تيانشان تورى - شينجياڭ گازەتىنىڭ حابارى (ءتىلشى ۋي حۇڭپيڭ حابارلايدى) 5 - ايدىڭ 26 - كۇنى − اۆتونوميالى رايوننىڭ 21 - رەتكى ”ورتا تازالىعى جۇمىسشىلارىنىڭ مەرەكەسى“. 5 - ايدىڭ 23 - كۇنى ٴۇرىمجى قالاسى تيانشان رايوندىق وقۋ - اعارتۋ مەكەمەسىنىڭ جەڭىس جولى ٴمالىسى سانتۇنبي الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى كوشەگە شىعىپ، ورتا تازالىعى جۇمىسشىلارىنىڭ جۇمىسىن ىستەدى ءارى حال سۇراۋ بۇيىمدارىن بەردى.
5 - ايدىڭ 23 - كۇنى ٴۇرىمجى قالاسى تيانشان رايوندىق وقۋ - اعارتۋ مەكەمەسىنىڭ جەڭىس جولى ٴمالىسى سانتۇنبي الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ورتا تازالىعى جۇمىسشىلارىنىڭ جۇمىسىن ىستەدى. سۋرەتتى تيانشان تورى - شينجياڭ گازەتىنىڭ ٴتىلشىسى ۋي حۇڭپيڭ تۇسىرگەن
5 ـ ايدىڭ 23 ـ كۇنى تيانشان رايونى جەڭىس جولى ٴمالىسى سانتۇنبي الەۋمەتتىك اۋماعىندا، قاراستى اۋماقتاعى 22 ورتا تازالىعى جۇمىسشىسىنىڭ ”ورتا تازالىقشىلارى مەرەكەسىن“ ءماندى وتكىزۋى ٴۇشىن، سانتۇنبي الەۋمەتتىك اۋماعى مەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى بىرلەسىپ ”ەڭبەكتىڭ ارداقتىلىعىنا ماداق ايتىپ، ورتا تازالىعى جۇمىسشىلارىنا مەيىر جەتكىزۋ“ مەيىر باعىشتاۋ قيمىلىن ورىستەتتى.
ٴۇرىمجى قالاسى تيانشان رايونى جەڭىس جولى بويىنداعى ٴبىر ٴبولىم وڭىرلەردە كۇردەك كيگەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى سۋ شەلەگىن كوتەرىپ، تازالىق قۇرالدارىن الىپ، ورتا تازالىعى جۇمىسشىلارىمەن بىرگە قورشامانى جۋىپ، تازالىق اۋماعىن تازالاپ، قوقىر ـ قوقسىق ساندىعىن ٴسۇرتتى، كوپشىلىك جۇمىس ىستەي ٴجۇرىپ اڭگىمە دۇكەنىن قۇردى.
سانتۇنبي الەۋمەتتىك اۋماعىنىڭ تازالاۋعا ٴتيىستى اۋماعى 0.6 شارشى كيلومەتر، جەڭىس جولى مەن شينحۋا وڭتۇستىك جولى نەگىزگى جولىنىڭ ٴبىر ٴبولىم جاعالاۋىن، سونداي ـ اق قاراستى اۋماقتاعى اۋلالاردى قامتيدى، ”قىزمەت الماستىرعان“ سوڭ، قىزمەت اترەتىنىڭ مۇشەلەرى تازالىق قىزمەتىنىڭ وڭاي ەمەستىگىن شىنايى سەزىندى.
قىزمەت اترەتىنىڭ مۇشەسى جانار ادەنبەك بىلاي دەدى: ”كوكتەم، جاز، كۇز، قىس ماۋسىمنىڭ شىلىڭگىر ىستىق، قاقاعان سۋىق كۇندەرىندە، وسى تازالىق جۇمىسشىلارى بولعاندىقتان عانا ٴبىز تۇرمىس كەشىرىپ جاتقان قالا وسىنشاما كوركەم بولدى، بۇگىن مەن دە سولار سياقتى قوس قولىممەن قاجىرلى ەڭبەك ەتىپ، كوشە اۋماعىن تازارتتىم، مۇنى ماقتانىش ەتەمىن“.
كۇرىش، استىق ـ ماي سياقتى حال سۇراۋ بۇيىمدارىن تاپسىرىپ العان ورتا تازالىعى جۇمىسشىلارى قاتتى اسەرلەندى، تازالىق گرۋپپاسىنىڭ باستىعى ٴورقىز ياقۇپ بىلاي دەدى: ”قوعامنىڭ ٴار سالاسىنداعىلاردىڭ كوڭىل ٴبولۋى، قامقورلىعى ٴبىزدىڭ ورتا تازالىعىن جاقسى ىستەۋىمىزدەگى قوزعاۋشى كۇش، ٴبىز قىزمەت ورنىمىزدان تاپجىلمايمىز، ءارى ٴتىپتى دە كوپ قالا تۇرعىندارىنىڭ قورشاعان ورتانى قورعاۋ تانىمىن جوعارىلاتىپ، قالانىڭ تازالىعىن بىرگە قورعاۋىن ٴۇمىت ەتەمىز“.
ٴۇرىمجى قالاسى تيانشان رايوندىق وقۋ ـ اعارتۋ مەكەمەسىنىڭ جەڭىس جولى ٴمالىسى سانتۇنبي الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ٴبىرىنشى شۋجيى، اترەت باستىعى يۇي لەي مىنانى ءبىلدىردى: اۆتونوميالى رايوننىڭ ”ورتا تازالىقشىلارى مەرەكەسى“ قارساڭىندا، وسى رەتكى قيمىلدىڭ ورىستەتىلۋى − ورتا تازالىعى جۇمىسشىلارىنا دەگەن قامقورلىق، قۇرمەت، سونداي - اق كوپشىلىكتى تازا، رەتتى قالا ورتاسىن قورعاۋعا بەلسەنە ات سالىسۋعا ۇندەۋ بولىپ تابىلادى.
