جاڭا جىل مەرەكەسىنەن ءبىر كۇن بۇرىن، كەريا اۋدانى ارال اۋىلى شامالباق قىستاعىنداعى مادەنيەت ۇلكەن زالىنىڭ ءىشى ەرەكشە دىر - دۋمانعا بولەندى، مەملەكەت ەنەرگيا توبى شينجياڭ سەرىكتەستىگىنىڭ شامالباق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”يجيجىن قورى مەيىر سومكەسىن“ تاراتۋ سالتىن ۇيىمداستىرىپ، ورىستەتتى، 81 بالدىرعان شىت جاڭا، وزگەشە جاڭا جىل تارتۋىن − ”مەيىر سومكەسىن“ تاپسىرىپ الدى.
قىسقى كۇنگى تومەن تەمپەراتۋرا مەيىر - شاپاعاتقا اينالعان جىلى اعىستى توسا المادى. بۇل رەتكى ”يجيجين قورى مەيىر سومكەسى“ الەۋمەتتىك يگىلىك قيمىلىن قىزمەت اترەتىنىڭ مۇشەلەرى وزدەرى ۇيىمداستىرىپ، جاردەم جيعان. 81 ”مەيىر سومكەسىنىڭ“ قۇنى 29 مىڭ 565 يۋان بولىپ، سومكە ءىشى ماقتالى كيىم، ماقتالى اياق كيىم، باس كيىم، ءشارپى، سومكە، قول مايى قاتارلى تۇرمىستىق بۇيىمدارىمەن لىق تولعان، بۇدان سىرت، تاعى اسەمونەر جابدىقتارى، كەنگۋرۋ قۋىرشاعى سياقتى بالالار ۇناتاتىن جازۋ - سىزۋ جابدىقتارى مەن ويىنشىقتار دا بار.
بالالار شىت جاڭا، وزگەشە جاڭا جىل تارتۋىن − ”مەيىر سومكەسىن“ تاپسىرىپ الدى.
تاراتىپ بەرۋ سالتىندا، قىزمەت اترەتى بالالارعا مەيىر سومكەسىندەگى تارتۋلاردى تانىستىردى ءارى بالالارعا شاپان، باس كيىم كيگىزدى، بالالار شىت جاڭا ماقتالى شاپان كيىپ، جاڭا ءشارپى تاعىپ،جاڭا باس كيىمدى كيگەندە - اق لەزدە ”كوگىلدىر زەرەككە“ اينالدى، بالالاردىڭ ءبارى ەرەكشە قۋانىشقا بولەندى، جۇزدەرىنەن شاتتىق پەن باقىت لەبى ەسىپ، جۇرەكتەرىنە العىس سەزىمى ۇيالادى.
”مەن بۇگىن مەيىر سومكەسىن تاپسىرىپ الدىم، ىشىندە مەن ۇناتاتىن كەنگۋرۋ قۋىرشاعى، اسەمونەر جابدىعى جانە ماقتالى كيىم بار ەكەن، بۇل قىستا ءبىز سۋىقتان قورىقپايتىن بولدىق، جۇرەگىمىزگە جىلۋلىق ۇيالادى. بۇدان بىلاي، جاقسى وقىپ، جارامدى ادام بولامىن، تۋعان جەرىمە ۇلەس قوسامىن“،-دەدى شامالباق باستاۋىش مەكتەبىنىڭ وقۋشىسى ءساليما ءماتروزى.
بالالاردىڭ جۇزىنەن قۋانىش لەبى ەستى.
ۇعىسۋعا قاراعاندا، قىزمەت اترەتى 5 جىلدا قىستاقتاعى قيىنشىلىعى بار بالالارعا قۇنى 200 مىڭ يۋانعا بارابار كەلەتىن ”يجيجين قورى مەيىر سومكەسىن“ اتاپ كەلگەن، بۇدان يگىلىكتەنگەن وقۋشى سانى 600 دەن اسقان.
”بۇدان بىلاي ٴبىز كەدەيلىكتەن ارىلتۋدان قامال الۋدىڭ تابىستارىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدى ۇزدىكسىز ويداعىداي ىستەۋمەن بىرگە، قوعامدىق بايلىقتى بىرىكتىرىپ، جۇپ قۇراپ كومەكتەسۋ - سۇيەمەلدەۋ، مەيىر جەتكىزىپ تارتۋ بەرۋ قاتارلى قامقورلىق قىزمەت وتەۋىن ىشكەرىلەي قانات جايدىرىپ، ۇيدە قالعان بالالار مەن قيىنشىلىعى بار بالالاردىڭ جان - جاقتىلى دامىپ، تولىسا ەسەيىپ - ەرجەتۋىندە قورعاۋشى بولىپ، اۋىل - قىستاقتى گۇلدەندىرۋگە دەم بەرىپ، كۇش ۇستەيمىز“،-دەدى قىزمەت اترەتىنىڭ باستىعى ما شاۋشان.
