”ەسىك الدىنان دا وسىنداي تاماشا كونسەرت كورۋگە بولادى، كوڭىلدىمىز“. 1 - ايدىڭ 6 - كۇنى اۋات اۋدانى جاڭا ارىق قالاشىعى يەكلى قىستاعىنىڭ تۇرعىندارى تۋىس - تۋعان، دوس - جاراندارىنا امانداسا بارعاندا، ەڭ كوپ اڭگىمەلەگەنى شينجياڭ كوركەمونەر تەاترى سەرىك ۇيىرمەسى الىپ كەلگەن مادەنيەت ويىن قويۋ قيمىلى بولدى.
1 - ايدىڭ 26 - كۇنى شينجياڭ كوركەمونەر تەاترى سەرىك ۇيىرمەسىنىڭ ارتيستەرى قىستاق تۇرعىندارىنا تارتىمدى ويىن نومىرلەرىن قويۋدا. سۋرەتتى جاي ۋيمين تۇسىرگەن
مەرەكە كەزىندە ٴار ۇلت بۇقاراسىنىڭ مادەنيەت تۇرمىسىن بايىتۋ ٴۇشىن، اۆتونوميالى رايوندىق مادەنيەت جانە ساياحات مەڭگەرمەسىنىڭ اۋات اۋدانى جاڭا ارىق قالاشىعى يەكلى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ۇسىنىسىنا ساي، 1 - ايدىڭ 26 - كۇنى شينجياڭ كوركەمونەر تەاترى سەرىك ۇيىرمەسىنىڭ ارتيستەرى يەكلى قىستاعىنا كەلىپ، ”ٴبىزدىڭ جۇڭگو ارمانىمىز − مادەنيەتتى سان مىڭداعان وتباسىلارىنا جەتكىزۋ“ مادەنيەت ارقىلى حالىققا تيىمدىلىك جەتكىزۋ ويىن قويۋ قيمىلىن ورىستەتىپ، جەرگىلىكتى بۇقاراعا مول مادەنيەت داستارقانىن ۇسىندى.
قيمىل ۇستىندە، شينجياڭ كوركەمونەر تەاترىنىڭ سەرىك ۇيىرمەسى ”زىرىلداۋىق اينالدىرۋ“، ”دزيۋدو ونەرى“، ”جاپقىش اينالدىرۋ“، ”جالعىز ادامدىق سىرىققا شىعۋ“ سياقتى 10نان استام ٴبىر قىدىرۋ كۇردەلى سەرىك ويىندارىن ورتاعا سالدى، تارتىمدى ويىندار كورەرمەندەردىڭ كوز مەيىرىن قاندىرىپ، شاپالاق ٴۇنى تولاستامادى.
”سەرىك ارتيستەرى بىزگە تارتىمدى ويىن نومىرلەرىن قويىپ بەردى، كوپشىلىك قاتتى كوڭىلدى بولدى، وسىنداي ويىن نومىرلەرىن ۇنەمى كورگىمىز كەلەدى“،- دەدى اۋات اۋدانى جاڭا ارىق قالاشىعى يەكلى قىستاعىنىڭ تۇرعىنى گۇلايشام مامەت تەبىرەنە.
اۆتونوميالى رايوندىق مادەنيەت جانە ساياحات مەڭگەرمەسىنىڭ اۋات اۋدانى جاڭا ارىق قالاشىعى يەكلى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاي ۋيمين بىلاي دەدى: بۇقارانىڭ تۇرمىس دەڭگەيىنىڭ ۇزدىكسىز جوعارىلاپ، مادەنيەت قاجەتى دە ۇزدىكسىز ارتتى، بۇل رەتكى قيمىل شينجياڭدى مادەنيەتپەن نارلەندىرۋ قىزمەتىن تياناقتاندىرۋدىڭ ناقتى ارەكەتى بولىپ تابىلادى، قالىڭ بۇقارانىڭ مادەنيەت تۇرمىسقا بولعان جاڭا قاجەتى مەن جاڭا تىلەگىن قاناعاتتاندىرىپ، نەگىزگى ساتىداعى بۇقارانىڭ رۋحاني مادەنيەت تۇرمىسىن بايىتادى.
