10 - ايدىڭ 10 - كۇنى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ديقاندارعا كومەكتەسىپ سارىمساقتاردى جەدەل جيناستى. سۋرەتتى سۋ شياۋميڭ تۇسىرگەن
انار بۇلت \ شينجياڭ گازەتىنىڭ حابارى (ءتىلشى حان لياڭ حابارلايدى) 10 - ايدىڭ 10 - كۇنى، شاۋەشەك قالاسى شاشا قالاشىعى دامىلتام قىستاعىنداعى قاتتى ساباقتى سارىمساقتان مول ءونىم الىندى، شاۋەشەك قالالىق حالىق قۇرىلتايى تۇراقتى كوميتەتى كەڭسەسىنىڭ، قالالىق مۇگەدەكتەر بىرلەستىگىنىڭ شاشا قالاشىعى دامىلتام قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى، قىستاق كادرلارى ديقاندارعا كومەكتەسىپ، سارىمساقتاردى جەدەل جيناپ، اتىز باسىندا قاربالاس مول ءونىم الۋ كورىنىسى قالىپتاستى.
10 - ايدىڭ 10 - كۇنى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ديقاندارعا كومەكتەسىپ سارىمساقتاردى جەدەل جيناستى. سۋرەتتى سۋ شياۋميڭ تۇسىرگەن
10 - ايدىڭ 10 - كۇنى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ديقاندارعا كومەكتەسىپ سارىمساقتاردى جەدەل جيناستى. سۋرەتتى سۋ شياۋميڭ تۇسىرگەن
شاۋەشەك قالاسى شاشا قالاشىعى دامىلتام قىستاعىنداعى ەگىستىك جەردىڭ اۋدانى 22 مىڭ 800 مۋ، ءبيداي، جۇگەرى سياقتى ەگىس داقىلدارىن ەگۋدى نەگىز ەتەدى. سوڭعى جىلدارى، قىستاقتا تۇراتىن قىزمەت اترەتى مەن قىستاق ”ەكى كوميتەتى“ ءىشىنارا ەگىس داقىلدارىنىڭ ءوسۋ پەريودى ۇزاق، سۋدى كوپ سارىپ ەتۋ سياقتى ماسەلەلەرىنە مەڭزەس، ديقان وتباسىلارىن جەرگىلىكتى جاعدايعا قاراي ەگىنشىلىك قۇرىلىمىن عىلمي رەتتەۋگە بەلسەنە جەتەكتەپ، ءبيدايدىڭ ەگىستىك جەر كولەمىن ورنىقتىرۋ نەگىزىندە، قاباق، قىزاناق، قاتتى ساباقتى سارىمساق سياقتى وزگەشە ەكونوميكالىق داقىلداردى ەنگىزىپ، ەگىستىك جەر كولەمىن 4500 مۋعا جەتكىزدى، سونداي - اق ديقان وتباسىلارىن اتىزدى باسقارۋ، بايلانىس جاساۋ، ساۋدالاۋ سياقتى ”ءىز قۋا“ قىزمەت وتەۋمەن قامداپ، وتباسى سايىن ورتاشا كىرىستى 30 مىڭ يۋاننان اسىردى.
