كوكتەم مەرەكەسىن قۋانىشپەن قارسى الدى! اقسۋ ايماعى باي مازمۇندى مادەنيەت قيمىلىن ورىستەتتى

日期:2023年01月15日
来源:新疆日报
【字体:

  كوكتەم مەرەكەسى تاياپ قالدى، ءار ۇلت جۇرتشىلىعىنىڭ رۋحاني مادەنيەت تۇرمىسىن بايىتۋ، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ جانە ونى اسقاقتاتۋ ءۇشىن، اقسۋ ايماعىنىڭ ءارقايسى اۋدان، قالالارى جەلىدە جانە جەلىدەن ءتىس ءتاسىلدى ءوزارا ۇشتاستىرا وتىرىپ، باي مازمۇندى مادەنيەت قيمىلىن ورىستەتىپ، شاتتىققا تولى، جاراسىمدى مەرەكەلىك ءتۇس قالىپتاستىردى.

  1 - ايدىڭ 9 - كۇنى اقسۋ ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ۇيىمداستىرۋىمەن، اقسۋ ايماقتىق كىتاپحانا، مادەنيەت سارايى (اسەمونەر سارايى) مىندەتىنە الىپ وتكىزگەن ”جۇڭگو ارمانىمىز − مادەنيەتتى سان مىڭداعان وتباسىلارىنا جەتكىزۋ“ نەگىزگى ساتىعا بارۋ قيمىلى اقسۋ قالاسى ايكول قالاشىعىنىڭ 5 قىستاعى مەن اقسۋ قالاسىنىڭ قالالىق كىتاپ ۇيىندە وتكىزىلدى. قيىمىلدا مادەنيەت ەرىكتىلەرى كوكتەم مەرەكەسىنە ارنالعان بوساعالىق جازىپ، قىستاق تۇرعىندارىنا تەگىن ۇسىنىپ، كوكتەم مەرەكەسىنە ىزگى تىلەك ءبىلدىردى.

  اقسۋ قالاسى ايكول قالاشىعى ھاسا قىستاعىنىڭ قىستاق تۇرعىنى مامەت امەر اسا قۋانىشپەن بىلاي دەدى: ”بۇگىن كوكتەم مەرەكەسىنە ارنالعان بوساعالىققا يە بولعانىما ەرەكشە قۋاندىم. پارتيا مەن ۇكىمەتتىڭ قامقورلىعىنا العىس بىلدىرەمىن، جاڭا ءبىر جىلدا تۇرمىسىمىزدىڭ بارعان سايىن جاقساراتىنىنا كامىل سەنەمىن“.

  اقسۋ ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ اقسۋ قالاسى ايكول قالاشىعى ھاسا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ 1 - شۋجيى، قىزمەت اترەتىنىڭ باستىعى ياڭ في بىلاي دەدى: ”كوكتەم مەرەكەسى قارساڭىندا، اقسۋ ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى مادەنيەت ەرىكتىلەرى شاعىن گرۋپپاسىن بەلسەنە ۇيىمداستىرىپ، اۋىل - قىستاققا ىشكەرىلەي بارىپ، نەگىزگى ساتىعا مادەنيەت جەتكىزۋ قيمىلىن ورىستەتىپ، پارتيا مەن ۇكىمەتتىڭ قامقورلىعىن سان مىڭ وتباسىلارىنا جەتكىزدى“.

  1 - ايدىڭ 8 - كۇنى شايار اۋداندىق كىتاپحانا ”شەبەر قولدا تۇمشالامالى شام جاساپ، قويان جىلىن قۋانىشپەن قارسى الۋ“ اتىنداعى تۇمشالامالى شامدى قولدا جاساۋ جانە قويان جىلىنا ارنالعان بوساعالىق ۇسىنۋ، تىلەك ءبىلدىرۋ قيمىلىن وتكىزدى.


     ”شەبەر قولدا تۇمشالامالى شام جاساۋ، قويان جىلىن قۋانىشپەن قارسى الۋ“ تۇمشالامالى شام جاساۋ كەزىندە، مۇعالىمدەر وقۋشىلارعا كوكتەم مەرەكەسىن قارسى الۋ سالت - ساناسى جونىنەن تۇسىنىك جاساپ، كوپشىلىكتىڭ جۇڭحۋانىڭ تاڭداۋلى ءداستۇرلى مادەنيەتىنە دەگەن قىزىعۋشىلىعىن اسىردى. وسىدان كەيىن، اتا - انالار مەن بالالار بىرگە تۇمشالامالى شام جاسادى، كوپ وتپەي، تۇمشالامالى شامدار جاسالىپ بولدى.

  ”بارىستى جولعا سالىپ تۇمشالامالى شام جاسادىق، قويان جىلىن شاتتانا قارسى الدىق“... سول كۇنى شايار اۋداندىق كىتاپحانا شايار اۋداندىق حاتكەرلىك قوعامىنداعى ۇستازداردى كوكتەم بوساعالىعىن جازىپ بەرۋگە ۇسىنىس ەتتى، كوكتەم مەرەكەسىنە ارنالعان ىزگى تىلەكتەر كوركەم جازۋمەن قاعاز بەتىنە تۇسىرىلدى، كوكتەم بوساعالىعىن تاپسىرىپ العان جۇرتشىلىقتىڭ جۇزدەرىنەن كۇلكى ەسىپ، قۋانىشقا بولەندى ءارى مەرەكە مەرەيىن سەزىندى.


  ”مىنا بوساعالىق كەرەمەت ەكەن، ءۇيىمنىڭ بوساعالىعى ەتەيىن دەپ تۇرمىن، بيىلعى كوكتەم بوساعالىعىن شايار اۋداندىق حاتكەرلىك قوعامىنداعى مۇعالىمدەر جازىپ بەردى، بۇل وتە ماعىنالى بولدى“ ،- دەدى شايار اۋدانىنىڭ تۇرعىنى راۋشانگۇل مامەت.

  جەلىدەن تىسقى قيمىلدار دۋماندى ءوتىپ جاتقاندا، جەلىدەگى قيمىلدار دا تاماشا مەرەكەلىك راي قالىپتاستىردى. اۋات اۋداندىق مادەنيەت سارايى دولان ديقاندار سۋرەتى سۋرەتشىلەرىنىڭ ”قويان جىلى قۇت سيلاسىن“ دەگەندى باستى تاقىرىپ ەتكەن، قويانعا قاتىستى ديقاندار سۋرەتى تۋىندىلارىن دايىندادى ءارى تاڭداۋلى تۋىندىلاردى اۋات اۋداندىق مادەنيەت سارايىنىڭ ءۇنحات الەۋمەتتىك نومىرىنە جولدادى؛ ونسۋ اۋداندىق كىتاپحانا كىتاپحانا قىزمەتكەرلەرىنىڭ كىتاپ تانىستىرۋ قيمىلىن ورىستەتىپ، ونسۋ اۋداندىق كىتاپحانانىڭ ءۇنحات الەۋمەتتىك نومىرىنە جاڭا كىتاپتار مەن تاڭداۋلى كىتاپتاردى تانىستىرىپ، وقىرمانداردى ويداعىداي كىتاپ تاڭداۋعا، تاڭداۋلى كىتاپ وقۋعا، كىتاپتى سۇيۋگە جەتەكتەدى.