”قازىر كۇن بارعان سايىن سۋىتۋدا، ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى مەن قىستاق ’ەكى كوميتەتى‘ بىزگە تەگىن كومىر تاراتىپ بەردى، ٴۇيىمىز جىلىنىپ، كوڭىلىمىز جادىراپ سالا بەردى، پارتيا مەن ۇكىمەتتىڭ ٴبىزدى ەستەن شىعارماعانىنا العىس ايتامىز“،- دەدى 1 - ايدىڭ 8 - كۇنى تولى اۋدانى اقبەلدەۋ اۋىلى قاراقۇم قىستاعىنىڭ تۇرعىنى ەركىنعازى جاڭعازى اسەرلەنىپ.
قىستاق تۇرعىندارىنىڭ قىستان قىسىلماي شىعۋىنا كومەكتەسۋ ٴۇشىن، تولى اۋداندىق پارتكوم ساياسي ـ زاڭ كوميتەتىنىڭ اقبەلدەۋ اۋىلى قاراقۇم قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ 20 توننا ”مەيىر كومىرىن“ ساتىپ الىپ، قيىنشىلىعى بار 19 وتباسىنا تەگىن تاراتىپ بەردى. ”مەيىر كومىرىن“ تولتىرا تيەگەن جۇك اۆتوكولىگى قىستاققا جەتكەن سوڭ، قىزمەت اترەتى قىستاق تۇرعىندارىن تارتىپپەن ءتۇسىرىپ الۋعا ورنالاستىردى، قىسقى جىلۋمەن قامدايتىن كومىردەن قامسىز بولعان قىستاق تۇرعىندارى ٴماز ـ مەيرام بولىپ، قىزمەت اترەتىنىڭ قىزمەتىن ”جاپپاي القادى“.
قيىنشىلىعى بار بۇقارانىڭ قىستان قىسىلماي وتۋىنە كومەكتەسۋ − پارتيانىڭ مەيىر باعىشتاۋ، حالىققا تيىمدىلىك جاساۋ ساياساتىنىڭ ماڭىزدى مازمۇنى، سونداي - اق ”ۇعىسۋ ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇراتىن قىزمەت اترەتىنىڭ كوكەيىندەگى ٴىس. قىس كىرگەننەن بەرى، قاراقۇم قىستاعى ”ەكى كوميتەتى“ مەن قىزمەت اترەتى قيىنشىلىعى بار بۇقارانىڭ حال ـ جايىن ءسات سايىن كوكەيىندە ساقتاپ، بۇقارا ٴۇشىن ناقتى ىستەر ىستەپ، قيىن ماسەلەلەردى شەشىپ، قيىنشىلىعى بار بۇقاراعا پارتيا مەن ۇكىمەتتىڭ مەيىرىن شىنايى سەزىندىردى. ”بۇدان بىلايعى قىزمەت بارىسىندا، ٴبىز باستان - اياق بۇقارانى كوكەيدە ساقتاپ، جاۋاپكەرشىلىك ارقالاپ، شىنايى سەزىممەن، شىنايى سۇيىسپەنشىلىكپەن، قامقورلىقپەن بۇقارالىق قىزمەتتى ويداعىداي، ناقتى ىستەيمىز“، - دەدى قاراقۇم قىستاعى پارتيا ياچەيكاسىنىڭ شۋجيى جانار شەريزات.
