تاياۋدا، تولى اۋداندىق پارتكوم پارتيا تاريحى جانە جەرگىلىكتى شەجىرە زەرتتەۋ كەڭسەسىنىڭ اقبەلدەۋ اۋىلى لابا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتىنىڭ“ القالارى، نىساندى تياناقتاندىرۋ، ەكونوميكانى دامىتۋ سىندى شارالار ارقىلى لابا قىستاعىنىڭ اۋىل - قىستاقتى گۇلدەندىرۋ قىزمەتىن ىلگەرىلەتتى.
جاز كەلۋىمەن، لابا قىستاعى شەپتىك رولىن ساۋلەلەندىرىپ، كەشكى بازار ءدالىزىن اشىپ، كەشكى ەكونوميكانى جەبەۋمەن بىرگە، لابا قىستاعى مەن توڭىرەكتەگى ءار ۇلت حالىق بۇقاراسىنىڭ كەشكى تۇرمىسىن اناعۇرلىم بايىتتى. كەشكى بازاردىڭ رولىن اناعۇرلىم ويداعىداي ساۋلەلەندىرۋ ءۇشىن، لابا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتىنىڭ“ القالارى جايماشىلارعا جايما ورنىن تەگىن ازىرلەپ، ورىندىق، ۇستەل، شىراق سىندى قۇرىلعىلارمەن قامداۋعا كەپىلدىك ەتىپ، كەشكى ەكونوميكانىڭ جاندانۋىنا دەم بەردى. لابا قىستاعىنداعى كەشكى بازاردا تيجارات جۇرگىزەتىن جايماشى بازارالى ەركەش: ”بۇل جەردەگى جايما ورىندار تەگىن پايدالانۋعا بەرىلدى، جايشىلىقتا كۇنىنە 2000 يۋاننان استام كىرىس كىرگىزەمىن، بىزگە وسىنداي تۇعىر ازىرلەپ بەرگەنىنە العىسىم شەكسىز“،- دەدى.
تولى اۋداندىق پارتكوم پارتيا تاريحى جانە جەرگىلىكتى شەجىرە زەرتتەۋ كەڭسەسىنەن اقبەلدەۋ اۋىلى لابا قىستاعىندا تۇراتىن ءبىرىنشى شۋجي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى يە جۇيگىن تانىستىرىپ بىلاي دەدى: ”قازىر 12 جايما ورنى اشىلىپ، 15 ادامنىڭ جۇمىستانۋىن شەشتى. كەلەسى قادامدا، لابا كەشكى بازارىن باسقارۋدى ىشكەرىلەي كۇشەيتىپ، الدىمەن قوسىمشا قاتىناس قۇرىلعىلارىن مولايتىپ، قاتىناستىڭ حاۋىپسىزدىگىنە كەپىلدىك ەتەمىز؛ ەندى ءبىرى لابا قىستاعىنىڭ تازالىقتى باقىلاپ - باسقارۋىن كۇشەيتەمىز، بۇدان سىرت كاسىپپەن شۇعىلداناتىنداردى باۋلۋدى كۇشەيتىپ، قىزمەت وتەۋ دەڭگەيىمىزدى ءوسىرىپ، كەشكى بازار ەكونوميكاسىن دامىتۋ ارقىلى لابا قىستاعى تۇرعىندارىنىڭ كىرىسىن ارتتىرىپ، اۋقاتتانۋىن جەبەيمىز “.
اۋىل - قىستاقتى گۇلدەندىرۋ ستراتەگياسى اتقارىلعاننان بەرى، لابا قىستاعى جالپى 6 نىساندى اتقارىپ، جيىنى 27 ميلليون 500 يۋان قارجى قوستى، ونىڭ ىشىندە، جولعا اسفالت توسەۋ، جاسىلداندىرۋ، كورىكتەندىرۋ، 5000 شارشى مەتردەن اساتىن شاعىن الاڭ قۇرىلىسى، 260 شارشى مەترلىك مالشىلار كورمە سارايى قۇرىلىسى، سونداي - اق 100 مالشى - ديقان وتباسىنىڭ اۋلا ەكونوميكاسىن دامىتۋىنا قولداۋ كورسەتۋ سىندىلار قامتىلادى. (تولى اۋداندىق توعىسپالى مەديا ورتالىعىنىڭ ءتىلشىسى دارقان)
