تيانشان تورى - شينجياڭ گازەتىنىڭ حابارى (ءتىلشى چين پىڭ حابارلايدى) ”قازىر كوكتەمگى ەگىس دايىندىعىنىڭ شەشۋشى مەزگىلى، اترەت مۇشەلەرىمىز، ٴسوز جوق، قىستاق تۇرعىندارىنىڭ قاجەتىن دەر كەزىندە ۇعىسىپ جانە يگەرىپ، ولاردىڭ ەگىس دايىندىعى بۇيىمدارىن ۇيلەسىمدى ورنالاستىرۋىنا جانە سەپتەۋىنە كومەكتەسۋى كەرەك...“، 3 - ايدىڭ 19 - كۇنى، ٴۇرتىس 3 جىل تارباعاتاي ايماعى قوبىقسارى موڭعۇل اۆتونوميالى اۋداندىق جاراتىلىستىق بايلىق مەكەمەسىنىڭ شاعىتى اۋىلى شاعانتۇڭگە قىستاعىندا تۇراتىن ٴبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى بولعان ۋ شيۇڭۋي قىزمەت ورنىنا قايتىپ كەلگەننەن كەيىن ىستەگەن ٴبىرىنشى ٴىسى، ”قىستاقتا تۇراتىن“ قىزمەت اترەتىنىڭ مۇشەلەرىنە قىستاق تۇرعىندارىنا كوكتەمگى ەگىس كەزىندەگى قىزمەت وتەۋ، قامتاماسىز ەتۋ قىزمەتىن ويداعىداي ىستەۋدى ەسكەرتۋ بولدى.
3 - ايدىڭ 19 - كۇنى شاعىتى اۋىلى شاعانتۇڭگە قىستاعىنداعى ساقا اترەت باستىعى ۋ شيۇڭۋي (وڭنان 2 -) جاڭا كەزەكتى قىزمەت اترەتىنىڭ باستىعى جازيرا تولەۋقانمەن بىرگە (وڭنان 1 -) قىستاق تۇرعىندارىنىڭ قويلارىن ەمدەۋدە. سۋرەتتى ياڭ جۇنيىڭ تۇسىرگەن
جاڭادان قىستاققا تۇسكەن ”ۇعىسۋ، تيىمدىلىك جاساۋ، توعىستىرۋ “ قىزمەت اترەتىنىڭ باستىعى، قىزمەت اترەتىنىڭ مۇشەلەرى، قىستاق (الەۋمەتتىك اۋماق) كادرلارىنىڭ قىزمەتكە تەز ارادا قانىق بولۋىنا كومەكتەسۋ ٴۇشىن، قوبىقسارى اۋداندىق ”ۇعىسۋ، تيىمدىلىك جاساۋ، توعىستىرۋ“ كەڭسەسى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ساقا اترەت باستىقتارىنىڭ قىستاققا (الەۋمەتتىك اۋماق ) قايتىپ كەلىپ، ”ۇيرەتۋ، كومەكتەسۋ، جەتەكتەۋ“ قىزمەتىن زور كۇشپەن ىلگەرىلەتتى. موتكە اۋىلىندا ۋ شيۇڭۋي سياقتى 7 ساقا اترەت باستىعى تۇگەلدەي قىزمەت ورنىنا قايتىپ كەلدى. ساقا اترەت باستىقتارى قىستاقتاردى ارالاپ، وتباسىلارىن ارالاۋ، ساياسات جونىندە ۇگىت ـ لەكسيا جاساۋ، قايشىلىقتار مەن داۋ ـ شارلاردى شەشۋ، بۇقارا كوڭىل ٴبولىپ وتىرعان ماسەلەلەرگە جاۋاپ قايتارۋ سياقتى تاسىلدەرىمەن اماليات بارىسىندا ءبىرى بىرەۋىن جەتەكتەۋ، ءبىرى كوبىن جەتەكتەۋ ٴتاسىلى ارقىلى قازىرگى قىستاقتا تۇراتىن قىزمەت اترەتىنىڭ باستىقتارىمەن، قىزمەت اترەتىنىڭ مۇشەلەرىمەن، قىستاق (الەۋمەتتىك اۋماق) كادرلارىمەن جۇپ قۇراپ، وزدەرىنىڭ قىستاقتا تۇرۋ قىزمەت تاجىريبەلەرىن ولارعا قولما ـ قول جەتكىزىپ، ولاردىڭ قىستاقتا تۇرۋ قىزمەتىنە تەز ارادا قانىق بولۋىنا جانە ونى ورىستەتۋىنە كومەكتەستى.
قازىرگە دەيىن قوبىقسارى اۋدانىندا ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ساقا اترەت باستىعىنان 80 ادام قىستاققا (الەۋمەتتىك اۋماق) قايتىپ كەلىپ، ”ۇيرەتۋ، كومەكتەسۋ، جەتەكتەۋ“ قىزمەتىن ورىستەتىپ، قامتۋ سالىستىرماسى %100كە جەتتى.
