6 ـ ايدىڭ 14 ـ كۇنى شيحۋ قالاسى ”وتباسىلىق قوناعاسىنان ءدام تاتۋ، سانسىز وتباسىنىڭ تىلەگىن جەتكىزۋ، 100 وتباسى دۋان ـ ۋ مەرەكەسىن بىرگە قارسى الۋ“ قيمىلىن ورىستەتتى، ٴار ۇلت پارتيا مۇشەلەرى، كادرلار مەن بۇقارا وتباسىلىق قوناعاسىنان ٴدام تاتىپ، سان وتباسىنىڭ سۇيىسپەنشىلىگىن اڭگىمەلەپ، دۋان ـ ۋ مەرەكەسىن قارسى الدى.
بۇل رەتكى قيمىلدى شيحۋ قالالىق پارتكوم ۇگىت ٴبولىمىنىڭ جاڭا قالا رايونى ٴمالىسى ۋىندى جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، ۋىندى جولى الەۋمەتتىك اۋماعى پارتيا ياچەيكاسى پارتكومعا مۇشە ورىندارمەن بىرلەسىپ ۇيىمداستىرىپ ورىستەتتى. ٴار ۇلت پارتيا مۇشەلەرى، كادرلار مەن بۇقارا ۇزىن ۇستەل قويىپ، الۋان ٴتۇرلى قۋىرماشتارىن اكەلىپ، ۇستەل باسىنا قورالانا وتىرىپ، ٴبىر جاعىنان دەن قويا پىسىرعان ٴدامدى - قۇجىرلاردان اۋىز ءتيدى، ەندى ٴبىر جاعىنان تارتىمدى ادەبيەت ـ كوركەمونەر نومىرلەرىن بىرگە تاماشالادى، ناق مايداندا شاتتىق ٴۇنى تولاستاماي، دۋمانعا بولەنىپ، ۇلتتار ىنتىماعىنىڭ بەرەكەلى شاڭىراعىنىڭ قويۋ رايى قالىپتاستى.
جاڭا قالا رايونى ٴمالىسى ۋىندى جولى الەۋمەتتىك اۋماعىنىڭ تۇرعىنى تاڭ زىحان بىلاي دەدى: ”داشۋە وقۋشىسى پارتيا مۇشەسى رەتىندە، مەن ٴوز رولىمدى ساۋلەلەندىرىپ، ۇلتتار ىنتىماعى مەن كورشىلەر اراسىنداعى جاراسىمدىلىقتى اناعۇرلىم ويداعىداي جەبەۋدى ٴۇمىت ەتەمىن“.
جاڭا قالا رايونى ٴمالىسى ۋىندى جولى الەۋمەتتىك اۋماعىنىڭ تۇرعىنى راۋشان تۇرسىن بىلاي دەدى: ”وسى رەتكى دۋان ـ ۋ مەرەكەسى قيمىلىندا، بارلىعىمىز بىرلىكتە ەرەكشە قۋانىشقا بولەندىك، ءار ۇلت حالىقى بىرلىكتە ىنتىماقتاسىپ، بارلىعىمىز تاتۋ - ءتاتتى ءبىر ءۇيلى جاننىڭ ادامدارىنا اينالامىز“.
قيمىل بارىسىندا ٴار ۇلت پارتيا مۇشەلەرى، كادرلار، بۇقارا قىزىقتى ويىن، قياق كۇرىش ٴتۇيۋ جارىسى سياقتى قيمىلداردى وتكىزۋ ارقىلى ارالىقتارىن جاقىنداتىپ، تۇرعىندارعا بەرەكەلى كورشىلەر سۇيىسپەنشىلىگىن سەزىندىردى.
جاڭا قالا رايونى ٴمالىسى ۋىندى جولى الەۋمەتتىك اۋماعىنىڭ تۇرعىنى حان يافاڭ بىلاي دەدى: ”قياق كۇرىش ٴبىزدىڭ ٴداستۇرلى ٴدامدى تاعامىمىز، ٴار ۇلت حالىقى بىرگە باس قوسىپ، ٴدامدى تاعامداردان بىرگە اۋىز ءتيىپ، جاراسىمدى مەكەندى بىرگە قۇرايىق“.
شيحۋ قالالىق پارتكوم ۇگىت ٴبولىمىنىڭ جاڭا قالا رايونى ٴمالىسى ۋىندى جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ٴبىرىنشى شۋجي شۇي حۇڭ بىلاي دەدى: ”بۇدان كەيىن ٴبىز ٴتىپتى دە كوپ مادەنيەت قيمىلدارىن ورىستەتىپ، مادەنيەت قيمىلدارى ارقىلى جۇرت تىلەگىن ۇيىستىرىپ، مادەنيەت ارقىلى ادام باۋلىپ، مادەنيەت ارقىلى ادام تاربيەلەپ، مادەنيەت ارقىلى ادامداردى ۇيىستىرىپ، مادەنيەت ارقىلى ادامعا شاتتىق سيلايمىز“. (شيحۋ قالالىق توعىسپالى مەديا ورتالىعىنىڭ ٴتىلشىسى ۋاڭ دىگاڭ)
