كوكتەم بوساعالىعى مەرەكەگە مەرەي قوسادى. جۇڭحۋانىڭ تاڭداۋلى ٴداستۇرلى مادەنيەتىن ساۋلەلەندىرىپ، كوكتەم مەرەكەسىن قۋانىشپەن قارسى الۋ ٴۇشىن، 1 - ايدىڭ 15 - كۇنى باي اۋدانى 2023 - جىلعى ”ون مىڭ قىستاق، مىڭ اۋىلدىڭ مادەنيەت ونىمدەرى ارقىلى حالىققا تيىمدىلىك جاساۋ قيمىلى“ اتىنداعى كوكتەم بوساعالىعىن، مەرەكەلىك سۋرەت تاراتۋ سالتىن وتكىزدى.
تاراتۋ سالتىندا، كوكتەم بوساعالىعى، مەرەكەلىك سۋرەتتى تاراتۋ قىزمەتىن ويداعىداي ىستەۋ ٴۇشىن، اۋداندىق پارتكوم ۇگىت ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى جاڭ يىڭبياۋ كوكتەم بوساعالىعى، مەرەكەلىك سۋرەت الۋعا كەلگەن ٴارقايسى اۋىل، قالاشىقتىڭ جاۋاپتى باسشىلارى مەن كاسىپ تىرەكتىلەرىنە كوكتەم بوساعالىعىنىڭ كەلۋ توركىنىن، كوكتەم بوساعالىعىنىڭ وڭ - سولىن اجىراتۋ ءادىسىن ەگجەي - تەگجەيلى ٴتۇسىندىردى، ٴارى كوكتەم مەرەكەسى رايىن قالىپتاستىرۋ، كوكتەم بوساعالىعىن جاپسىرۋ سياقتى قىزمەتتەر جونىندە ورنالاستىرۋ جاساپ، اۋىل، قالاشىقتاردان باۋلۋدى تىڭعىلىقتى ورىستەتىپ، قىستاق دارەجەلى ورىنداردىڭ كوكتەم بوساعالىعىن جاپسىرۋ قىزمەتىن ويداعىداي ىستەۋىن قۋزاپ، بۇكىل اۋداندا قويۋ مەرەكەلىك راي قالىپتاستىرۋدى تالاپ ەتتى.
باي قالاشىعى ءشاھارلىق ءمالى قىستاعىندا، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەن قىستاق كادرلارى قىستاق تۇرعىندارىنا كوكتەم بوساعالىعىن تارتۋ ەتتى ٴارى كوپشىلىكپەن بىرگە ىزگى تىلەكتەر جازىلعان كوكتەم بوساعالىعىن جاپسىرىپ، اۋىل ـ قىستاق مەرەكە شاتتىعىنا شومدى.
”كوكتەم بوساعالىعىن“ جازۋ، ”كوكتەم بوساعالىعىن“ ۇسىنۋ، ”مەرەكەلىك سۋرەت“ جاپسىرۋ كوكتەم مەرەكەسىنىڭ ٴداستۇرلى سالت - ساناسىنىڭ ٴبىرى، ٴارى كونەنى تاستاپ، جاڭانى قارسى الۋدىڭ سيمۆولى. حات نۇسقاسى الۋان ءتۇرلى،مەرەكەلىك ءتۇسى قويۋ كوكتەم بوساعالىقتارى، شاتتىققا تولى مەرەكەلىك سۋرەتتەر مەرەكەلىك ىزگى تىلەكتەردى جەتكىزدى.
باي اۋداندىق پارتكوم ۇگىت ٴبولىمىنىڭ كادرى جيا ۋىنبو بىلاي دەدى: ”كوكتەم بوساعالىعى، كالەندار سياقتى مادەنيەت ونىمدەرىن تارتۋ رەتىندە تاراتۋ اۆتونوميالى رايوننىڭ مادەنيەت ارقىلى حالىققا تيىمدىلىك جاساۋ ينجەنەرياسىنىڭ ماڭىزدى مازمۇندارىنىڭ ٴبىرى، جۇڭحۋانىڭ تاڭداۋلى ٴداستۇرلى مادەنيەتىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، شينجياڭدى مادەنيەتپەن نارلەندىرۋدى ىشكەرىلەي اتقارۋدا بەلسەندى مانگە يە. بيىل اۆتونوميالى رايون باي اۋدانىنا 85 مىڭنان استام كوكتەم بوساعالىعى مەن مەرەكەلىك سۋرەت تارتۋ ەتتى، ٴبىز تالاپقا ساي، كوكتەم بوساعالىعى، مەرەكەلىك سۋرەتتەردى تاراتۋ، جاپسىرۋ قىزمەتىن شىنايى ويداعىداي ىستەپ، اۆتونوميالى رايوندىق پارتكومنىڭ قامقورلىعىن سان مىڭداعان وتباسىنا جەتكىزەمىز“.
