11 - ايدىڭ 15 - كۇنى شاپشال اۋداندىق سالىق مەكەمەسىنىڭ ۇشتۇگمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى كومىر تيەۋدە.
تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ەرىكتى ءتىلشى حۋا يانميڭ) 11 - ايدىڭ 15 - كۇنى شاپشال سىبە اۆتونوميالى اۋدانى قاۋىنشى اۋىلى ۇشتۇگمەن قىستاعىنىڭ ”مەيىر كومىرىن“ تاراتۋ تۇيىنىندە، مەملەكەتتىك سالىق باس مەكەمەسى شاپشال اۋداندىق سالىق مەكەمەسىنىڭ ۇشتۇگمەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتىنىڭ“ پارتيالى كادرلارىنان قۇرىلعان ەرىكتى قىزمەت وتەۋ اترەتى ءۇش دوڭعالاقتى اربا مەن قول ارباعا سالىپ كومىر تاسىپ، اربا - اربا كومىردى قىستاق تۇرعىندارىنىڭ ۇيىنە جەتكىزدى.
”قىزمەت اترەتىنىڭ كادرلارى ۇيىمىزگە ۇنەمى كەلىپ قامقورلىق جاساپ، تۇرمىسىمىزداعى قيىنشىلىقتارىمىزدى شەشىپ وتىرادى. بۇگىن ۇيىمىزگە مەيىر جەتكىزۋ كومىرىن اكەلىپ بەرىپ، وتباسىمىزدىڭ كومىرگە دەگەن مۇقتاجدىعىن شەشىپ كەتتى“، - دەدى قىستاق تۇرعىنى ءمارۇپجان ماۋاحۇن اسەرلەنە.
ۇشتۇگمەن قىستاعىنىڭ ءبىرىنشى شۋجيى حى حۇڭحۋا بىلاي دەدى: ”وتباسىندا قيىنشىلىعى بار وتباسىلارىنىڭ قىستان قىسىلماي شىعۋى ءۇشىن، سۇيەنىش ورىندارمەن بىرلەسىپ كومەكتەسۋ - سۇيەمەلدەۋ رولىن تولىق ساۋلەلەندىرىپ، 100 مىڭ يۋاننان استام قارجى قۇراپ، 320 توننا تۇرمىستىق كومىر ساتىپ الىپ، 113 وتباسىنداعى بۇقاراعا جەتكىزىپ بەردى، قارتتار، ءالسىز جاندار، ناۋقاستار، مۇگەدەكتەر وتباسىنا قاراتا، پارتيالى كادرلار ەرىكتى قىزمەت وتەۋ اترەتىن كومىردى ۇيلەرىنە جەتكىزىپ بەرۋگە ورنالاستىردى. بۇدان بىلاي ءبىز بۇقارانىڭ قيىنشىلىعى، تالاپ - تىلەكتەرىن توقتاۋسىز ۇعىسىپ، انىقتاپ، حالىق ءۇشىن قىزمەت وتەۋدى ويداعىداي ىستەيمىز“.
