە بولاتىنىن ايتتى“. شازادانىڭ ۇيىندە ءبىر تايلاۋىش بار بولاتىن، كىناراتى بولعان سوڭ، ىستەتىلمەي بوس جاتقان. قىزمەت اترەتى سونى جوندەپ، قاريدارعا سويلەسىپ، سونداي - اق ول ءۇشىن كورشى قىستاقتاعى بوزبالا ءبىلالدى شوفەرلىككە شاقىرىپ اكەلدى.
تەز ارادا ءبىلال تايلاۋىشتى ايداپ ەگىستىكتە جۇمىسقا كىرىسىپ، ورىلعان ءبيداي ساباعىن تايلاي باستادى، تەك وسىنىڭ وزىنەن بىلتىر 40 مىڭ يۋان تاپتى. ال شازادا مەن ءبىلال دا ماحاببات بايلاستى.
بىلتىر 12 - ايدىڭ 22 - كۇنى ەكەۋى رەستوراندا ۇيلەنۋ تويىن جاسادى، قوناقتار كوپ كەلدى، قىزمەت اترەتىندەگى بارلىق مۇشەلەر تۇگەل بارىپ قۇتتىقتادى. ”توي وتە دۋماندى ءوتتى، تۇستەن باستاپ كەشكە دەيىن جالعاستى، كۇيەۋ جىگىت پەن جاس كەلىننىڭ كۇلگەندە جۇزدەرىنەن اراي توگىلىپ، اسا شاتتاندى“. شيە داندان: شازادانىڭ باقىتتى تۇرمىسى سودان باستالدى، - دەدى.
شاي جاساۋ ونەرىنەن تۇرمىستىڭ ءلاززاتىن سەزىندى
شازادا بۇرىن بىرەۋمەن ۇيلەنگەن، قىسقا ۋاقىت عانا ءدام - تۇزداس بولدى، كوڭىلى قالعان ونىڭ تىڭنان ماحاببات بايلاۋعا باتىلى جەتپەي دە قالعان ەدى. ەڭبەكشىل دە تاباندى ءبىلال ونىڭ كوڭىلىن ءجىبىتتى. ”مەن بۇرىن ۇيلەنگەم، ونىڭ ۇستىنە ول مەنەن 4 جاس كىشى، بۇرىن بولسا، قىسىم سەزىنەر ەدىم. قازىر ەلدىڭ يدەيا - كوزقاراسىنداعى تۇيىنشەك شەشىلدى، مەن دە الاڭنان ارىلدىم“، - دەدى شازادا.
10 جىلدىڭ الدىندا، شازادا ۇشقارى يدەيانى جۇقتىرىپ الدى، وقۋداعى كەزى بولاتىن، ۇلكەندەر ونى زاڭسىز ءدىن ۇيرەنۋگە الىپ بارادى. ”ءبىز تىڭداعان دىبستى بەينەلەردىڭ ءىشى تولعان ۇشقارى يدەيا مازمۇندارى، ماسەلەن، ’ناماز وتەمەسەڭ، توزاققا تۇسەسىڭ‘، بولشەكتەۋشىلىك جانە زورلىقتى كۇش لاڭكەستىك يدەيانى ۋاعىزدايتىن مازمۇندار دا بار، ول كەزدە پارىقتاۋ قابىلەتىم جوق، تىڭداي بەرگەن سوڭ كۇمانسىز سەنەدى ەكەنسىڭ“، - دەدى شازادا، كەيىن ول تاعى ينتەرنەتتەن زاڭسىز دىبىس - بەينە ەكران ءتۇسىرىپ، ونى باسقالارعا جولداپ بەردى.
”سول ادامدار ايتقان ’ءجون - جوسىقتى‘ تۇرمىسقا سەنگەنىڭمەن، تۇرمىستا بارعان سايىن ۇمىتتەن جۇدا قالۋدىڭ سەبەبىن بىلگىم كەلەدى. وسى كەزدە، مەن قىستاق تۇرعىندار كوميتەتىنىڭ ۇگىت لەكسياسىن تىڭداپ، سوندا عانا كاسىپتىك شەبەرلىككە تاربيەلەۋ - باۋلۋ ورتالىعىنىڭ بارىن، ونىڭ ۇستىنە وقۋ، تۇرمىس قاراجاتىنىڭ تۇگەلدەي اقىسىز ەكەندىگىن ءبىلىپ، تىزىمدەلىپ ءوتىنىش بەرىپ، ۇيرەنۋگە قاتىناستىم“، - دەدى شازادا، ۇيرەنۋ ارقىلى ول اق پەن قارانى انىق تانىدى، ۇشقارىلاردىڭ الدام قالتاسىنا ەندىگارى تۇسپەيتىن بولدى.
باۋلۋ ورتالىعىندا شازادا مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرى مەن كاسىپتىك شەبەرلىكتى قۇلشىنا ۇيرەندى، ول جانە ءتۇرلى اۋەستىك كلاستارعا تىزىمدەلىپ قاتىناستى. شاي ونەرى كلاسىندا ول شاي جاپىراعىن جۋۋ، شاي دەمدەۋ، شاي باعالاۋ سىندى تاماشا ىستەرگە قىزىعىپ قالدى، ”جىڭشان شياۋجۇڭ“ شايىنىڭ دامىنە ءتىپتى بەرىلدى. ”گۇلدىڭ جۇپار ءيىسى، تاعى تاتتىلەۋ ءدامى بار، ءتۇسى دە ادەمى“، - دەدى ول.
وقۋ تاۋىسقاننان كەيىن، ول اقسۋ قالاسىنداعى ءىرى ەرەن بازارعا بارىپ ءوزى ۇناتقان قاقپاقشالى شىنى تاڭداپ، ”جىڭشان شياۋجۇڭ“ شايىنان ءبىر قوراپ ساتىپ الدى. سول كۇنى ول باۋلۋ ورتالىعىنداعى مۇعالىمىنا كەزدەسىپ قالادى. مۇعالىم قۋانا: ”شازادا، بارعان سايىن قۇلپىرىپ الىپسىڭ عوي“، - دەيدى.
ول مۇعالىمعا ءوزىنىڭ جاقىننان بەرگى جاعدايىن ايتىپ، ”مەن مەكتەپتە شاي جاساۋ ونەرىن ۇيرەنىپ، تۇرمىستىڭ ءلاززاتىن سەزىندىم، ەرەكشە العىس ايتامىن“، - دەدى. مۇعالىم: ”العىس ايتامىن دەسەڭ، اناعۇرلىم جاقسى تۇرمىس كەشىرۋگە قۇلشىنۋىڭ كەرەك!“، - دەپ جاۋاپ قايتاردى.
قازىرگى تۇرمىسىمىزدا ەش الاڭداۋشىلىق جوق
شازادا جونىنەن ايتقاندا، شاي باعالاۋ ونىڭ باقىتتى ومىرىنە جوسىن سەزىمىن قوستى. تۇرمىستا باقىتتىڭ مازمۇنى دا بارعان سايىن مولايدى، ماسەلەن، تاڭەرتەڭ تۇرىپ اۋلاداعى گۇلدەر مەن كوكونىستەردى باعىپ - باپتايدى، تۇستە قاربالاس جۇمىستاعى كۇيەۋىنە سۋ مەن تاماق جەتكىزىپ بەرەدى، كەشتە بەتىنە جاپسىرما جاپسىرىپ، تەلەفوننان ءان تىڭدايدى.
”قازىر تۇرمىستا ەش الاڭداۋشىلىق جوق، ءبىلال قىزمەتتى قۇلشىنا ىستەيدى، قىزمەت اترەتى دە بىزگە ۇزبەي كومەكتەسىپ كەلەدى“، - دەدى شازادا.
شازادانىڭ ءوزىنىڭ دە اقشا تابار جولى بار − ۋيچات ساۋداسىن ىستەۋ. ول ساندەنىپ جۇرگەندى ۇناتاتىن، ءسويتىپ، ۋيچات ساۋداسىن ىستەيتىن دوستارمەن تانىسىپ، ۋاقىت وتە كەلە ءونىم ساتا باستادى.
”ۋاكىلەتتى ساۋداگەر ۇرىمجىلىك، ءونىمىن ىستەتىپ كورىپ ەدىم، جاقسى سەزىندىم، ءسويتىپ، ينتەرنەتتە ۋاكىلەتتى ساۋداگەردەن ساۋدا جاساۋدى ۇيرەندىم. الدىمەن كورشىلەردەن باستاپ تانىستىرىپ ساتىپ، قازىر ۋيچاتتا 195 دوسىم بار، ولاردىڭ ءبارى مەنىڭ كومەسكى قاريدارلارىم“، - دەدى شازادا كۇلىمسىرەي.
ونىڭ ۇيىندە ەڭلىك بۇيىمدار، بەت جۋۋ سۇيىقتىعى، بەتماي، كوز اينالاسىنا جاعاتىن ماي، بەت جاپسىرماسى، قولدىڭ تەرىسىن قورعايتىن ماي، سونداي - اق اجارلاندىرعىشتار تولىق ءتىزىلىپ تۇر. 3 ايدان بەرى، ول 7 اجارلاندىرعىش ساتىپ، اربىرەۋىنەن 100 يۋان كىرىس تاپتى. ول ۋاكىلەتتى ساۋداگەرلەردىڭ ۇنەمى تيىمدىلىك جاساۋ قيمىلدارىن جاڭالاپ تۇراتىندىعىن، باعانى ءتۇسىرۋ دەڭگەيى ءوزىن جانە دوستارىن قاتتى باۋرايتىنىن ايتتى.
”ءبىلال قازىر قىز بالالاردىڭ ءبارى سۇلۋلىقتى سۇيەدى، ناقتى دۇكەننەن بىرەۋ اشىپ، اجارلاندىرۋ، كۇتىمدەۋ قىزمەت وتەۋىن قوسا ىستە دەدى، قاتتى تەبىرەندىم“، - دەدى شازادا. سامال قوناق بولمەسىندەگى تەرەزە پەردەنى باياۋ تەربەپ، سالقىن لەپ ەستى، اۋلاعا ەگىلگەن كوكونىستەر جايقالا ءوسىپ كەلەدى ەكەن، قولىنا ىستىق شاي العان شازادا: ”مەن وسىنداي تۇرمىستى ۇناتامىن“، - دەدى.
