تيانشان تورى – شينجياڭ گازەتىنىڭ ءتىلشىسى ءرايدا، ەرىكتى ءتىلشى ۋاڭ جاۋيۇن
”سيىر، قويلارىم وتە ءساتتى ساتىلىپ، نەداۋىر جەڭىلدەپ قالعانداي سەزىندىم. بۇل ءۇشىن قىستاقتا تۇراتىن قىزمەت اترەتىنە العىس ايتۋىم كەرەك“. 11 ـ ايدىڭ 7 ـ كۇنى شيحۋ قالاسى حۋاڭگۇڭ قالاشىعى لاۋجۋاڭزى قىستاعىنىڭ تۇرعىنى مين شۋبين قول تەلەفونىنا كەلگەن ەسەپ ينفورماتسياسىنا قاراپ، قۋانعانىنان جۇزىنە كۇلكى ءۇيىرىلدى.
مين شۋبين سوڭعى جىلدارى سيىر، قوي بورداقىلاۋمەن اينالىسىپ كەلەدى. بىرنەشە كۇننەن بەرى، مين شۋبيننىڭ قولىنداعى 60 تۇياق قوي مەن 8 باس سيىردىڭ ساتىلاتىن كەزى كەلىپ جەتتى، ىندەتتىڭ ىقپالىنا ۇشىراعاندىقتان، ساتۋ قيىن ماسەلەگە اينالدى.
شيحۋ قالاسى حۋاڭگۇڭ قالاشىعى لاۋجۋاڭزى قىستاعىنىڭ تۇرعىنى مين شۋبين (وڭدا) سيىر، قوي ەتىن جەتكىزۋدە. سۋرەتتى ۋاڭ جاۋيۇن تۇسىرگەن
”بىرنەشە كۇننىڭ الدىندا ۋايىمداپ تۇندەردە كوز ىلە المادىم، سيىر، قويلار ساتىلمادى، جەم ـ شوپ تە تاۋسىلىپ بارادى، قولىمدا اينالىم قارجىسى دا جوق“، ـ دەدى مين شۋبين.
مين شۋبيننىڭ قيىن ماسەلەسىنەن حاباردار بولعان شيحۋ قالالىق 6 ـ ورتا مەكتەپتىڭ ”ۇعىسۋ، تيىمدىلىك جاساۋ، توعىستىرۋ“ بويىنشا حۋاڭگۇڭ قالاشىعى لاۋجۋاڭزى قىستاعىندا تۇراتىن قىزمەت اترەت مۇشەلەرى دە قاتتى ابىرجىدى.
شيحۋ قالالىق 6 - ورتا مەكتەپتىڭ ”ۇعىسۋ، تيىمدىلىك جاساۋ، توعىستىرۋ“ بويىنشا حۋاڭگۇڭ قالاشىعى لاۋجۋاڭزى قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي گو جينشان بىلاي دەدى: ”ەڭ اۋەلى، ءبىز شيحۋ قالا رايونىنداعى 3 ەرەن بازارمەن جانە 21 شاعىن اۋماقپەن بايلانىس جاسادىق، ولاردىڭ سۇرانىسى وتە زور بولدى. ونان سوڭ ونىڭ احۋالىن جوعارىعا ەگجەي - تەگجەيلى اڭىس ەتتىك، سايكەستىرۋ ارقىلى بىزگە تاسىمال جول كۋالىگىن ءبىتىرىپ بەردى ءارى بازار باقىلاۋ - باسقارۋ مەكەمەسىنىڭ تالابى بويىنشا، ارناۋلى ادام ورنالاستىرىپ قالا رايونىنداعى ءارقايسى تۇيىندەرگە جەتكىزىپ بەردىك“.
ساتۋ ارناسى اشىلىپ، مين شۋبيننىڭ دە كوڭىلى جاي تاپتى. 11 - ايدىڭ 5 - كۇنى تاڭەرتەڭ مين شۋبين قولعانات شاقىرىپ سيىر، قوي سويا باستادى.
مين شۋبين بىلاي دەدى: ”ءبىرىنشى كۇنى 8 قوي جانە 2 سيىر سويدىم، قوي ەتىنىڭ ءار كيلوگرامى 68 يۋان، سيىردىڭ سۇرپى ەتىنىڭ ءار كيلوگرامى 76 يۋان، سۇيەكتى ەتىنىڭ ءار كيلوگرامى 66 يۋان بولدى“.
ەتتىڭ ساپاسى جاقسى، باعاسى ارزان بولعاندىقتان، مين شۋبيننىڭ سيىر، قوي ەتىن قاريدارلار تالاسا - تارماسا ساتىپ الىپ تاۋىسىپ كەتتى. وسى ەكى كۇندە كۇنىنە 80 كيلوگرام اينالاسىندا قوي ەتى مەن 500 كيلوگرامنان استام سيىر ەتىن قالا رايونىنا جەتكىزىپ، قاريدارلاردىڭ قاجەتىن قامدايمىز.
مين شۋبين بىلاي دەدى: ”پارتيا مەن ۇكىمەتتىڭ كوڭىل بولگەندىگىنە العىس ايتامىن، قىستاقتا تۇراتىن قىزمەت اترەتىنە العىس ايتامىن، ولار شىنىندا كوپ كومەك كورسەتتى“.
