بيىل جىل باسىنان بەرى اۋات اۋدانى دولان اۋىلى ەگىمشىلىك كاسىپ سالاسى قۇرىلىمىن ۇزدىكسىز ساپالىلاندىرىپ، رەتتەپ، اۋقاتتانۋ، كىرىستى ارتتىرۋ ارناسىن كەڭەيتىپ، اۋىل شارۋاشىلىعىنا تەحنيكالىق جاقتان قىزمەت وتەۋدى تىرەك ەتىپ، سيىر بۇرشاق سىندى ەرەكشە كاسىپ سالاسىنىڭ اۋىل شارۋاشىلىعىنىڭ ونىمدىلىگىن ارتتىرۋداعى، ديقانداردىڭ كىرىسىن ارتتىرۋداعى ماڭىزدى رولىن ۇزدىكسىز ساۋلەلەندىرىپ، قىستاق تۇرعىندارىنىڭ تۇرمىسىن شىن مانىندە ”بايىتتى“.
6 ـ ايدىڭ 18 ـ كۇنى، اۆتونوميالى رايوندىق قوسىننان شەگىنگەن اسكەريلەر ىستەرى مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا اۋات اۋدانى دولان اۋىلى حۋاڭگۇڭ قىستاعىندا تۇراتىن قىزمەت اترەتى قىستاق كادرلارىن، قىزمەت اترەتى مۇشەلەرىن ۇيىمداستىرىپ، اۋات اۋدانى دولان اۋىلى حۋاڭگۇڭ قىستاعىنداعى سيىر بۇرشاق ەگىلگەن جەرلەردە بۇقارانىڭ سيىر بۇرشاقتى جيناۋىنا كومەكتەستى، كوپشىلىك جۇمىس ٴبولىسى بويىنشا سەلبەسىپ، اشىق كۇندى مىقتاپ يگەرىپ، جۇمىس باسىندا قاربالاس جاعداي جارىققا شىقتى.
اۋات اۋدانى دولان اۋىلدىق پارتكومنىڭ شۋجيى ليۋ شينيۇي بىلاي دەدى: ”بيىل قىستاعىمىز 250 مۋدان استام جەرگە سيىر بۇرشاق ەكتى، مەجەمەن ٴار مۋ جەردەن بۇقاراعا 3000 يۋان اينالاسىندا كىرىس ارتتىرادى، الداعى جەردە سيىر بۇرشاقتى كۇندەلىكتى باسقارۋعا ارناۋلى ادام جىبەرىپ، سيىر بۇرشاقتان مول ٴونىم الۋعا تاماشا نەگىز قالاۋدى جوسپارلاپ وتىرمىز. سونىمەن بىرگە، ساتۋ ارناسىن بەلسەنە كەڭەيتىپ، بازاردىڭ قاجەتىنە ساي، ’قىزمەت اترەتى + ديقان وتباسى + ساتىپ الۋشى ساۋداگەر‘ ۇلگىسى ارقىلى مول ٴتۇسىمدى بولۋ ٴارى مول ٴونىم الۋ نىساناسىن جۇزەگە اسىرىپ، اۋىل ـ قىستاقتى گۇلدەندىرۋگە بەرىك نەگىز قالاپ، سيىر بۇرشاقتى بۇقارانىڭ كىرىسىن ارتتىرىپ، اۋقاتتانۋىنداعى ’بايلىق قاينارىنا‘ اينالدىرامىز“. (اۋات اۋداندىق توعىسپالى مەديا ورتالىعىنىڭ ەرىكتى ٴتىلشىسى ليۋ جۇنپيڭ)
