7 - ايدىڭ 17 - كۇنى، قاراقاش اۋدانى ياۋا اۋىلى قوعداي قىستاعىنداعى تابيعي سۋ الابى مولدىرەپ تۇنىپ تۇر. جيەگى قامىس قۇراقتارمەن كومكەرىلىپ، اتىزبەن ىرگەلەسىپ، سيا سۋرەتتەي ادەمى كورىنىس تۇلعالادى. كەزەكتە، جەرگىلىكتى ورىنداعى جۇزىمدەردىڭ پىسقان مەزگىلى، سۋدىڭ جيەگىن بويلاعان ءجۇزىم دالىزىندەگى جۇزىمدەر جاسىل مەرۋەرتتەي مولدىرەپ، وتكەن - كەتكەندەردى ءۇزىپ جەۋگە باۋرايدى. سۋدىڭ ۇستىنە سالىنعان اعاش ۇيلەردە كورىنىس تاماشالاۋعا، سالقىنداپ دەمالۋعا، تاماقتانۋعا بولادى، باسقاشا ءبىر سەزىمگە بولەنەسىز. بالالاردىڭ ويىن - ساۋىق رايونىنان شاتتىق كۇلكىسى ەستى، بالالار اسىر سالىپ ويىن قۋىپ ءجۇر، جايدارى جاز ماۋسىمىنداعى مۇنداي تاماشا كورىنىستەردە سالقىنداپ، دەمالۋدىڭ ءلاززاتى وزگەشە.
ساياحاتشى حۇي يانزۇڭ: ”بۇل ارا راسىندا سالقىن، تاماشا ەكەن، بۇگىن دوسىم ەكەۋىمىز وسىندا جۇردەك كەمەگە بىرگە تۇستىك، سۋ ۇستىنە سالىنعان اسحانادا اۋىل ءدامىن تاتىپ، وتە كوڭىلدى ساياحاتتادىق“،- دەدى.
فوتو سۋرەت اۋەسكەرى ابىلەز مۇرات: ”جايشىلىقتا تابيعات كورىنىسىن سۋرەتكە العاندى ايرىقشا ۇناتامىن، بۇل ارانىڭ سۋرەتكە الار جەرى توتەنشە كوپ ەكەن، مەن اپپاراتىممەن وڭتۇستىك شينجياڭنىڭ اۋىل - قىستاقتارىنىڭ تاماشا كوركىن كوبىرەك ەستەلىككە الامىن“،- دەدى.
اۋىل - قىستاقتى گۇلدەندىرۋ، كاسىپ سالاسىن گۇلدەندىرۋ ماڭىزدى ءتۇيىن. شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ قاراقاش اۋدانى ياۋا اۋىلى قوعداي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتىنىڭ“ زور كۇشپەن قولداۋىندا، كەزەكتە، قوعداي قىستاعى تابيعي سۋ الابىن كىرىسۋ ءتۇيىنى ەتىپ، اۋىل - قىستاق وزگەشە ساياحاتىن زور كۇشپەن دامىتىپ، تۇنىق سۋ الابىن تۇلعالاپ، شارۋالار ساياجايىن سالدى، سۋ ونىمدەرى باعىمشىلىق رايونى، سۋ ءۇستى اسحانا رايونى، بولەك بولمەلى اس - سۋ قىزمەت وتەۋ رايونى، بالالاردىڭ ويىن - ساۋىق رايونى سىندىلاردى قۇردى. نەگىزگى قۇرىلعىلاردى ۇزدىكسىز ساپالىلاندىرۋ ارقىلى، ەكولوگيانى قورعاپ قانا قالماستان، ەكونوميكانى دا دامىتىپ، جەرگىلىكتى ورىنداعى 25 ادامدى جاقىن ماڭنان، سول جەردەن جۇمىستانۋعا جەبەدى، ولاردىڭ ەڭ جوعارى ايلىق كىرىسى 5000 يۋاننان اسادى. اۋىلدىڭ وزگەشە تابيعات كورىنىسى جازدا سالقىنداپ دەمالاتىن تاماشا جەرگە اينالىپ، قىرۋار ساياحاتشىلاردىڭ كوڭىلىنە ۇنادى، كۇندىك ساياحاتشى قابىلداۋ شاماسى ەڭ جوعارى بولعاندا 1000 ادام - رەت بولدى.
قىزمەتكەر مامەتيمىن ياسىن: ”مەنىڭ ءۇيىم وسى ماڭايدا، ءوزىم وسى شارۋالار ساياجايىندا قىزمەت ىستەيمىن، ايىنا 5000 يۋان كىرىس كىرگىزەمىن، ۇيگە جاقىن، كىرىس جوعارى، وتە قولايلى. كوماش پىسىرۋعا جانە بالىق قاقتاۋعا ءبىرشاما شەبەرمىن، قازىر تۇرمىس شارت - جاعدايى جاقسى، كەلىپ سەيىلدەپ - سەرۋەندەيتىن ساياحاتشىلار وتە كوپ، كوپشىلىكتىڭ مەنىڭ جاساعان تاعامدارىما بەرگەن باعاسى دا جوعارى، مەن ەرەكشە قۋانىشتىمىن!“،- دەدى.
شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ قاراقاش اۋدانى ياۋا اۋىلى قوعداي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىرىنشى شۋجيى يارمامەت سىرايىل: ”شەكتەۋلى سۋ الابى بايلىعىنان ءتيىمدى پايدالانىپ، اۋىل - قىستاق ساياحاتىن دامىتۋ ءبىزدىڭ قىستاق قىزمەتىنىڭ بىرنەشە جىلدان بەرگى كەلەلى ءتۇيىنى، ءبىز ءادىس - امالداردى ۇزدىكسىز ساپالىلاندىرىپ، اۋىل - قىستاق ساياحاتىن دامىتۋ ارقىلى 1-، 2-، 3 - كاسىپ سالالارىنىڭ توعىسا دامۋىن باياندى ىلگەرىلەتىپ، قوعداي قىستاعىنىڭ اۋىل - قىستاقتى گۇلدەندىرۋ جولىندا ورنىقتى، باياندى ىلگەرىلەۋىنە مۇمكىندىك جاسايمىز“.
