اقىرى جارتيرمەن قىستاعىنىڭ يىڭسار ورىگى تۇگەلدەي جينالىپ، ساتىلىپ بولدى. قىستاق تۇرعىندارى شاتتىقا شومدى، قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى دە ولارمەن بىردەي قۋانىشقا بولەندى.
جارتيىرمەن قىستاعى قاشقار ايماعى يىڭسار اۋدانى ماڭشين قالاشىعىنا ورنالاسقان، قىستاقتىڭ ەگىستىك جەرى از، كوبىنەسە ءبيداي ەگەدى.
بىرنەشە جىلدىڭ الدىندا، شينجياڭ كايفاڭ داشۋەسىنىڭ جارتيىرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جەرگىلىكتى جاعدايعا قاراي ىستەپ، ورمان اراسىنداعى ەگىمشىلىكتى دامىتىپ، ءبيداي اتىزىنا ورىك اعاشىن ارالاستىرا ەگىپ، قىستاق تۇرعىندارىنىڭ كىرىسىن ارتتىرۋعا كومەكتەستى.
شينجياڭ كايفاڭ داشۋەسىنىڭ جارتيرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى شيە ۋي اعاشقا شىعىپ، قىستاق تۇرعىندارىنىڭ ورىك ۇزۋىنە كومەكتەستى. سۋرەتتى جاڭ پىڭ تۇسىرگەن
بيىل جارتيىرمەن قىستاعىنىڭ 400 مۋدان استام جەرىندەگى ورىك اعاشى جەمىس بەردى. 7 - ايدا قىستاقتاعى ورىك ءۇزۋ مەزگىلىنە ءوتتى. باسقا ورىك ەگەتىن ءىرى قىستاق، ءىرى وتباسىلارىمەن سالىستىرعاندا ۇقسامايتىن جەرى، جارتيىرمەن قىستاعىنىڭ ورىگىن الىپساتارلار تولىعىمەن الىپ ۇلگىرمەيتىن. ونىڭ ۇستىنە قىستاقتاعى كوپتەگەن ادامدار سىرتقا شىعىپ جۇمىس ىستەپ، جۇمىسقا ورنالاسىپ، ساۋدامەن شۇعىلدانىپ، وقۋ وقىپ كەتكەن بولاتىن، سونىمەن قاتار ورىك پىسقان سوڭ جاس كۇيىندە ساقتاپ قويۋعا كەلمەيتىندىكتەن، قىستاق تۇرعىندارى ءوز كۇشتەرىنە سۇيەنىپ ءۇزىپ، ساۋدالاۋعا مۇلدەم ۇلگىرمەيتىن ەدى. سونىمەن جارتيىرمەن قىستاعىنىڭ ورىگىن ءۇزۋ، ساۋدالاۋ قىستاق تۇرعىندارىنىڭ شۇعىل، قيىن، ۋايىمداعان، ءزارۋ ماسەلەسىنە اينالدى.
يىڭسار اۋدانى ماڭشين قالاشىعى جارتيىرمەن قىستاعىنىڭ بيىلعى جيناعان ورىكتەرى. سۋرەتتى جاڭ پىڭ تۇسىرگەن
شينجياڭ كايفاڭ داشۋەسىنىڭ جارتيىرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ءبىر جاعىنان مەكتەپ جۇمىسشى ۇيىمى قاتارلىلارمەن بايلانىس جاساپ، قوعامنىڭ ءار سالاسىن قىستاق تۇرعىندارىنىڭ يىڭسار ورىگىن ساۋدالاۋىنا كومەك جاساۋعا تولىعىمەن اتتانىسقا كەلتىرىپ، ساۋدا ارناسىن كەڭەيتتى، ەندى ءبىر جاعىنان قىستاق ”ەكى كوميتەتىمەن“ بىرلەسىپ، قىستاق تۇرعىندارىنىڭ ورىك جيناۋىنا كومەكتەستى. كوپشىلىك اعاشقا ورمەلەپ ورىك ءۇزدى، ونان سوڭ ورىكتەردى سۇرىپتاپ، جاشىككە سالىپ، قوراپتاپ، جونەلتتى. كوپ ۇزاماي جاشىك - جاشىك يىڭسار ورىكتەرى اۆياتسيا سياقتى زات اينالىم ارنالارى ارقىلى بەيجيڭ، شاڭحاي، گۋاڭدۇڭ، حىنان، جياڭسۋ سياقتى جەرلەرگە ساتىلدى.
شينجياڭ كايفاڭ داشۋەسىنىڭ جارتيىرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە ورىكتەردى سۇرىپتاپ، جاشىككە سالىپ، ساۋدالاۋعا دايىندادى. سۋرەتتى جاڭ پىڭ تۇسىرگەن
شينجياڭ كايفاڭ داشۋەسىنىڭ جارتيىرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە تۇندەلەتىپ قوراپتاپ، جونەلتۋگە دايىندالدى. سۋرەتتى جاڭ پىڭ تۇسىرگەن
7 - ايدىڭ 18 - كۇنى شينجياڭ كايفاڭ داشۋەسىنىڭ جارتيىرمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى جاڭ پىڭ بىلاي دەدى: جارتيىرمەن قىستاعىنىڭ ورىگى جينالىپ، ساۋدالانىپ بولدى. بيىلعى ساتىلىم مولشەرى 7.1 توننا بولدى. بۇدان بىلاي قىستاقتىڭ ورىك اعاشتارى تولىق جەمىس بەرەتىن مەزگىلگە جەتكەندە، ورىك جەمىسى قىستاق تۇرعىندارىنا ءتىپتى دە كوپ كىرىس كىرگىزەتىن بولادى.
