11 - ايدىڭ 18 - كۇنى رىن ليچياڭ ءوزى باققان كەپتەرلەرىن كورسەتۋدە. سۋرەتتى ليۋ جيا تۇسىرگەن
تيانشان تورى - شينجياڭ گازەتىنىڭ حابارى (ءتىلشى حان لياڭ، ەرىكتى ءتىلشى ليۋ جيا حابارلايدى) ”تەحنيكالىق جاقتان قامتاماسىز بولعان سوڭ كەپتەرلەرىم شىمىرلانىپ، قاۋىرسىندارى جەتىلە ءتۇستى، بيىل تاعى دا جاقسى باعاعا ساتا الاتىن بولدىم“،- دەدى شاۋەشەك قالاسى ەمىل اۋىلى شياسانگۇڭ قىستاعىنىڭ تۇرعىنى رىن ليچياڭ قولىنداعى كەپتەرگە قاراپ جىميىپ تۇرىپ.
بۇقارانىڭ كىرىستى ارتتىرۋ جولىن كەڭەيتۋ ءۇشىن سوڭعى جىلدارى شاۋەشەك قالالىق قازىنا مەكەمەسىنىڭ ەمىل اۋىلى شياسانگۇڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ بازارعا تەكسەرۋ - زەرتتەۋ جۇرگىزگەن سوڭ كەپتەر باعۋدىڭ قارجى قوسۋ قاتەرى تومەن، بازار قاجەتسىنۋى جوعارى ەكەنىن بايقاپ، قىستاق تۇرعىندارىن ەرەكشە باعىمشىلىقتى دامىتۋعا شابىتتاندىرىپ، جاڭا وي جەلىسى ارقىلى اۋىل - قىستاقتى گۇلدەندىرۋدىڭ، دامىتۋدىڭ جاڭا قوزعاۋشى كۇشىن ىسكە قوسۋ جايلى بەكىمگە كەلەدى.
كوپ جىلدىق كەپتەر باعۋ تاجىريبەسى بار شياسانگۇڭ قىستاعىنىڭ تۇرعىنى رىن ليچياڭ ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ جانە قىستاق ”ەكى كوميتەتىنىڭ“ قولداۋىندا جاڭادان ەكى كولەمدەنگەن، ولشەمدەنگەن كەپتەر ۇيشىگىن سالادى. سونىمەن قاتار قىزمەت اترەتى ۋاقتىلى باعىمشىلىق تەحنيكتەرىن ۇسىنىس ەتىپ سورتىن تاڭداۋ، جەمدەۋ، ءوربىتۋ، ىندەتتەن ساقتانۋ سياقتى باعىمشىلىق تەحنيكاسى بويىنشا جەتەكشىلىك ەتۋدى ورىستەتەدى. قازىر رىن ليچياڭنىڭ باعىمشىلىق كولەمى 50 كەپتەردەن كوبەيىپ 500دەن استام كەپتەرگە جەتتى.
11 - ايدىڭ 18 - كۇنى رىن ليچياڭ (ورتادا) قىستاق تۇرعىندارىمەن كەپتەر باعۋ جايلى تاجىريبە الماستىرۋدا. سۋرەتتى ليۋ جيا تۇسىرگەن
رىن ليچياڭنىڭ كەپتەر باعىمشىلىق كولەمىنىڭ كۇن ساناپ ۇلعايۋىنا بايلانىستى، كەپتەر باعىمشىلىعىنىڭ كورنەكتى پايداسى باسقا قىستاق تۇرعىندارىن دا كەپتەر باعۋ قوسىنىنا قوسىلۋعا باۋرادى.
سونىمەن قاتار قىزمەت اترەتى مەن قىستاق ”ەكى كوميتەتى“ ۋيشين دوستىق شەڭبەرى سياقتىلار ارقىلى ينتەرنەتتە ۇگىت جاسادى، ءارى جەرگىلىكتى ورىنداعى اس - سۋ كاسىپورىندارى، اۋىل شارۋاشىلىق ونىمدەرى بازارلارى، ساۋدا دۇكەندەرى، ەرەن بازارلارىمەن تاپسىرىسقا قول قويىسىپ، جەلىدەگى جانە جەلىدەن تىس ساۋدالاۋ ارناسىن كەڭەيتتى. كەزەكتە تۇتاس قىستاقتىڭ قولداعى كەپتەرىنىڭ سانى 2500دەن استى، باعىمشى وتباسىنىڭ جىلدىق ارتقان ورتاشا كىرىسى 25 مىڭ يۋان بولدى.
”كەلەسىدە ءبىز باعىمشى وتباسىلارىن ۋاقىتىلى باۋىرلاس اۋدان، قالالارعا بارىپ كورۋگە، ۇيرەنۋگە ۇيىمداستىرىپ، باعىمشىلىق تەحنيكاسىن جوعارىلاتىپ، كەپتەردىڭ تۇقىمىن اسىلداندىرىپ، ءتىپتى دە كوپ قىستاق تۇرعىندارىنىڭ كەپتەر باعۋ ساپىنا قوسىلۋىنا جەتەكشىلىك ەتىپ، بىرگە اۋقاتتانۋعا باستايمىز“،- دەدى شاۋەشەك قالالىق قازىنا مەكەمەسىنىڭ ەمىل اۋىلى شياسانگۇڭ قىستاعىندا تۇراتىن ءبىرىنشى شۋجي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋىن يچياڭ.
