ەگىس اتىزى مۇز ايدىنىنا اينالدى، كوپشىلىكتىڭ كوڭىلى كوتەرىلىپ، كىرىستەرى ارتتى

日期:2023年01月10日
来源:新疆日报
【字体:

  قىس كۇندەرى ءۇشتۇرپان اۋدانىنىڭ اسپانى شايداي اشىق، تيانشان تاۋ سىلەمىنىڭ بوكتەرىنە ورنالاسقان ءۇشتۇرپان اۋدانى يمامدارىم قالاشىعى تومەنگى مەكىت قىستاعى اق كورپەگە وراندى. قىستاقتا ءجۇز مۋعا جۋىق قىس بويى بوس تۇراتىن ەگىس اتىزى بار بولاتىن، شارۋالار بۇل جەرگە سۋ جىبەرىپ مۇز قاتىرىپ، اشىق مۇز ايدىنىنا اينالدىرىپ، كوپشىلىكتىڭ ”مۇزدا سىرعاناۋ ارمانىن“ ىسكە اسىردى، سونىمەن جىم - جىرت قىستاق دىر - دۋمانعا بولەندى.


  2022 - جىلى 12 - ايدىڭ 30 - كۇنى ءۇشتۇرپان اۋدانى يمامدارىم قالاشىعى تومەنگى مەكىت قىستاعىنداعى مۇز ايدىنىندا، كوپشىلىك قار - مۇزدىڭ قىزىعىن سەزىندى.

  جاڭا جىل قارساڭىندا، ءۇشتۇرپان اۋدانى يمامدارىم قالاشىعى تومەنگى مەكىت قىستاعىنىڭ مۇز ايدىنىنان شاتتىق لەبى ەسەدى، قىستاق تۇرعىندارى مۇزدا سىرعاناپ، قىزىققا باتتى.

  اۆتونوميالى رايوندىق پارتكوم ۇيىمداستىرۋ ءبولىمىنىڭ، ساقا كادرلار مەكەمەسىنىڭ ءۇشتۇرپان اۋدانى يمامدارىم قالاشىعى تومەنگى مەكىت قىستاعىندا تۇراتىن “ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىرىنشى شۋجيى، قىزمەت اترەتىنىڭ باستىعى گاۋ شىكاي بىلاي دەدى: ”بەيجيڭ قىسقى وليمپيادا سپورت جارىسى بۇكىل ەلدەگى جالپى حالىقتىڭ قار - مۇز سپورتىنا بولعان قىزعىندىلىعىن ارتتىردى، سونىمەن ءبىز قىس بويى بوس تۇراتىن ەگىس اتىزىنا سۋ جىبەرىپ، مۇز ايدىنىنا اينالدىردىق، جۇرتشىلىقتىڭ ءۇيىنىڭ ماڭايىنان قار - مۇز سپورتىنا قاتىناسا الۋىنا جاعداي جاراتتىق. سونىمەن قاتار،’قار - مۇز + سپورت‘، ’قار - مۇز + ۇلتتىق سالت - سانا‘ وي جەلىسىنە نەگىزدەلىپ، قىسقى قار - مۇز ساياحاتىن كۇش سالا دامىتىپ، اۋىل - قىستاقتى گۇلدەندىرۋدى جەبەپ، جالپى حالىقتىق دەنە شىنىقتىرۋ ورلەۋىن كوتەردىك“.


  2022 - جىلى 12 - ايدىڭ 30 - كۇنى ءۇشتۇرپان اۋدانى يمامدارىم قالاشىعى تومەنگى مەكىت قىستاعىنداعى مۇز ايدىنىندا، اتالعان قالاشىقتىڭ مادەنيەت پۋنكتىنىڭ ادەبيەت - كوركەمونەر اترەتى كونسەرت قويۋدا.

  قىستاق تۇرعىندارىنىڭ قار - مۇز سپورتىنا بولعان قىزعىندىلىعىن ارتتىرۋ ءۇشىن، اتالعان قىستاق قار - مۇز سپورت تۇرلەرىن كۇش سالا قانات جايدىرۋمەن قاتار، تاعى اتەش تالاستىرۋ، قوشقار ءسۇزىستىرۋ، ارقان تارتۋ قاتارلى قىزعىلىقتى ۇلتتىق سالت - سانا قيمىلدارىن بەلسەنە جوسپارلاپ، ساياحاتشىلاردى وسى اراعا كەلىپ كوڭىل كوتەرۋگە باۋرادى.

  ءۇشتۇرپان اۋدانى يمامدارىم قالاشىعى تومەنگى مەكىت قىستاعىنىڭ تۇرعىنى ابدۇقيۇم ءۋالي بىلاي دەدى: ”مەن كىشكەنتايىمنان مۇزدا سىرعاناۋعا قىزىعامىن، بۇدان بىلاي ۋاقىتىم شىققاندا، دوس - جاراندارىممەن بىرگە وسى اراعا كەلىپ مۇزدا سىرعانايمىن“.

  ءۇشتۇرپان اۋدانى يمامدارىم قالاشىعى تومەنگى مەكىت قىستاعىنىڭ مۇز ايدىنى تەك وسى قىستاقتاعى تۇرعىنداردىڭ عانا ىقىلاسىنا بولەنىپ قالعان جوق، كورشى قىستاقتار مەن قالاشىقتاردىڭ تۇرعىندارى دا ىركەس - تىركەس كەلىپ مۇزدا سىرعاناۋدى سەزىندى.


  2022 - جىلى 12 - ايدىڭ 30 - كۇنى ءۇشتۇرپان اۋدانى يمامدارىم قالاشىعى تومەنگى مەكىت قىستاعىندا كوكپار تارتۋ جارىسى وزدىرىلدى.

  ”مەنىڭ ءۇيىم اۋداندا، بۇگىن ەكى قىزىمدى ەرتىپ كەلىپ ويناتتىم، بالالار وتە كوڭىلدى وينادى“. ءۇشتۇرپان اۋدانىنان بالالارىن مۇزدا سىرعاناۋعا الىپ كەلگەن ياسىن مامەت مىنانى ءبىلدىردى: تومەنگى مەكىت قىستاعىندا مۇنداي ۇلكەن مۇز ايدىنى بار ەكەن دەپ ويلاماعان ەكەنمىن، تاعى ءتۇرلى قيمىلدار ۇيىمداستىرىلىپتى، وتە كەرەمەت، بۇدان بىلاي ۇنەمى كەلىپ تۇرامىن.

  ناق مايداندا، مۇز ايدىنىنا ءار ءتۇرلى كارتون كەيىپكەرلەر قويىلىپ، ساياحاتشىلاردىڭ وسى اراعا كەلىپ ەستەلىك قالدىرۋىنا مۇمكىندىك جاراتقان، ەكى جاعالاۋىندا جانە ءتۇرلى جىلجىمالى جەڭىل تاعامدار كولىگى بار، ساياحاتشىلار سپورت جانە ءدامدى تاعامداردان قاتار ءلاززات الادى.

  2022 - جىلى 12 - ايدىڭ 30 - كۇنى مۇز ايدىنىندا جايما جايعان قىستاق تۇرعىنى ايگۇل راحمان قۋانا: ”بۇگىن مۇزدا سىرعاناۋعا، كونسەرت نومىرلەرىن تاماشالاۋعا كوپتەگەن ادام كەلدى، مەن اكەلگەن 200 كاۋاپ پەن 300 قاقتالعان تاۋىق سيراعى ىلەزىدە ساتىلىپ بولدى. ەرتەڭ اپتا سوڭى، مەن كوبىرەك دايىنداۋىم كەرەك “،- دەيدى.

  گاۋ شىكايدىڭ تانىستىرۋىنا قاراعاندا، سول كۇنى قار - مۇز سپورتىن سەزىنىپ، ۇلتتىق سالت - سانا ويىن نومىرلەرىن تاماشالاۋعا كەلگەن بۇقارانىڭ سانى شامامەن 3000 ادامعا جەتكەن، 53 قىستاق تۇرعىنى جەڭىل تاعام جايماسىن جايىپ، 89 مىڭ يۋان كىرىس كىرگىزگەن. كەلەرگى باسقىشتا، قىزمەت اترەتى ”جەتى قىستاق“ ەكولوگيالىق باقشاسى مەن ”جەتى قىستاق“ ازىقتىق ساڭىراقۇلاعىن ارقاۋ ەتىپ، ”ساياحات +“دى جانداندىرىپ، اۋىل - قىستاقتى گۇلدەندىرۋگە جاڭا ومىرشەڭدىك كۇش ۇستەمەكشى.