بۇايشامنىڭ وتباسىندا 5 مۋدان استام جەر بار ەدى، بيىل قىستاق ەگىمشىلىك قۇرىلىمىن رەتتەدى، شارۋالاردى بايساي ەگىپ، كىرىسىن ارتتىرۋعا جەتەكتەدى. بۇايشام مەن جەتى ديقان بىرگە بەلسەنە ات سالىسىپ، 80 مۋ جەرگە شوعىرلى تۇردە بايساي ەكتى. اۋىل ـ قىستاق تەحنيكتەرىنىڭ دەن قويا جەتەكشىلىك ەتۋىندە، بۇايشام عىلمي باسقارىپ، بايسايدان قۋانىشپەن مول ءونىم الىپ، مۋ باسىندىق ءونىمى مەجەمەن 3500 كيلوگرامعا جەتتى.
بايسايدان مول ءونىم الىندى، الايدا كوپشىلىكتىڭ الدىنا جيناۋ جانە ساتۋ ماسەلەسى ءدوپ كەلدى. 10 ـ ايدىڭ 20 ـ كۇنى جۇڭگو مۇناي ـ حيميا توبى شينجياڭ بولىمشە سەرىكتەستىگىنىڭ باس كونزيا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جانە قىستاق كادرلارى جاعدايدى ۇعىسقاننان كەيىن، قىستاقتىڭ 1 - شۋجيى ۋاڭ حۋاپيڭ ەگىمشىلىك وتباسىلارىنىڭ كوڭىلىن الاڭسىز ەتتى، ول: ”سىزدەر الاڭسىز بولىڭىزدار، قىزمەت اترەتى مەن قىستاق پارتيا ياچەيكاسى بار، بايسايدى جيناۋدان، ساتۋدان قام جەمەيسىزدەر“،- دەدى.
سول كۇنى، ۋاڭ حۋاپيڭ قىزمەت اترەتىن، قىستاق كادرلارىن جانە ەرىكتىلەردى بۇايشام قاتارلى سەگىز شارۋا وتباسىنىڭ بايساي تەرۋ، جيناۋ، رەتتەۋ، قالتالاۋ، سالماعىن ولشەۋ قاتارلى جۇمىسىنا كومەكتەسۋگە ۇيىمداستىردى، كوپشىلىك تارتىپپەن قاربالاستىققا ءتۇستى. سونىمەن بىرگە، ۋاڭ حۋاپيڭ ساتۋ جولىن ۇشتاستىرۋ ماسەلەسىن شەشىپ، بۇيا اۋىلدىق پارتكوم ارقىلى دانەكەرلىك ىستەپ، لوپ اۋداندىق اۋىل شارۋاشىلىعى، اۋىل ـ قىستاق مەكەمەسىمەن ءساتتى بايلانىس جاساپ، بايساي ساتۋ ماسەلەسىن شەشتى.
قازىر، بۇايشامنىڭ اتىزىنداعى بايسايدىڭ ءار كيلوگرامى 2 يۋاننان جوعارى باعادا ساتىلدى، ءار مۋ جەردەن كىرگەن كىرىس 7000 يۋاننان اسىپ، جالپى كىرىس 60 مىڭ يۋان اينالاسىندا بولادى دەپ مەجەلەندى. ”پارتيا مەن ۇكىمەت بايساي جيناۋعا كومەكتەسىپ قانا قويماي، ساتۋ جولىن تابۋعا دا كومەكتەسىپ، ءبىز سياقتى ەگىمشىلىك وتباسىلارىنىڭ كىرىس كىزگىزۋىنە كەپىلدىك ەتتى“،- دەدى بۇايشام.
ۇعىسۋعا قاراعاندا، لوپ اۋدانى بۇيا اۋىلى حوتان قالاسىنىڭ ماڭىنا جاقىن ورنالاسقان، ونداعى شارۋالاردىڭ كوكونىس ەگۋ بەلسەندىلىگى جوعارى، شارۋالاردىڭ كوكونىس ەگۋىنە، ساتۋ جولىن تابۋىنا، اۋقاتتانۋىنا مۇمكىندىك جاساۋ ءۇشىن، بۇيا اۋىلى پارتيالى كادرلاردى قاراستى رايونعا ىشكەرىلەي بارىپ، شارۋالاردىڭ جيىن - تەرىنىنە، ساتۋىنا كومەكتەسۋگە ۇيىمداستىردى ءارى اۋىل شارۋاشىلىق ساۋدا بازارىمەن، ساتۋ تۇيىندەرىمەن بەلسەنە ۇشتاستىرىپ، ساتۋ ارناسىن كەڭەيتتى. بۇدان سىرت، شارۋالاردىڭ تىلەگىنە ساي، اسىپ قالعان كوكونىستەردى ساقتاپ، قىسقى بازار جاعدايى جاقسارعان كەزدە، ەكىنشى رەت ساتىپ، شارۋالاردىڭ ەگىمشىلىك كىرىسىن ارتتىرادى.
