اڭگىمە - دۇكەن قۇردى، ىنتىماقتى تىلگە تيەك ەتتى، ىزگى تىلەك جولدادى

日期:2022年07月10日
来源:新疆日报
【字体:

رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى بۇقارامەن مەرەكەنى بىرگە وتكىزدى

اڭگىمە - دۇكەن قۇردى، ىنتىماقتى تىلگە تيەك ەتتى، ىزگى تىلەك جولدادى

  7 - ايدىڭ 9 - كۇنى اۋات اۋداندىق پارتكوم ۇيىمداستىرۋ ءبولىمىنىڭ ايباق قالاشىعىنىڭ باقىت قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىمەن بىرگە ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن وتكىزىپ، كوپشىلىك قۇربان ايتتى بىرگە شات - شادىمان وتكىزدى.

□ سۋرەتتى باۋ لياڭتيڭ تۇسىرگەن

□ انار بۇلت \ شينجياڭ گازەتىنىڭ تىلشىلەرى

  قۇربان ايت قارساڭىندا رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى ءار ۇلت بۇقاراسىنا امانداسا بارىپ، ولاردان حال سۇراپ، مەرەكەنى بىرگە وتكىزدى.

  ۇلۇقشات اۋداندىق ساناق مەكەمەسىنىڭ وسى اۋداننىڭ جىعىن اۋىلى ساز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى ”حالىق ونەگەسى“ بۇرماحان مولدونىڭ ۇيىنە كەلىپ، بۇرماحان اجەيگە مەرەكە بايلانىسىمەن امانداستى جانە ىزگى تىلەك ءبىلدىرىپ، پارتيانىڭ قامقورلىعى مەن مەيىرىن جەتكىزدى.

  ”قارت پارتيا مۇشەلەرى قىمباتتى بايلىق، قىزمەت اترەتىمىز قارت پارتيا مۇشەلەرىنە دەن قويا، سۇيىسپەنشىلىكپەن كوڭىل ءبولىپ، قامقورلىق جاساپ، ءتۇرلى ساياساتتاردى مۇقيات تياناقتاندىرىپ، پارتيانىڭ مەيىرىن ولاردىڭ جۇرەگىنە جەتكىزۋى كەرەك“، - دەدى قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي مامەتتوحتى مامەتشەرىپ.

  ”قازىر كوپشىلىكتىڭ تۇرمىس شارت - جاعدايى جاقساردى، مەرەكە - مەيرامدار دەرلىك دۋماندى وتەدى، قىستاقتا كوڭىل اشۋ قيمىلدارى دا كوبەيدى، وسىنىڭ بارلىعى پارتيانىڭ قامقورلىعى مەن كومەگىندە، كوپشىلىكتىڭ بىرگە قۇلشىنىس جاساۋىنان كەلگەن. كوپشىلىكتىڭ تۇرمىسى، ءسوز جوق، بارعان سايىن جاقسارا تۇسەدى“، - دەدى بۇرماحان مولدو.

  تاڭ سارىدە تۇرپان قالاسى گاۋچاڭ رايونى لاۋچىڭ جولى باسقارماسى سۋگۇڭتا الەۋمەتتىك اۋماعىنىڭ تۇرعىنى ايگۇل احمەت مەرەكەلىك تارتۋ تاپسىرىپ الدى.

  قاراستى اۋماقتاعى بۇقارانىڭ مەرەكەنى شات - شادىمان وتكىزۋىنە مۇمكىندىك جاساۋ ءۇشىن، جۇڭگو عۇمىر قامسىزداندىرۋ شەكتى جارنا سەرىكتەستىگى تۇرپان بولىمشە سەرىكتەستىگى، تۇرپان قالاسى گاۋچاڭ رايونى ءۇي جيناۋ جانە تولەم بەرۋدى باسقارۋ كەڭسەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا گاۋچاڭ رايونى لاۋچىڭ جولى ءمالىسى سۋگۇڭتا الەۋمەتتىك اۋماعىندا تۇراتىن قىزمەت اترەتى الەۋمەتتىك اۋماقتاعى ءبىر ءبولىم بۇقاراعا امانداسا بارىپ، ولاردان حال سۇراپ، كۇرىش، ۇن، ماي سياقتىلاردى جەتكىزدى ءارى ولارمەن اڭگىمە - دۇكەن قۇرىپ، مەرەكەنى بىرگە وتكىزدى.

  ”ءار رەتكى مەرەكە - مەيرامداردا قىستاق كادرلارى مەن ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ مۇشەلەرى ءبىزدى ەسىنەن شىعارمايدى، ءبىز ىشتەي ەرەكشە مەيىرگە بولەنەمىز“، - دەدى ايگۇل احمەت تەبىرەنە.

  7 - ايدىڭ 8 - كۇنى شينجياڭ اۋىل شارۋاشىلىق داشۋەسىنىڭ اۋات اۋدانى بەسارىق قالاشىعى تومەنگى قۇمارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى امانداسۋ، حال سۇراۋ قيمىلىن ۇيىمداستىرىپ، ورىستەتىپ، پارتيانىڭ قامقورلىعى مەن مەيىرىن قىستاق تۇرعىندارىنىڭ جۇرەگىنە جەتكىزدى.

  ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ما جىچياڭ بىلاي دەدى: ”امانداسۋ، حال سۇراۋ قيمىلى مەرەكەلىك تىلەك جەتكىزۋمەن بىرگە، بۇقارانىڭ ءوندىرىس، تۇرمىس جاعدايىن ۇعىسىپ، يگەرىپ، قىزۋ ىنتامەن جانە ادالدىقپەن ’جۇرەكتەردى توعىستىرۋ كوپىرىن‘ سالۋعا دا سەپتىگىن تيگىزدى“.

  ”قايراتتان، قايراتتان...“ 7 - ايدىڭ 9 - كۇنى تۇستەن بۇرىن كوكتوعاي اۋدانى تەمەكى اۋىلى تەمەكى قىستاعىنىڭ جايلاۋىندا قىزىقتى سپورت جينالىسى وتكىزىلدى.

  ارقان تارتۋ جارىس الاڭىندا قىزمەت اترەتىنىڭ مۇشەلەرى، نەگىزگى ساتى كادرلارى جانە قىستاق تۇرعىندارىنان ۇيىمداسقان 6 قوسىن بىلەك سىبانىپ، قارمانىپ قالۋعا دايىن تۇر. ىسقىرىق ءۇنى شىعىسىمەن ەكى جاق دەرەۋ جارىس كۇيىنە ءوتتى، كورەرمەندەر جۇدىرىقتارىن ءتۇيىپ، تەڭ داۋىسپەن مەدەت بەرۋدە. قايراتتانداعان ءۇن، الاقايلاعان ءۇن، بارابان ءۇنى تولاستامادى.

  ”ءار ۇلت بۇقاراسى قۇربان ايت مەرەكەسىن بىرگە قارسى الىپ، سپورتتىڭ قىزىعىنان ءلاززاتتاندى ءارى ءوزارا سۇيىسپەنشىلىكتەرىن تەرەڭدەتتى. بۇدان بىلاي ءبىز بۇقارا ۇناتاتىن اناعۇرلىم مول مادەنيەت، دەنە تاربيە قيمىلدارىن ۇيىمداستىرىپ ورىستەتەمىز“، - دەدى كوكتوعاي اۋداندىق ساناق مەكەمەسى، جۇڭگو عۇمىر قامسىزداندىرۋ شەكتى جارنا سەرىكتەستىگى كوكتوعاي اۋداندىق بولىمشە سەرىكتەستىگىنىڭ تەمەكى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي قۋانىش ماعزام.

  7 - ايدىڭ 9 - كۇنى جىڭ اۋدانى اقشي ەگىس الاڭى ەگىنشىلىك 6 - اترەتىنىڭ مادەنيەت وتاۋىندا جىڭ اۋداندىق سۋ يگىلىگى باسقارماسىنىڭ ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى بۇقارانى ۇيىمداستىرىپ، ”ۇلتتار ىنتىماعىنىڭ بەرەكەلى شاڭىراعى، قۇربان ايت مەرەكەسىن بىرگە تويلايىق“ تاقىرىبىندا بىرلەسكەن دوستىق قيمىلىن وتكىزىپ، كوپشىلىك قۋانىشپەن ءبىر اراعا باس قوسىپ، ءان ايتىپ، ءبي بيلەدى.

  كوپشىلىك مەرەكەلىك كيىمدەرىن كيىپ، بۇرالا بيگە باستى. دوستىق قيمىلىندا دەن قويا دايىندالعان ۇلتتىق ءبي، وسى زامان ءبيى، ولەڭ وقۋ جانە حاتكەرلىك كورمەسى بار. كوپشىلىك ۇلتتار ىنتىماعى بىلىمدەرىنەن سۇراۋ - جاۋاپقا بەلسەنە قاتىناستى، قيمىل الاڭىندا ىنتىماقتاسا العا ۇمتىلعان ىنتا ايگىلەندى.