اڭگىمەلەسىپ، مەيىر جەتكىزىپ، كىرىستى ارتتىرۋدى تىلگە تيەك ەتتى
− رايونىمىزداعى ءار ۇلت بۇقاراسى ورازا ايت مەرەكەسىن شات - شادىمان وتكىزدى
5 - ايدىڭ 24 - كۇنى ورازا ايت، رايونىمىزدىڭ ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان كادرلارى، جۇپ قۇراپ تۋىس بولعان كادرلار، نەگىزگى ساتى كادرلارى جابال وتباسىلارىن ارالاپ جاعداي ۇعىسىپ، ءار ۇلت بۇقاراسىمەن بىرگە اڭگىمەلەسىپ، ءدامدى تاعامداردان ءدام تاتىپ، كىرىستى ارتتىرۋدى تىلگە تيەك ەتىپ، پارتيانىڭ مەيىرىن بۇقاراعا جەتكىزدى.
5 - ايدىڭ 24 - كۇنى تاڭەرتەڭ اۆتونوميالى رايوندىق تاس جول باسقارۋ مەكەمەسىنىڭ كادرى لي شياڭياڭ سالەمدەمەسىن الىپ قاراقاش اۋدانى قاراساي قالاشىعى قۇمبويى قىستاعىنداعى تۋىسى ءيمىت سادىردىڭ ۇيىنە كەلدى. كەزدەسە سالا، اعالى - ءىنىلى ەكەۋى قىزۋ مەرەيمەن قۇشاقتاسىپ امانداستى. ءيمىت اسىلىندە كەدەي بولاتىن، بىلتىر لي شياڭياڭنىڭ شابىتتاندىرۋىمەن ول قىستاقتاعى تۇيە باعىمشىلىعى سەلبەستىك كووپەراتيۆىنە جارنا قوستى، بۇعان جۇمىس ىستەۋدەن تاپقان كىرىسى قوسىلىپ تۇرمىسى بارعان سايىن جاقساردى.
اۋات اۋدانى اۋات قالاشىعى وركەنيەت كەڭسەسىنىڭ كادرى جاۋ لۇڭ قاتارلىلار الەۋمەتتىك اۋماق تۇرعىنى ءالي ءابدۋاليدىڭ ۇيىنە كەلدى، كوپشىلىك اس تولى ۇستەلدى قورالانا وتىرىپ ءبىر جاعىنان تاماقتان ءدام تاتىپ، ءبىر جاعىنان اڭگىمەلەستى. ءالي جاۋ لۇڭعا: ”ءۇيىمىزدىڭ ساۋداسى وسىنىڭ الدىندا ىندەتتىڭ ىقپالىنا ۇشىراعانىمەن، پارتيا مەن ۇكىمەتتىڭ ساياساتىنىڭ سۇيەمەلدەۋىندە، مەن تاباندىلىقپەن جالعاستىردىم، قازىر ايىنا 3000 يۋان توڭىرەگىندە اقشا تابامىن“، - دەدى.
”قىزمەت اترەتىنە العىس ايتامىز، سىزدەر ەگۋدى، باپتاۋدى ۇستىندە ۇيرەتىپ، ساتۋعا كومەكتەسپەگەندە، قىستاعىمىزدىڭ جىلىجايدا وسىرگەن جەمىس - جيدەك، كوكونىستەرىمىزدىڭ پايداسى مۇنشالىق جاقسى بولماس ەدى“. 5 - ايدىڭ 24 - كۇنى ياركەن اۋدانى شارباق اۋىلى قۇتشى قىستاعىندا، قىستاق تۇرعىنى مامەت ءالي مەرەكەدە امانداسا كەلگەن ياركەن اۋدانى ماقتا - كەندىر سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ مۇشەلەرىنە بۇرىننان ويىنا الىپ كەلگەن جۇرەك ءسوزىن ايتتى. قىزمەت اترەتىنىڭ باستىعى تۇرسۇن وبۇل بىلاي دەدى: كەلەسىدە، بۇقارانى باستاپ ”كوكونىس بازاسى + سەلبەستىك كووپەراتيۆى + جاستاي ساقتاۋ قامباسى“ كاسىپ تىزبەگىن قالىپتاستىرىپ، دوڭگەلەك داۋلەتكە جەتۋ جولىندا بىردە - ءبىر ادامدى قاعىس قالدىرمايمىز.
