”اۋقاتتانۋ كەپتەرى“ باقىت ەسىگىن اشتى
4 - ايدىڭ 27 - كۇنى بۋىرشىن اۋدانى قوستىق قالاشىعى قىزىلۇيەڭكى قىستاعىنىڭ جىڭعىلدى بالاپان كەپتەر باعىمشىلىعى قوعامىنىڭ كەپتەر باعاتىن تاپ - تازا قوراسىندا 1000نان استام سويىس كەپتەر قاناتىن قومداپ، ءالسىن - ءالى ”قق - قىقتاپ“ قويادى.
”كەپتەر داۋىسىن ەستىسەم بولعانى، ەرەكشە قۋانامىن“، - دەدى كەپتەرگە جەم بەرىپ جاتقان قىزىلۇيەڭكى قىستاعىنىڭ تۇرعىنى جاڭ يۇنشوۋ.
قىزىلۇيەڭكى قىستاعى تيپتىك ەگىن شارۋاشىلىق قىستاعى، جەر از، ادام كوپ، قىستاق تۇرعىندارىن اۋقاتتانۋ جولىنا باستاۋ ءۇشىن بۋىرشىن اۋداندىق تۇرعىن ءۇي جانە قالا، اۋىل قۇرىلىسى مەكەمەسىنىڭ قىزىلۇيەڭكى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جانە قىستاق ”ەكى كوميتەتى“ بەلسەندىلىكپەن وي جەلىسىن قاراستىرىپ، امال - شارا ويلاپ، ارالاپ جاي - جاپسار ۇعىسۋ ارقىلى قىستاقتاعى بىرنەشە تۇرعىننىڭ سويىس كەپتەر باعىمشىلىق تاجىريبەسى بار ەكەندىگىن بايقايدى.
قىزمەت اترەتى مەن قىستاق ”ەكى كوميتەتى“ بازارعا ىشكەرىلەي تەكسەرۋ - زەرتتەۋ جۇرگىزۋ ارقىلى سيىر، قوي باعۋدان گورى، سويىس كەپتەر باعۋدىڭ اينالىم مەرزىمى قىسقا، پايدا تابۋ تەز، جەرگىلىكتى قىستاق تۇرعىندارىنا لايىق دەپ قارادى.
ايتقان زامان ىسكە كىرىستى. قىستاق پارتيا ياچەيكاسى باستاماشى بولىپ، ”قوعام + شارۋا“ جۇمىس ۇلگىسىن قولدانىپ، قىستاق تۇرعىندارى قارجى شىعارۋ، ەڭبەككۇشپەن قامداۋ سياقتى تاسىلدەر ارقىلى جارناعا قوسىلىپ، جىڭعىلدى بالاپان كەپتەر باعىمشىلىق قوعامىن قۇردى. قىزمەت اترەتى مەن قىستاق ”ەكى كوميتەتى“ قىستاق تۇرعىندارى اراسىنداعى پارتيا مۇشەلەرىن باستاماشىلدىقپەن باعىمشىلىققا جۇمىلدىردى، سويىس كەپتەر باعىمشىلىق تاجىريبەسىنە يە جاڭ يۇنشوۋ ەڭ الدىمەن تىزىمدەلىپ، قوعامعا كىردى.
2019 - جىلى قىزمەت اترەتى مەن قىستاق ”ەكى كوميتەتى“ 500 مىڭ يۋان دامۋدى سۇيەمەلدەۋ قارجىسىن دا بەلسەنە ءوتىنىش ەتىپ، 220 شارشى مەتر كەلەتىن كەپتەر باعاتىن قورا سالىپ، ”اق قاۋىرسىن پاتشا“ اسىل تۇقىمدى كەپتەرىنەن 1000ىن ەنگىزدى.
عىلمي باعىمشىلىقتى دامىتۋ ءۇشىن قىزمەت اترەتىندەگىلەر مەن قىستاق ”ەكى كوميتەتى“ باعىمشىلىق ماماندارىن بەلگىلى مەرزىمدە قىستاققا كەلىپ جەتەكشىلىك ەتىپ، قىزمەت وتەۋگە ۇسىنىس ەتتى ءارى قىستاق تۇرعىندارى ۋاكىلدەرىن سانجى، شىحىزى سياقتى جەرلەردىڭ سويىس كەپتەر فەرماسىنا بارىپ كورۋگە، ۇيرەنۋگە ۇيىمداستىردى. قىزمەت اترەتى تاعى بۋىرشىن اۋدانىنىڭ قوناق سارايلارىمەن، كەشكى بازارلارىمەن، ت. ب بەلسەنە بايلانىس جاساپ، ساۋدا توقتامىنا قول قويىسىپ، قىستاق تۇرعىندارىنىڭ ساتۋ ارناسىن كەڭەيتۋىنە كومەكتەستى.
”باعىمشىلىق قوعامى اي سايىن ورتا ەسەپپەن 300 جۇپقا تارتا سويىس كەپتەر ساتا الادى، ءبىر جۇپ سويىس كەپتەردىڭ باعاسى 50 نەشە يۋان، ءبىر جىلدىق كىرىس 100 نەشە مىڭ يۋان، ءاربىر باعىمشىلىق وتباسىلارىنىڭ جىلدىق ورتاشا كىرىسىن 10 مىڭ يۋاننان اسىرۋعا بولادى“، - دەدى جاڭ يۇنشوۋ.
سويىس كەپتەر باعىمشىلىعىنىڭ ونىمدىلىگى كورنەكتى بولىپ، قىستاق تۇرعىندارىنىڭ سويىس كەپتەر باعۋ بەلسەندىلىگىن بارىنشا جۇمىلدىردى، كەزەكتە 15 قىستاق تۇرعىنى قوعامعا كىردى.
”ساتۋ ماسەلە ەمەس، بازار كۇسەت مەزگىلدە قاجەتتى قامداي الماي دا قالادى. بيىل باعىمشىلىق كولەمىن كەڭەيتىپ، 300 شارشى مەتر كەلەتىن كەپتەر باعاتىن قورادان تاعى دا بىرەۋىن سالىپ، اسىل تۇقىمدى كەپتەردەن 1200ىن ەنگىزىپ، قىستاعىمىزدى سويىس كەپتەر باعىمشىلىق ەرەكشە قىستاعى ەتىپ قۇرىپ، سويىس كەپتەر باعىمشىلىعىنىڭ كولەمدەنۋ، كاسىپ سالالانۋ جولىمەن ءجۇرۋىن ىلگەرىلەتىپ، اناعۇرلىم كوپ قىستاق تۇرعىندارىن كىرىستى ارتتىرىپ اۋقاتتانۋعا باستاماقشىمىز“، - دەدى وسى قىستاقتىڭ پارتيا ياچەيكا شۋجيى ۋ شياۋميڭ.
سويىس كەپتەر باعىمشىلىعى قوسىنىنا قاتىناسقان قىستاق تۇرعىندارى قاتارىنىڭ بارعان سايىن كوبەيۋىنە بايلانىستى ءىشىنارا قىستاق تۇرعىندارى اتباس بۇرشاق جانە نوقات سياقتى ەرەكشە ەگىس داقىلدارىن ەگىپ، سويىس كەپتەر باعىمشىلىعى قاجەتىن قاناعاتتاندىرۋمەن بىرگە، قىزىلۇيەڭكى قىستاعىن كوپ نەگىزدى ەگىمشىلىككە جەتەكتەپ، قىستاق تۇرعىندارىنىڭ كىرىستى ارتتىرىپ اۋقاتتانۋ جولىنىڭ بارعان سايىن كەڭەيە تۇسۋىنە مۇمكىندىك جاسادى.
