كوكونىس باقشاسىنان كاسىپ سالاسىن گۇلدەندىرۋ بويىنشا ”اۋقاتتانۋ جولى“ اشىلدى

日期:2022年11月15日
来源:新疆日报
【字体:

تيانشان تورى – شينجياڭ گازەتىنىڭ ءتىلشىسى حان لياڭ

  شيحۋ قالاسى باشىسىحۋ اۋىلى باقي قىستاعىنىڭ كوكونىس جىلىجايى ەگىمشىلىك بازاسىنا بارعانىمىزدا، ءتۇرلى جاس كوكونىستەر جايقالا ءوسىپ، قيار، اسقاباق ساباقتا سامسىپ تۇر ەكەن. كوكونىس ەگەتىن ديقاندار كوكونىس جيناۋ، تاسۋ، قوراپتاۋمەن قاربالاستاپ، مول ءونىم كورىنىسى كوزگە تۇسەدى.


  11- ايدىڭ 8 - كۇنى قىزمەت اترەتىنىڭ مۇشەلەرى كوكونىس ەگەتىن ديقانداردىڭ كوكونىس ىرىكتەۋىنە كومەكتەستى. سۋرەتتى ما ليڭ تۇسىرگەن

  باقي قىستاعى شيحۋ قالاسىنىڭ ”10 مىڭ مۋلىق زالالسىز كوكونىس ەگۋ بازاسىنىڭ“ وزەكتى وڭىرىنە ورنالاسقان، وسى ارادان ءار كۇنى 150 توننادان استام كوكونىس سىرتقا تاسىلادى.

  اۋىل ـ قىستاقتى گۇلدەندىرۋدە، كاسىپ سالاسىن گۇلدەندىرۋ − شەشۋشى ءتۇيىن. بىرنەشە جىلدىڭ الدىندا باقي قىستاعىنداعى تۇرعىندارىنىڭ دەنى جالعىز وتباسى ۇلكەن اتىزدا كوكونىس ەگۋ ۇلگىسىن قولدانىپ، ءبىر جىلدا ءبىر ماۋسىمدىق كوكونىس عانا ەگىپ، كاسىپ سالاسى كولەمى ءالى قالىپتاسپاعان بولاتىن. وسى ماسەلەلەرگە مەڭزەس، شيحۋ قالالىق جاراتىلىستىق بايلىق مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا باشىسىحۋ اۋىلى باقي قىستاعىندا تۇراتىن قىزمەت اترەتى مەن قىستاق ”ەكى كوميتەتى“ بۇقاراعا جاپپاي ۇگىت جاساپ، اتتانىسقا كەلتىرىپ، ”ءبىر قىستاقتا ءبىر ءونىم بولۋ، ءبىر قىستاقتا ءبىر كاسىپ بولۋ“ سىندى دامۋ وي جەلىسىن العا قويدى ءارى ”پارتيا ياچەيكاسى + سەلبەستىك كووپەراتيۆى + بازا + شارۋا وتباسىلارى“ ۇلگىسىن قولدانىپ، كوكونىس كاسىپتىك سەلبەستىك كووپەراتيۆىن قۇرىپ، ”باقي“ كوكونىس تاۋار بەلگىسىن تىزىمگە الدىرىپ، كوكونىس كاسىپ سالاسىنىڭ دامۋ ارناسىن كەڭەيتتى.  


  10 – ايدىڭ 23 – كۇنى قىزمەت اترەتىنىڭ مۇشەلەرى كوكونىس ەگەتىن ديقانداردىڭ كوكونىس تاسۋىنا كومەكتەسۋدە. سۋرەتتى ما ليڭ تۇسىرگەن

  قازىرگە دەيىن بۇكىل قىستاقتاعى 168 وتباسى تۇرعىنى 2570 مۋ جەردەگى كوكونىس جىلىجايىندا ەگىمشىلىككە قاتىناستى، كوكونىس ءتۇرى بۇرىنعى ”كونە ءۇش تۇردەن“ قازىرگى 10نان استام تۇرگە كوبەيدى.

  كوكونىس ەگىلدى، ەندىگى شەشۋشى ءتۇيىن ساۋداعا سالۋ سانالادى. ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ ”ينتەرنەت + ساۋدا دۇكەنى، ەرەن بازار“ ساتۋ ۇلگىسىن اتقاردى ءارى كوكونىس كاسىپتىك سەلبەستىك كووپەراتيۆى قارجى قوسىپ كوكونىس تولايىم ساتۋ ساۋدا بازارى، تازارتىلمالى كوكونىس مانەرلەۋ زاۆودى، كوكونىستى جاس كۇيىندە ساقتاۋ قامباسى سياقتىلاردى سالىپ، كوكونىستى العاشقى وڭدەدى ءارى مەزگىلسىز ساتىپ، كوكونىستىڭ قوسىمشا قۇنىن ارتتىرىپ، كۇنىنە ساتىلعان كوكونىس 150 توننادان استى.


  10 – ايدىڭ 20 – كۇنى قىزمەت اترەتىنىڭ مۇشەلەرى كوكونىس ەگەتىن ديقانداردىڭ كوكونىس تاسۋىنا كومەكتەسۋدە. سۋرەتتى ما ليڭ تۇسىرگەن

  قازىر ”باقي“ ماركالى كوكونىس ءۇرىمجى قاتارلى سولتۇستىك شينجياڭنىڭ جەر – جەرىندەگى كوكونىس بازارلارىنا ساتىلدى. زالالسىز جاسىل كوكونىس ەگۋ باقي قىستاعىنىڭ تىرەكتى كاسىبىنە، قىستاق تۇرعىندارىنىڭ كىرىستەرىن ارتتىرىپ، اۋقاتتانۋىنىڭ نەگىزگى جولىنا اينالدى، بيىل ەگىنشىلەردىڭ جان باسىندىق كىرىسى 30 مىڭ يۋانعا جەتەتىنى مەجەلەندى.

  ”2021 - جىلى قىستاعىمىز اۆتونوميالى رايون بويىنشا اۋىل - قىستاقتى گۇلدەندىرۋدەگى ءتۇيىندى ۇلگى كورسەتەتىن قىستاق بولىپ باعالاندى. الداعى جەردە ءبىز جەتەكشىلىك، ۇلگىلىك رولىمىزدى ويداعىداي ساۋلەلەندىرىپ، اۋىل شارۋاشىلىعى ونىمدەرىنىڭ ساپاسى مەن ءوندىرۋ ـ ساتۋ جۇيەسى قۇرىلىسىن جەدەلدەتىپ، كوكونىس كاسىپ سالاسىنىڭ دارەجەسىن ءوسىرۋدى ۇزدىكسىز جەدەلدەتەمىز“، - دەدى باقي قىستاعى پارتيا ياچەيكاسىنىڭ شۋجيى لي چياڭ.