سۇيىسپەنشىلىك جۇڭچيۋدا شۋاق شاشىپ، باس قوسۋ مەرەيىنەن بىرگە ءلاززاتتاندى

سۇيىسپەنشىلىك جۇڭچيۋدا شۋاق شاشىپ، باس قوسۋ مەرەيىنەن بىرگە ءلاززاتتاندى

− رايونىمىزداعى ءار ۇلت كادر - بۇقاراسى مەرەيلى مەرەكەنى قۋانىشپەن تويلادى

9 - ايدىڭ 13 - كۇنى قىستاق تۇرعىنى مامەتجان ەركىن (وڭنان 3 - ) وتباسى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ءپايزاۋات اۋدانى قىزىلسۋ اۋىلى يانيرىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەن جۇپ قۇراعان تۋىسىن ۇيىنە شاقىرىپ، جۇڭچيۋدى بىرگە وتكىزدى. 

كوتەرىلسە تولعان اي كوكجيەكتە تەڭىزدە، ەسكە تۇسەر قيىرداعى جاقىندار مەن دوس - جاران. 9 - ايدىڭ 13 - كۇنى جۇڭچيۋ مەرەكەسى، تيانشاننىڭ تۇستىگى مەن تەرىستىگىندەگى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان كادرلار، جۇپ قۇراپ، تۋىس بولعان كادرلار جانە ءار سالا، ءار كاسىپتەگى كادر - قىزمەتشىلەر ءار ۇلت بۇقاراسىمەن بىرگە باس قوسۋ مەرەيىنەن بىرگە ءلاززاتتانىپ، مەرەيلى مەرەكەنى بىرگە تويلادى.

■ جىلى شۋاق جۇرەكتەرگە قۇيىلدى

”ءۇيىمىز ەككەن 14 مۋ جەردەگى جاڭعاق پەن 8 مۋ جەردەگى كۇرىشتەن مول ءونىم الدىق، وعان باققان سيىر مەن قويدى قوسساق، بيىل وتباسىمىزدىڭ كىسى باسىندىق ورتاشا تابىسى 20 مىڭ يۋاننان اسايىن دەپ تۇر، بۇل ءۇشىن پارتيانىڭ ابزال ساياساتىنا راقىمەت ايتامىز!“، - دەدى ۋىنسۋ اۋدانى توقۇلا اۋىلى وزەنبويى قىستاعىندا تۇراتىن 70 جاستاعى مولدانياز توحتى 9 - ايدىڭ 13 - كۇنى تۋىسى سۋ شينگە.

جۇڭچيۋ مەرەكەسى كۇنى اقسۋ ايماقتىق پارتكومنىڭ شەجىرە كەڭسەسىنىڭ كادرلارى جۇپ قۇراعان تۋىسىمەن بىرگە جۇڭچيۋ مەرەكەسىن وتكىزۋدى تاڭدادى، ولار ايكۇلشە سياقتى حال سۇراۋ زاتتارىن الىپ وزەنبويى قىستاعىنداعى تۋىستارىنىڭ ۇيىنە بارىپ، تۋىستارىنا جۇڭچيۋ مەرەكەسىنىڭ مادەنيەتى، عۇرىپ - ادەتى جايلى اڭگىمەلەپ بەرىپ، بيىلعى تابىستارى تۋرالى اڭگىمەلەستى.

قىستاق تۇرعىندارى ىركەس - تىركەس جۇپ قۇراپ، تۋىس بولعان كادرلارمەن بىرگە سۋرەتكە ءتۇستى. ”سۋ شين كەلگەن سايىن مەنىمەن بىرگە سۋرەتكە تۇسەدى“، - دەيدى مولدانياز توحتى.

بىرگە تۇسكەن سۋرەت مەرەيلى ساتتەردى ەستەلىككە الدى؛ راقىمەت ايتىسقان سوزدەر شىنايى سۇيىسپەنشىلىكتى جەتكىزدى.

”راقىمەت سەندەرگە، جاپا شەكتىڭدەر“. اراتۇرىك اۋدانى نوم قالاشىعى ىنتىماق قىستاعىنىڭ تۇرعىنى سۇي باۋ داۋىستاپ تۇرىپ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنە العىس ايتتى.

9 - ايدىڭ 13 - كۇنى تۇستەن كەيىن نوم قالاشىعى ىنتىماق قىستاعى ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن وتكىزدى. كوپشىلىك ”سۇيىسپەنشىلىكتى داۋىستاپ ايتۋ“ دەيتىن ءوزارا وينالاتىن ويىنعا بەلسەنە قاتىناسىپ، جۇپ قۇراپ، تۋىس بولعان كادرلار مەن تۋىستارى ءبىر - بىرىنە ءوز اسەرلەرىن ايتىپ، جۇرەك سوزدەرىن جەتكىزدى.

سۇي باۋ بىلاي دەدى: ”بيىل ءبىز مەرەكەنى بىرگە وتكىزدىك، وسى ورايدا مەن داۋىستاپ تۇرىپ قىستاقتا تۇراتىن كادرلارعا العىس ايتقىم كەلەدى. بۇل جۇڭچيۋ ەرەكشە ءماندى ءوتتى“.

■ ىنتىماق سۇيسپەنشىلىگىن بىرگە اڭگىمەلەدى

ءجۇزىم ساباعىندا جۇزىمدەر سامالاداي سالبىراپ تۇر؛ ءجۇزىم سورەسىنىڭ استىنداعى داستارقانعا جەمىس - جيدەك، ايكۇلشە، پالاۋ تولتىرا تىزىلگەن. شات كۇلكى، شادىمان ءۇن ىشىندە ادامدار تاماقتانا وتىرىپ اڭگىمە دۇكەنىن قۇرۋدا.

9 - ايدىڭ 13 - كۇنى تۇستەن بۇرىن «كوڭىلدى بويجەتكەن» دەگەن ءان اۋەنىمەن ءبي بيلەنىپ، ”تيانشان باۋرايىندا. انار گۇلى قۇلپىرعان − ءجۇزىم سورەسىنىڭ استىندا باس قوسىپ، قول ۇستاسا وتىرىپ ىنتىماق قالاسىن بىرگە قۇرايىق“ اتتى ۇلتتار ىنتىماعىنىڭ بىرلەسكەن دوستىق قيمىلى ءۇرىمجى قالاسى تيانشان رايونى جەڭىس جولى اۋماعىندا وتكىزىلدى.

تيانشان رايونىنىڭ كادرلارى وزدەرىنىڭ جۇپ قۇراعان تۋىستارىن شاقىرىپ كەلسە، جاقىن ماڭداعى الەۋمەتتىك اۋماقتاعى ءار ۇلت بۇقاراسى دا وزدىكتەرىنەن قيمىلعا قاتىناسىپ، 10 نەشە ۇزىن ۇستەلدى قورالاي وتىرعان ادام 200دەن استى.

وزدەرى جاساعان باس قوسۋ بالكۇلشەسى قيمىلدى قىزۋ ورەگە كوتەردى، جۇپ قۇراعان تۋىستار بالكۇلشەنىڭ ۇستىنە ”ىنتىماق“، ”باس قوسۋ“ دەگەن سوزدەردى بىرگە جازدى. جۇپ قۇراعان تۋىسى ياڭ ايمينمەن بىرگە جاساعان بالكۇلشەنى كوتەرىپ تۇرعان ءلايلا ءناسي اسا قۋانىشپەن: ”جۇڭچيۋ − باس قوساتىن مەرەكە، ءار ۇلت بۇقاراسى جۇڭچيۋ مەرەكەسىن بىرگە تويلاسا وتە ءماندى بولادى ەكەن، قازىرگى تۇرمىسىمىز وسى بالكۇلشەدەي ءتاتتى!“ دەدى.

9 - ايدىڭ 12 - كۇنى كەشتە حوتان اۋدانى بۇزاق اۋىلى بىرىككەن ساۋىق كەشىن وتكىزدى، 400دەن استام جاس وقىتۋشى - قىزمەتكەرلەر اۋىلدىق ورگاننىڭ، ءارقايسى پۋنكت - بولىمشەلەردىڭ، قىستاقتا تۇراتىن قىزمەت اترەتىنىڭ ءار ۇلت كادرلارىمەن، جۇمىسشى - قىزمەتكەرلەرىمەن بىرگە قۋانىشتى تۇردە جينالىپ، باس قوساتىن مەرەكەنى بىرگە قۇتتىقتاپ، بولاشاق جايلى كوسىلە كەڭەستى.

”حوتاننىڭ دامۋى ءار ۇلت ۇزدىك كادرلارىنان ايرىلا المايدى، ولاردىڭ باسىم كوبى اۋىلىنان الىستاپ، حوتاننىڭ وسىناۋ ىرىستى توپىراعىنا جاستىق كوكتەمدەرىن ارنادى“، - دەدى حوتان اۋدانى بۇزاق اۋىلىنىڭ ورىنباسار باستىعى لۇي جىنپيڭ، ”جۇڭچيۋ مەرەكەسىندە بىرلەسكەن ساۋىق كەشىن وتكىزۋ كوپشىلىككە مەرەكەلىك تىلەك جولداپ، ءار ۇلت كادرلارى مەن بۇقاراسىنىڭ ءوزارا ىقپالداستىعىن، ىنتىماعىن نىعايتۋ“.

■ ءداستۇرلى مادەنيەت ءتۇسى قويۋ

9 - ايدىڭ 13 - كۇنى ەرتەمەن ماناس اۋدانى ماناس قالاشىعى فىڭچىڭ الەۋمەتتىك اۋماعىنىڭ قيمىل ۇيىندە ماناس اۋدانى اۋىل شارۋاشىلىعى جۇيەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا ماناس قالاشىعى فىڭچىڭ الەۋمەتتىك اۋماعىندا تۇراتىن قىزمەت اترەتىندەگىلەر تۇرعىندارعا جۇڭچيۋ مەرەكەسىنىڭ كەلۋ تاريحىن ءتۇسىندىرىپ جاتتى.

ىلە - شالا قاراستى اۋماقتىڭ تۇرعىندارى كلاسسيك ولەڭدەردى وقىدى، وقىلعان ولەڭدەردەن قويۋ مەرەكەلىك لەپ ەستى.

”جۇڭچيۋ مەرەكەسىندە ىنتىماقتى اڭگىمەلەۋ“ بۋىنىندا كوپشىلىك ءوز كەشىرمەلەرىمەن بىرلەستىرىپ، ماڭىندا تۋىلعان ۇلتتار ىنتىماعى حيكايالارىن ايتىپ، اناردىڭ دانىندەي تىعىز ۇيىساتىندىقتارىن ءبىلدىردى.

تۇرعىن راۋشانگۇل ابدۇكەرىم اسا قۋانىشتا، ويتكەنى ول تۋىسىمەن بىرگە جۇڭچيۋ مەرەكەسى قيمىلىنا قاتىناسىپتى. ول بىلاي دەدى: ”جۇڭچيۋ مەرەكەسى ءبىزدىڭ ورتاق مەرەكەمىز، تۋىستارىمىزبەن، دوستارىمىزبەن بىرگە جۇڭچيۋدى بىرگە تويلاپ، ويىن ويناپ، ايكۇلشە جەۋ وتە ءماندى بولدى“.

9 - ايدىڭ 13 - كۇنى تۇستەن كەيىن بۇراتالا قالاسى چيڭدالا ءمالىسى شياڭحى الەۋمەتتىك اۋماعىنان سيا ءيىسى مۇڭكيدى، ءار ۇلت كادر - بۇقاراسى قۋانىشپەن باس قوسىپ، ”جازبا - سىزبامەن جۇڭچيۋدى قارسى الۋ. كورشىلەر ارا بىرىككەن ساۋىق“ قيمىلىن وتكىزدى.

الەۋمەتتىك اۋماقتىڭ تۇرعىنى لو جۇڭكۇي ادەمى جازۋ جازىپ، سۋرەت سالىپ، كوپشىلىككە تىلەك جازدى.

لو جۇڭكۇي تاعى تۇرعىندارعا حاتكەرلىك بىلىمدەر جانە جازۋ جازۋداعى تۇرىس سياقتىلاردى ءتۇسىندىردى، تۇرعىندار ءتۇسىندىرۋدى مۇقيات تىڭداپ، ءبىر - ءبىر سىزىق بويىنشا جاتتىعىپ، ءاربىر سىزىقتان جۇڭحۋا ءداستۇرلى مادەنيەتىنىڭ اسەمدىگىن سەزىندى.

”جۇڭچيۋ مەرەكەسى ارقىلى كوپشىلىك قۋانىشپەن باس قوسىپ، ءدامدى تاعامداردان بىرگە ءدام تاتىپ، ءارىپ جۇمباعىن شەشىپ، ويىن ويناپ، بىرگە حاتكەرلىك ۇيرەندىك، مارە - سارە بولىپ قانا قويماي، تاعى كوپتەگەن ءبىلىم ۇيرەندىك“، - دەدى ءوز قولىمەن جازعان جۇڭچيۋ مەرەكەسىنىڭ تىلەك سوزىنە قاراپ تۇرعىن ياڭ لايپيڭ اسا قۋانىشپەن.