نارات ورىك گۇلى اڭعارى ساياحاتىنىڭ دامۋىنا دەم بەرۋ ٴۇشىن، كۇنەس اۋداندىق وقۋ ـ اعارتۋ مەكەمەسى ياڭشين، رۇنشين، يۇيشين، شۋشين سياقتى 4 وقۋ ـ اعارتۋ توبىنىڭ 100 دەن استام اسەمونەر مۇعالىمىن تۇرگەن اۋىلىنىڭ ۇلكەن اڭعارىنا كەلىپ تاس سۋرەتىن سالۋعا ۇيىمداستىردى. جاسامپازدىق جاراتۋشىلار اسا شەبەرلىكپەن ٴبىر كەسەك تاستى جاندى سۋرەتتەرگە اينالدىرىپ، تاۋ قويناۋىنداعى تاستاردى تاماشا كوركەمونەر بۇيىمدارىنا اينالدىردى.
3 - ايدىڭ 28 - كۇنى تۇرگەن اۋىلى ۇلكەن اڭعارىندا سالىنعان اسەم قول سىزبا سۋرەتتەر يرەلەڭدەگەن ۇلكەن اڭعاردىڭ كوز جاۋىن الاتىن كوركەم كورىنىسىنە اينالدى، تاس سىزبالارىنىڭ مۇمكىندىكتىڭ بارىنشا تابيعي كورىنۋى ٴۇشىن، وقىتۋشىلار ەگجەي - تەگجەيلى وي جۇگىرتكەننەن كەيىن بارىپ تاستى مايدالاپ، سۇلبالاپ، بوياۋ بەرە باستادى، ىلەنىڭ كوركەم جاراتىلىستىق كورىنىسى مەن ەرەكشە سالت - ساناسىن ايگىلەۋگە كۇش سالدى. ساياحاتشىلاردى تاماشالاۋعا، سۋرەتكە تۇسۋگە باۋراۋ ٴۇشىن، سۋرەتشى مۇعالىمدەر جانسىز تاسقا جان ءبىتىرىپ، ەرەن ونەرلەرىن كورسەتتى.
كۇنەس اۋداندىق يۇيشين باستاۋىش مەكتەبىندەگى جياڭ يانۋي بىلاي دەدى: ”كۇنەس اۋدانىنداعى مەكتەپتەردىڭ اسەمونەر وقىتۋشىلارى اپتا سوڭىنداعى ۋاقىتتان پايدالانىپ، تۇرگەن ۇلكەن اڭعارىنا كەلىپ، تاۋ تاسىن قامقامەن ورادى، سونداي ـ اق ورىك گۇلى مەرەكەسىنە ٴوز ۇلەستەرىن قوستى“.
اققىرقا قىستاعىنىڭ قولداۋشى ورنى رەتىندە، كۇنەس اۋداندىق وقۋ ـ اعارتۋ مەكەمەسى ورىك گۇلى مەرەكەسىنىڭ وڭىرلىك مادەنيەتى مەن وزىندىك ابزالدىلىعىنا سۇيەنىپ، تاس سۋرەت كەلبەتىن بەلسەنە قالىپتاستىرىپ، جەرگىلىكتى ورىننىڭ سالت ـ سانا مادەنيەتىن ۇزدىكسىز بايىتىپ، تابيعات پەن جاسامپازدىقتى ۇلكەن اڭعاردا توعىستىرىپ، كوركەم دۇنيە جاسادى.
كۇنەس اۋداندىق وقۋ ـ اعارتۋ مەكەمەسىنىڭ تۇرگەن اۋىلى اققىرقا قىستاعىندا تۇراتىن ”ۇعىسۋ ، تيىمدىلىك جاساۋ ، توعىستىرۋ“ قىزمەت اترەتىنىڭ ٴبىرىنشى شۋجيى ٴادىل زينادىن بىلاي دەدى: ”قىزمەت اترەتى وقۋ ـ اعارتۋ جۇيەسىندەگى اسەمونەر مۇعالىمدەرىن تۇرگەن ۇلكەن اڭعارىنا مادەنيەت رايىن قالىپتاستىرىپ، اناعۇرلىم كوپ ساياحاتشىنى وسىندا ساياحاتتاۋعا باۋراپ، جەرگىلىكتى ورىنداعى مالشىلاردىڭ كىرىسىن ارتتىرىپ، اۋقاتتانۋىنا دەم بەرۋگە جۇمىلدىردى“.
